Ўзбекистонда коронавирус инфекциясидан соғайган беморлар сони 63 нафарга ортиб, жами 3700 кишига тенг бўлди. Ҳозирда Республика бўйлаб шифохоналарда 1100 бемор даволанмоқда, уларнинг 12 нафарини аҳволи оғир, 2 нафариники эса ўта оғир аҳволда, деб баҳоланмоқда.
Ўзбекистоннинг Қирғизистон ва Туркманистонга туташ ҳудудларида «Қўнғирот» ва «Дўстлик» эркин савдо зоналари ташкил этилиши мумкин. ЭСЗларнинг фаолият муддати 30 йилга мўлжалланиб, унинг иштирокчиларига солиқ имтиёзларини тақдим этиш кўзда тутилган.
Фарғона шаҳридаги Корея халқаро университети томонидан қиймати 11,9 миллион долларлик учта лойиҳа амалга оширилади. Мазкур университетда талабалар амалиётга максимал тарзда йўналтирилади ва Кореяда ўқиш имкониятига эга бўлади.
2020 йилги мактаб битирувчилари ОТМларга ҳужжат топшираётганда аттестатни тақдим этишлари шарт бўлмайди. Баҳолар электрон базага тўлиқ киритилиб, аттестатларга QR-код қўйилади.
Пойтахтнинг Яккасарой туманида «Сувсоз» компаниясининг икки ишчиси коммуникация қудуғида заҳарли газдан вафот этди
Дам олиш кунлари республика ҳудудида иссиқ ва қуруқ об-ҳаво ҳукмрон бўлиши кутилмоқда. Кундузи ҳарорат 35−37 даражагача кўтарилиб, тунда 18−20 даража атрофида бўлади.
Хоразмда бир гуруҳ аёллар томонидан «самосуд» амалга оширилди. Жабрдийда улардан бирининг оиласи бўлган ўғли билан бирга яшаб келаётгани ва ўртада бир фарзанди борлиги маълум бўлди.
Қирғизистон президенти Сооронбай Жээнбеков Ўзбекистон билан иқтисодий алоқаларни мустаҳкамлашдан манфаатдорлигини билдирди ва икки мамлакт ўртасидаги муносабатларни «узоқдаги қариндошдан, яқиндаги қўшни яхши», дея таърифлади.
3,4 магнитудалик зилзила Қирғизистонда содир бўлиб, унинг таъсири (2 балл) Андижон шаҳрида сезилди. Ўзбекистоннинг бошқа ҳудудларида ер силкиниши қайд этилмади. Талофатлар ва жабрланганлар тўғрисида маълумот келиб тушмади.
Коронавирус беморлари сони 78 нафарга ортиб, жами 4819 кишини ташкил этмоқда. Янги ҳолатларининг 66 нафари Карантин марказидаги фуқаролар орасида, 5 нафардан Сирдарё ва Бухоро вилоятларида ҳамда 2 нафари Самарқанд вилоятида аҳоли орасида аниқланган.
Ўзбекистонда кун давомида 118 кишида коронавирус аниқланиб, жами ҳолатлар 4741 тага етди. Жумладан, Қашқадарё вилояти Муборак туманида бир йўла 28 нафар фуқарода коронавирус инфекцияси қайд этилди.
Ўзбекистон президенти Шавкат Мирзиёев ЕТТБ президенти Сума Чакрабарти билан видеоалоқа орқали музокара ўтказди. ЕТТБ раҳбари банк Ўзбекистонда амалга оширилаётган янги ислоҳотларни лойиҳалар портфели ва молиявий-техник кўмак ҳажмини кенгайтириш орқали қўллаб-қувватлашда қатъий эканини таъкидлади
Ўзбекистонда бир кунда 105 киши коронавирусдан соғайиб, тузалганлар сони 3637 нафарга етди.
Наманган вилоятининг Поп туманида 1200 кишилик карантин маркази қурилди. Ҳар бир бокс душ, кондиционер, телевизор билан таъминланган ва тўрт кишига мўлжалланган.
Транспорт воситалари учун утилизация йиғимининг жорий этилиши «Ўзавтосаноат» автомобиллари нархига таъсир кўрсатмайди.
Сенатнинг видеоконференцалоқа шаклида ўтказиладиган навбатдаги ялпи мажлисида «Ов қилиш ва овчилик хўжалиги тўғрисида», «Фуқароларнинг жамоат тартибини сақлашда иштирок этиши тўғрисида"ги ва бошқа қонунлар кўриб чиқилади. Ялпи мажлисда адлия вазирининг ҳуқуқий тарғибот ва маърифат соҳасидаги ишлар юзасидан ахбороти ҳам эшитилади.
Суд Sulton Tex Group кластерининг Қарши туман ҳокими ва бошқа мансабдорларга қарши даъвосини қисман қаноатлантирди. Ҳокимнинг ҳаракатлари, шунингдек, кооперацияни рўйхатга олиш тўғрисидаги гувоҳнома ноқонуний деб топилди. Ҳозирча компаниянинг кластер сифатидаги тақдири ва кооперацияга берилган 13 минг гектар ернинг тақдири номаълумлигича қолмоқда.
АҚШнинг Tesla компанияси акцияларининг нархи илк бор $1000 долларидан ошиши оқибатида Tesla Япониянинг Toyota компаниясини ортда қолдириб автомобиль ишлаб чиқарувчи энг қиммат компанияга айланди, Илон Маскнинг бойлиги эса $42,9 млрд гача кўпайди.
Коронавирус ҳолатлари 22 тага кўпайиб, жами 4717 нафарга етди. Янги ҳолатларнинг 10 нафари Карантин марказидагиларда, 4 нафари Тошкент шаҳрида, 3 нафардан Сирдарё ва Тошкент вилоятларида ҳамда 2 нафари Қорақалпоғистонда аниқланган. Шу билан бирга, COVID-19 дан соғайганлар сони 3600 нафардан ошди.
Европа Иттифоқи COVID-19 пандемиясининг Ўзбекистон иқтисодиётига таъсирини юмшатиш ва камбағаллик даражасини камайтириш мақсадида 2021−2027 йилларга мўлжалланган молиявий ёрдам кўрсатади.
Қўшимча имкониятларга эга булиш учун сайтда рўйхатдан ўтинг