Yandex Go хизмати таксопарклар учун комиссияни оширди
Yandex Go хизмати Ўзбекистонга тўлайдиган ҚҚС сабаб таксопарклар учун комиссия миқдорини оширганини тасдиқлади. Шу билан бирга, хизмат вакилларининг таъкидлашича, таксопарклар ўз комиссиясининг камайтиришини кутиш мумкин. Айрим таксопарклар буни тасдиқлади.
Тошкент ва Наманган вилоятларида қор кўчиш хавфи эълон қилинди
8−13 декабрь кунлари Тошкент ва Наманган вилоятларининг тоғли ҳудудларида қор кўчиш хавфи эълон қилинди. Шунингдек, 10−12 декабрь кунлари Қамчиқ довонида кучли ёғингарчилик ва туман кузатилиши, автойўлда яхмалак ва қор уюмлари юзага келиши мумкин.
Ўзбекистон ва Ҳиндистон мудофаа саноати соҳасида ҳамкорликни йўлга қўймоқчи
Тошкентда мудофаа саноати соҳасида ҳамкорлик бўйича Ўзбекистон-Ҳиндистон семинари ўтказилди. Унда мудофаа саноат мажмуаси корхоналари икки томонлама ҳамкорликни йўлга қўйиш ва қўшма лойиҳалар муҳокама қилинди.
Тошкент вилоятида терговдаги фуқаронинг ўлимига сабабчи бўлган ИИБ ходимлари 6 йилдан 8,5 йилгача қамалди
Суд Тошкент вилояти Бўка тумани ИИБ жиноят қидирув бўлимининг собиқ бошлиғи, икки нафар терговчи ва профилактика инспекторини 6 йилдан 8,5 йилгача муддатга озодликдан маҳрум қилди. Ходимлар касалхонада вафот этган гумонланувчини қийноққа солишда айбдор деб топилди, бироқ улар буни рад этди.
Конституциявий суд Ўзбекистонда конституциявий қонунийлик ҳолатини муҳокама қилди
Конституциявий суд болаларни зўравонликдан ҳимоялаш бўйича қонунчиликни такомиллаштириш ва ҳуқуқни муҳофаза қилувчи органларнинг мулк ҳуқуқлари бузилишига «мутлақо тоқатсиз муносабат»ини шакллантириш муҳим, деб ҳисоблайди. Судларнинг кенгашларга ҳисобот бериш амалиётини бекор қилиш таклиф этилмоқда.
Самарқанд вилоятида 47 киши жиноий гуруҳга аъзоликда гумонланиб ушланди
Самарқанд вилоятида 47 киши жиноий гуруҳга аъзоликда гумонланиб қўлга олинди. Уларнинг 6 нафарига нисбатан жиноят иши қўзғатилди, 25 нафари маъмурий тартибда қамалди. Ушбу шахслардан психотроп воситалар ва совуқ қуроллар олиб қўйилди, дея хабар берди ДХХ.
Конституция куни муносабати билан 334 нафар маҳкум афв этилди
Президент чин кўнгилдан пушаймон бўлган ва тузалиш йўлига қатъий ўтган 334 нафар маҳкумни афв этди. Уларнинг 18 нафарини чет эл фуқаролари, 23 нафарини аёллар, 15 нафарини 60 ёшдан ошган шахслар ҳамда 88 нафарини тақиқланган ташкилотлар фаолиятида қатнашганлар ташкил этади.
Тошкентда Аббосхон Ходжаев қўлга олинди. У аввал ҳам «криминал авторитет» сифатида қамалганди
Тошкентда жиноят содир этганликда гумонланган яна 6 киши ушланди. Улар орасида аввалроқ пойтахтнинг «криминал авторитет» номига даъвогарлик қилган ва икки йилга қамалиб чиққан Аббосхон Ходжаев ҳам бор.
Қонунчиликни Жаҳон савдо ташкилоти битимларига уйғунлаштириш назарда тутилган қонун лойиҳаси ишлаб чиқилмоқда
Вазирлар Маҳкамаси томонидан Қонунчилик палатасига миллий қонунчиликни Жаҳон савдо ташкилоти битимларига уйғунлаштириш назарда тутилган қонун лойиҳаси киритилди. Лойиҳа Саноат, қурилиш ва савдо масалалари қўмитаси ва тегишли вазирлик ҳамда идоралар вакиллари билан биргаликда такомилига етказилмоқда.
Тошкент ва Хоразмда қурол ва гиёҳвандлик воситалари сақлаган шахслар қўлга олинди
Тошкент шаҳри ва Хоразм вилоятида гиёҳвандлик воситалари билан боғлиқ жиноятлар ва безориликда гумонланиб 19 нафар шахс қўлга олинди.
Тошкентда журналистларни калтаклаган «Кўприкқурилиш» ходимига жазо тайинланди
Тошкентда репортаж тайёрламоқчи бўлган журналистларни калтаклаган «Кўприкқурилиш» ходими 4 йилга шартли равишда озодликдан маҳрум қилинди. Айбдорга 2 йиллик синов муддати белгиланди ва ундан 23,7 млн сўм зарар ундирилди.
Ўзбекистон ўқувчилар кўникмасини баҳолаш халқаро дастурида илк бор қатнашиб, охирги ўнталикдан жой олди
Ўзбекистон 15 ёшли ўқувчиларнинг математика, ўқиш ва табиий-илмий саводхонлиги бўйича кўрсаткичларини халқаро баҳолаш дастури (PISA)да илк бор қатнашиб, сўнгги ўнталикка кирди. Тадқиқот ўқувчилар кўникмаларига ижтимоий-иқтисодий аҳвол ва оиланинг озиқ-овқат хавфсизлиги таъсир қилишини кўрсатди.
Ўзбекистонда «заправка»лар 11 ойда 110,4 млрд сўмлик газ ўғрилагани аниқланди
Ўзбекистонда 11 ойда «заправка»лар 110,4 миллиард сўмга тенг бўлган табиий газ ўғирлангани аниқланди. Жамият ва таъминотчи корхона мансабдорларига жиноят ишлари қўзғатилиб, процессуал тартибда ушланган.
ОТБ Ўзбекистонга корхоналар ва иқтисодий ўсишни рағбатлантириш учун 100 млн доллар қарз ажратди
Осиё тараққиёт банки Ўзбекистонда кичик ва ўрта корхоналарни қўллаб-қувватлаш ва иқтисодий ўсишни рағбатлантириш учун 100 млн доллар қарз ажратди. Маблағлар, жумладан, корхоналарнинг иқтисодий зарбаларга чидамлилигини оширишга йўналтирилади.
Фуқародан 10 минг доллар олишда гумонланган Олий суд ходими қамоққа олинди
ДХХ фуқародан 10 минг доллар олишда гумонланган Олий суднинг катта консультантини қўлга олди. У 2 кишининг оқланишига ёрдам беришни ваъда қилган. Шунингдек, маҳаллий тадбиркордан 6 минг доллар олишда гумонланган Сурхондарё вилоят суди судьяси катта ёрдамчиси ҳам ушланди.
Халқаро молия институтлари табиий офат юз берганда мамлакатларга қарз тўловини кечиктириш имконини беради
Бир қатор йирик халқаро молия институтлари, жумладан, Жаҳон банки табиий офат юз берган тақдирда мамлакатларга қарз тўлашни кечиктириш имкони берилишини ваъда қилди.
Тошкент вилоятида 4 ёшли болани уриб дарс ўтган педагог ишдан олинди
Тармоқларда педагог 4 ёшли болани уриб, машғулот ўтаётгани акс этган видео тарқалди. Болалар омбудсмани ҳолатни назоратга олди ва педагогнинг ишдан бўшатилганини билдирди.
Тошкентда 2 та «гармошка»ли электробус ҳаракатланишни бошлади
Тошкентдаги 14-сонли йўналишда ўта катта сиғимли электробуслар хизмат кўрсатишни бошлади. Улар King Long автобуслари ишлаб чиқарувчи завод томонидан бонус тариқасида берилган.
Ғайрат Фозилов Ўзбекистоннинг Бельгиядаги элчиси бўлди
Ташқи ишлар вазири ўринбосари Ғайрат Фозилов Ўзбекистоннинг Бельгиядаги элчиси бўлди. У 2017 йилдан буён Бельгия, Нидерландия ва Люксембургдаги элчи бўлиб ишлаган Дилёр Ҳакимов ўрнини эгаллади.
Тошкентда Бузрук Бузруков қўлга олинди
Тошкентда жиноят содир этганликда гумонланиб Бузрук Бузруков қўлга олинди. Унга нисбатан қамоққа олиш тарзидаги эҳтиёт чораси қўлланилди.
Қўшимча имкониятларга эга булиш учун сайтда рўйхатдан ўтинг