Ўзбекистон президенти инклюзив жамиятни барпо этиш бўйича комплекс чора-тадбирларни амалга оширилишини айтди. «Ишонтириб айтаманки, сизлар ўзларингизни ёлғиз ҳис этмаслигингиз учун бор куч ва имкониятларни сафарбар этамиз», — деди у Халқаро ногиронлар куни муносабати билан йўллаган мурожаатида.
Нукус воқеаларида айбланаётганларнинг судини кузатаётган Европа Иттифоқи, Самарқандда уйдан топилган ота ва 5 ёшли қизалоқнинг мурдаси, талабаларга поезд чипталари учун 50% чегирма, Ўзбекистонда АЭС лойиҳасини тезлаштиришга чақирган Россия бош вазири ва бошқалар — «Газета.uz»нинг кун дайжестида.
UzAuto Motors компанияси Chevrolet Cobalt автомобилининг янгиланган прототипини Ўзбекистонга олиб келди. Ушбу версия 2024 йилдан ишлаб чиқарилиши мумкин.
Инсон ҳуқуқлари бўйича халқаро ташкилот вакили Гулноз Мамарасулова Нукус воқеалари бўйича суд жараёни ҳақида фикр билдирди. Тажимуратов бошқа судланувчиларнинг айбларини тасдиқлайдиган, уларга қарши ишловчи саволларни бермоқда, унга нисбатан ҳам айни шундай ҳаракат қўлланилмоқда, деди у.
Ўзбекистонда коронавируснинг «омикрон» ВА.5 варианти доминант версияга айланди, дея маълум қилди ССВ. Унинг инкубация даври қисқароқ — 2−3 кун. Аломатлари — томоқ оғриғи, иситма, кучли бош ва мушаклар оғриғи, конъюнктивит, тонзиллит ва отит.
Россия бош вазири Михаил Мишустин Самарқандда Ўзбекистон бош вазири Абдулла Арипов билан учрашувда атом электр станциясини қуриш лойиҳаси бўйича келишувларни амалга оширишни тезлаштиришга чақирди.
Самарқанд вилояти Каттақўрғон туманидаги хонадонларнинг бирида ота ва 5 ёшли қизалоқнинг мурдаси топилди. Дастлабки суд-тиббий экспертизаси уларнинг ўлимига «номаълум этиологикдан заҳарланиш» сабаб бўлганини кўрсатмоқда. Холат юзасидан терговга қадар текшириш ҳаракатлари олиб борилмоқда.
Тошкент бу йил дунёнинг энг қиммат шаҳарлари рейтингида ўтган йилга нисбатан (2021 йилда 171-ўрин эди) ўз ўрнини бироз яхшилаган ҳолда 168-ўринни эгаллади. Бу йил яшаш учун энг қиммат шаҳарлар Сингапур ва Нью-Йорк бўлди.
Монополияга қарши курашиш қўмитаси метан газ нархлари назоратга олинганини маълум қилди. Қўмита нархларини сунъий равишда ошириш ҳолати аниқланган тақдирда мансабдор шахсларга белгиланган тартибда тегишли чора кўрилишини эслатиб ўтди.
Тошкент туманининг Қозоғистон билан чегарадош ҳудудларида айрим объектлар бузилмоқда. Уларнинг ўрнига чегарани мустаҳкамлаш мақсадида тўсиқлар, чегара йўллари, кўприклар, муҳандислик иншоотлари ва бошқа объектлар қурилади.
Европа Иттифоқи Нукус воқеаларида айбланаётганлар устидан суд жараёнини диққат билан кузатиб бораётганини билдирди. «Биз ҳукумат фикрни эркин изҳор қилиш ва йиғилишлар эркинлиги бўйича, шу жумладан, GSP+ доирасидаги ўзининг мажбуриятларини бажаришга чақирамиз», — дейилади Европа Иттифоқи баёнотида.
2022 йилнинг ўн ойида 344 та ҳолатда хизмат вазифасини ўтаётган ИИО ходимларига нисбатан фуқаролар томонидан қаршилик кўрсатилган. 72 нафар фуқаро жавобгарликка тортилган. «Ходимлар ва фуқаролар ўртасидаги ҳолатлар тизим имижига салбий таъсир кўрсатяпти», — деди ИИВ вакили Ҳамза Махсумов.
Ўзбекистонда дам олиш кунлари совуқ антициклон таъсири сақланиб туради. Ҳаво ҳарорати кечалари −2…−7 даража, кундуз кунлари 0…+5 даража атрофида бўлади. Республиканинг барча ҳудудларида кучсиз шамол бўлиши кутилмоқда.
«Ўзбекистон темир йўллари» компанияси 22 декабрдан 10 январгача давлат ОТМларида ўқийдиган талабалар учун маҳаллий йўналишдаги поездларга 50% чегирма эълон қилди. Уларни темирйўл кассаларидан ёки railway.uz сайтидан харид қилиш мумкин.
Ҳукуматнинг ЙПХ ходимларининг махсус мосламалардан фойдаланиши тартиби бўйича қарор лойиҳаси муҳокамага қўйилди. Ҳужжат билан ҳайдовчиларининг гиёҳвандлик воситалари ва психотроп моддалар таъсиридан маст ҳолатда эканлигини аниқлашда наркотестер техник воситасидан фойдаланиш йўлга қўйилиши мумкин.
ДХХ ва Бухоро вилояти ИИБ ходимлари томонидан Ромитан туманида 456 дона майнинг қурилмаларини ўрнатган ферма аниқлади. Электр энергиясидан ноқонуний фойдаланиш оқибатида ферма давлатга 2 млрд 530 млн сўм миқдорида зарар етказгани маълум бўлди.
1 декабр куни Ўзбекистонда 159 кишида коронавирус аниқланди (ўтган куни 154 киши касалланганди). Касаллик энг кўп Тошкент шаҳри (64 нафар) ва вилоятида (19 нафар) қайд этилди.
Ўзбекистон бир ҳафта ичида Pfizer вакцинасининг 3-партиясини қабул қилиб олди. Жума куни 2,3 млн доза вакцина келтирилди. Аввалроқ, мазкур вакцинанинг қарийб 143 минг ҳамда 550 минг дозаси етиб келганди.
Польшанинг Лодз шаҳрида Ўзбекистон ташқи ишлар вазири Владимир Норов Испания Қироллигидаги ҳамкасби билан учрашди. Томонлар иқтисодий алоқалар, туризм, маданий-гуманитар ва таълим соҳаларида ҳамкорлик бўйича фикр алмашди. Ўзбекистон расмий Мадриднинг Тошкентда элчихона очиш режаларини олқишлади.
Банклар 2 декабрь куни аҳолидан 1 АҚШ долларини 11 175 — 11 285 сўмдан сотиб олмоқда, аҳолига сотиш курси эса 11 285 сўм этиб белгиланди.
Қўшимча имкониятларга эга булиш учун сайтда рўйхатдан ўтинг