Tesla компаниясининг акциялари илк бор 1000 АҚШ долларлик маррани босиб ўтди ва бунинг оқибатида Tesla $190 млрд долларлик капитал айлануви билан автомобиль ишлаб чиқарувчи энг қиммат компанияга айланди. Бу ҳақда Nasdaq биржасидаги маълумотлардан кўриш мумкин. Бу борада Tesla нинг энг яқин рақобатчиси Япониянинг Toyota компанияси ҳисобланиб, ҳозирда $182 млрд га эга.
Reuters нинг хабар беришича, Tesla акцияларининг нархлари кўтарилишига компания бош директори Илон Маск ишчиларга Tesla нинг ўз юк машиналарини ишлаб чиқаришга тайёр эканлиги ҳақидаги хат туртки бўлган. Маск аниқ саналар ҳақида маълумот бермаган бўлса-да, у бу хабарни тасдиқлади.
Шу билан бирга, Reuters Tesla компаниясининг ўсиши борасида яна иккита сабаб келтирди. Биринчиси, инвестициялаштирувчи компания Wedbrush Tesla нинг имкониятларини юқори бахолаб, унинг акциялари нархини 1000 АҚШ долларидан юқори юўлишшини прогноз қилди.
Иккинчи сабаб сифатида Reuters инвесторлар яқинда Маск Tesla аккумуляторларининг ўзида янада кўпроқ қувват сақлай оладиган, арзон ва узоқ вақт хизмат қиладиган янгича технологиясини тақдим этишини кутмоқда. Маск юборган хабарда айтилишича, батареялар ва қувват агрегатлари Giga Nevada компанияси заводида ишлаб чиқарилади.
