Рэпер Моргенштерн Mercedes-Benz`ни янги эгасига топшириш учун Тошкентга келди
Рэпер Моргенштерн «Мерин» номли Mercedes-Benz машинасини янги эгасига топшириш мақсадида Тошкентга келди. Инстаграмдаги танловда унинг автомобилини бухоролик Азим Абдуллаев ютиб олган эди. Ҳозирча кўплаб муҳокамаларга сабаб бўлган масала — божхона тўлови қанчага тушгани маълум эмас.
Туризм соҳасига берилган имтиёзлар 2021 йил охирига қадар узайтирилади
Шавкат Мирзиёев пандемия сабабли туризм соҳаси учун 2020 йил охиригача берилган имтиёз ва преференцияларни 2021 йил охирига қадар узайтириш муҳимлигини таъкидлади. Шунингдек, аҳолининг бор-йўғи 19 фоизи жисмоний тарбия ва спорт билан қамраб олингани айтилди. Cпорт инфратузилмасини ривожлантириш масаласига алоҳида эътибор қаратилди.
Ўзбекистонда коронавирусга қарши Хитой вакциналарининг учинчи босқич синовлари бошланди
Инновацион ривожланиш вазирлиги раҳбариятининг 20 та кўнгилли оила аъзолари Хитойдан олиб келинган рекомбинант вакцина билан биринчи дозада эмланган.
Андижонда кўп қаватли хонадонда газ портлаши натижасида 3 киши жабр кўрди
Андижондаги кўп қаватли уйларнинг бирида газ портлаши оқибатида 30 кв. метр майдон ёниб зарарланган. Хонадондаги уч киши турли даражадаги куйиш тан жароҳатлари билан шифохонага ётқизилган.
Қайнонаси, ҳомиладор хотини ва икки нафар болани ўлдирганликда гумонланаётган шахс ушланди (янгиланди)
Қашқадарёлик эркак турмуш ўртоғини бошқа кишидан ҳомиладор бўлганликда айблаб, қайнонаси, ҳомиладор хотини ва икки нафар болани пичоқлаб ўлдирди.
Бу ғоялар остида Ўзбекистонга ёмонлик ётибди — Алишер Қодиров хориждан автомобиль олиб келиш таклифи ҳақида
Олий Мажлис Қонунчилик палатаси спикери ўринбосари Алишер Қодиров UzAuto Motors`га оид сўнгги янгиликлар юзасидан фикр билдирди. У Жаҳон савдо ташкилотига аъзолик орқали рақобат муҳитини шакллантиришга тайёргарлик кўрилаётганини таъкидлади. «Шу фикрга келиш учун шунча шовқин, шунча популизм… Кимлардир машҳурроқ бўлгандир, Ўзбекистон ютмади», — деди у.
Меҳнат мигрантлари мурожаатлари билан ишловчи янги платформа ишга туширилди
Меҳнат мигрантлари учун очиқ мулоқот имкониятини яратиш мақсадида мурожаатларни онлайн қабул қилиш ва уларга тезкор ҳуқуқий маслаҳат учун қулай бўлган платформаси ишга туширилди. Платформада соҳа мутахассислари фуқароларга онлайн консультациялар бериб боришади.
Отабек Умаров Осиё Олимпия Кенгаши вице-президентлигига номзод сифатида кўрсатилади
2025 йил Тошкент илк бор йирик комплекс мусобақа — IV ёшлар Осиё ўйинларига мезбонлик қилади. Шу муносабат билан Ўзбекистон Миллий олимпия қўмитаси Отабек Умаров номзодини Осиё Олимпия Кенгаши вице-президентлигига илгари суради. «ООК вице-президентлигига кўрсатилаётган номзод айни пайтда энг муносиб вакил деб айтишим мумкин», — деди МОҚ президенти.
2021 йил учун абитуриентларга тавсия этилган дарсликлар рўйхати эълон қилинди
Давлат тест маркази 2020−2021-ўқув йилида умумтаълим мактаблари, академик лицей ва касб-ҳунар мактабларида қўлланилаётган дарслик ва ўқув-методик қўлланмалар рўйхатини эълон қилди.
Украинада 2021 йил 8 январдан бошлаб қатъий карантин эълон қилинди
Украина 8 январдан 24 январгача карантин эълон қилиниб, унга кўра ушбу муддат давомида мамлакатда барча кинотеатрлар, спортзаллар, савдо марказлари, кафе ва ресторанлар фаолияти чеклаб қўйилади. Ўқув муассасалари таътилда бўлиб, Украинада барча кўнгилочар, оммавий-маъданий тадбирлар тақиқлаб қўйилади.
Ўзбекистонга АҚШдан 6 нафар халқаро профессор ўқитувчилар келади
Ўзбекистонга 6 нафар америкалик профессор ўқитувчилар келиши кутилмоқда. Улар Наманган, Андижон, Самарқанд, Бухоро, Қашқадарё ва Хоразм вилоятларидаги халқ таълими ходимларини қайта тайёрлаш ва малакасини ошириш минтақавий марказларида фаолият олиб боради.
Бухоронинг яна бир тумани аҳолиси газ таъминотидаги узилишлар сабабли йўлни тўсди
Бухоронинг яна бир туманида газ таъминотидаги узилишлардан норози аҳоли автомобиль йўлини тўсди. Узилишларга газ босими уч бараварига тушиб кетганлиги сабаб бўлганлиги айтилди.
Бухорода аҳоли газ йўқлиги сабабли йўлни тўсиб қўйди
Бухоро вилояти аҳолиси газ таъминоти билан боғлиқ муаммолар туфайли йўлни тўсиб қўйди. Вилоят ҳокимлиги вазиятни ўрганаётганини маълум қилди. Ўтган йили ҳам турли ҳудудлар аҳолиси газ ва электр энергияси тақчиллиги сабабли йўлларни ёпиб қўйишган эди.
Президент Uzbekistan Airways чипталари нархи баландлигини танқид қилди ва уни арзонлаштириш вазифасини қўйди
Шавкат Мирзиёев 2021 йилдан Европа мамлакатлари, Малайзия, Индонезия, Покистон, Таиланд, Япония билан авиақатновларни босқичма-босқич тиклаш, янги рейсларни йўлга қўйиш бўйича кўрсатма берди. Президент Uzbekistan Airways чипталари нархи баландлиги танқид қилди ва уни арзонлаштириш вазифасини қўйди.
Жаҳон янгиликлари дайжести
Интерполнинг онлайн фирибгарларга қарши операцияси давомида 20 мингдан ортиқ одам ҳибсга олингани, Олма-Отада аломатсиз бўлган коронавирус беморларининг ҳам касалхонага ётқизилиши, Илон Маскнинг Техасга кўчиши ва бошқа янгиликлар — «Газета.uz»нинг жаҳон янгиликлари дайжестида.
Россия собиқ президентларига умрбод даҳлсизлик ҳуқуқи берилди
Давлат думаси депутатлари Россия Федерацияси собиқ президентларининг даҳлсизлигини кафолатловчи қонунни қабул қилишди. Унга кўра, собиқ президентнинг жиноий ёки маъмурий жавобгарликка тортилмаслигини, уни ҳибсда ушлаб туриш, сўроқ қилиш, тинтув ўтказиш каби чораларни қўлламасликни кафолатланади.
«Газета.uz» — Коррупцияга қарши курашиш агентлиги танловининг ғолибларидан бирига айланди
«Газета.uz» нашри Коррупцияга қарши курашиш агентлигининг танлови доирасида «Коррупцияга қарши тарғиботда энг фаол оммавий ахборот воситалари» номинациясида ғолиб бўлди.
Учта вилоятда пенсия пулларининг ўз эгаларига етиб бормагани аниқланди
Наманган, Навоий ва Самарқанд вилоятларида «Ҳалқ банки» сайёр кассалари ходимлари пенсия тўлови рўйхати чиқарилганига қарамасдан, пулларни ўз вақтида нафақахўрларга етказиб бермагани аниқланди. Пенсия бир неча ой давомида сабабсиз етказиб берилмаган. Ҳозирда тўловлар кечикишига сабабчи бўлган шахслар ишдан бўшатилган.
Тошкент шаҳридаги яна 2 та коронавирусни даволашга ихтисослашган марказлар ёпилди
Тошкент шаҳар Юнусобод туманидаги «Ўзэкспомарказ»нинг 3- ва 4-павилионларидаги саралаш ва тақсимлаш марказига ва «Универсал» спорт мажмуасидаги саралаш ва тақсимлаш марказига коронавирусга чалинган ва унда гумон қилинган беморларни қабул қилиш тўхтатилди.
Ўзбекистонда илк бор электрон апостиль жорий этилади
Давлат хизматлари агентлиги томонидан ишлаб чиқилган қарор лойиҳасига кўра, Апостиль қўйишни электрон кўринишга ўтказиш белгиланмоқда. Апостильни махсус электрон дастури орқали ҳимояланган электрон ҳужжат шаклида қўйиш таклиф этилмоқда.
Қўшимча имкониятларга эга булиш учун сайтда рўйхатдан ўтинг