Тошкентда автобусга урилган Tracker ёниб кетди
22 январга ўтар кечаси Мирзо Улуғбек туманида тезликни ошириб ҳаракатланган Tracker йўл четидаги автобусга урилди. Оқибатда Tracker`нинг олд қисмида ёнғин чиқди, ундаги йўловчилар турли даражадаги жароҳатлар билан шифохонага ётқизилди.
ИИО ҳузуридаги «Тўмарис издошлари» гуруҳи аъзоларига ўқишга киришда имтиёз берилади
ИИОнинг хотин-қизлар масалалари бўйича бўлинмалари ҳузурида «Тўмарис издошлари» жамоавий гуруҳлари фаолияти йўлга қўйилади. Улар қизларнинг ҳуқуқ ва манфаатлари бузилиши билан боғлиқ масалаларни аниқлашда кўмаклашади. Гуруҳ аъзоларига тест синовларисиз квота асосида ўқишга кириш ҳуқуқи берилади.
Тошкент вилоятида 3 та иссиқхона давлатга салкам 90 млн сўм зарар етказди
Зангиота туманида 3 та иссиқхона 5000 та хонадоннинг бир кунлик истеъмолига тенг табиий газдан ноқонуний фойдаланиб келаётгани аниқланди. Оқибатда давлатга 87 млн сўмдан ортиқ зарар етказилган.
Фарғонада ЙПХ ходими пиёдалар йўлагини тўсиб қўйди
Қўқон шаҳрида вилоят ЙПХ отряди командир ўринбосари Tracker автомашинасини пиёдалар ўтиш жойида қолдирди. Вилоят ИИБ бунинг учун ходим 600 минг сўм жаримага тортилганини маълум қилди.
Ўзбекистон 2022 йилда Хитойга 1,07 млрд долларлик газ сотди
2022 йилда Ўзбекистоннинг Хитойга қувур орқали газ етказиб бериш ҳажми 1,07 млрд долларни ташкил этди, бу 2021 йилга нисбатан 33,9 фоизга кўпдир.
Видео: Андижондаги чойхонада ёнғин содир бўлди
Андижон туманидаги чойхонада ёнғин келиб чиқди. Оқибатда 70 квадрат метр майдонда том, шифт ва жиҳозлар ёниб зарарланди.
Самарқандда ис газидан заҳарланган келин-куёв вафот этди
Каттақўрғон туманида чилласи чиқмаган келин-куёв ис газидан заҳарланиб вафот этди. Хонадон эгалари уларни кўмган ва ҳуқуқни муҳофаза қилиш органларига бу ҳақда хабар бермаган. Ҳозирда прокуратура ҳолатни ўрганмоқда.
Латент сил бўйича скрининг текширувлари сони ҳар йили 1 миллионтага етказилади
Латент (яширин) туберкулёз бўйича скрининг текширувлари сони ҳар йили 1 миллионтага, беморларни даволаш қамрови 21 минг нафаргача етказилади. Мутахассислар томонидан ўсмирлар ва катталар рентгенологик, болалар эса иммунологик текширувдан ўтказилади.
Ўзбекистонда ОИВ инфекциясига қарши кураш кучайтирилади
Ўзбекистонда 2027 йилга бориб ОИВ юқтириб олган шахсларнинг 95 фоизи ўз мақомини билиши, махсус даволаш курслари билан қамраб олиниши, 95 фоизининг қонида вирус юкламаси аниқланмайдиган даражага тушиши режалаштирилмоқда. Шу вақтга келиб, ОИВнинг онадан болага юқишига барҳам бериш ҳам кўзда тутилган.
Видео: ДХХ Наманганда салкам 3 кг наркотик моддаларни тўхтатиб қолди
Поп туманида тўхтатилган икки машинадан салкам 3 килограмм опий мусодара қилинди. ДХХ маълумотига кўра, наркотик моддалар Тожикистон ва Қирғизистондан олиб кирилган. Ҳолатлар юзасидан жиноят иши қўзғатилиб, тергов олиб борилмоқда.
Ўзбекистонда пиёз экспорти 4 ойга чекланди
Очиқ расталарда сақланаётган пиёз музлаб қолган. Қишлоқ хўжалиги вазирлиги нарх ошишига ёнилғи етишмаслиги сабабли етказиб беришдаги узилишлар ҳам таъсир кўрсатганини билдирди. Вазирликка кўра, мамлакатда пиёз захираси мавжуд ва маҳсулотни четга сотиш 4 ойга тўхтатилди.
Нима тайёрлаймиз: Иссиқ таомлар
Карам баргларидан дўлма, бедана тухумли тефтеллар, қозонда пиширилган қиймакабоб, нон-палов, печда пиширилган товуқ ва картошка ҳамда бошқалар — Zira.uz мазали ва тўйимли иссиқ таомлар рўйхатини тақдим этади.
«Ноқонуний топшириқларни бажаришни хоҳламайман». Расул Кушербаев — Тошкент ҳокими этиб тайинланиши мумкинлиги ҳақида
Расул Кушербаев интернетда уни Тошкент ҳокими этиб тайинлаш таклифига жавобан: «бу халқнинг хоҳиши бўлиши мумкин, аммо раҳбариятнинг эмас», — деди. У бунга рози бўлмаслигини, чунки «ноқонуний топшириқлар»ни бажаришни истамаслиги, раҳбарият ҳам буни хоҳламаслигини билдирди.
20 январь куни Ўзбекистонда содир бўлган энг муҳим хабарлар дайжести
Андижонда фуқароларни калтаклаб, кейин видеода узр сўраттирган ИИБ ходимлари, ўқитувчилардан узр сўраган Ангрен шаҳар прокурори, Наманганда жаримага тортилган ҳоким ҳайдовчиси, совуқ дам олиш кунлари, газдан ноқонуний фойдаланган тадбиркорлар ва бошқалар — «Газета.uz»нинг кун дайжестида.
Ўзбекистон ОТМ, коллеж ва лицейларида ўқиш 23 январдан бошланади
Олий таълим вазирлиги ОТМ, коллеж, касб-ҳунар мактаблари ва академик лицейларда ўқиш 23 январдан бошланишини маълум қилди.
Францияда пенсия ёшини оширишга қарши оммавий намойишлар бўлиб ўтмоқда
Францияда пайшанба куни қарийб 1,12 млн киши пенсия ёшини оширишга қарши намойишга чиқди. Расмийлар сентябрь ойидан бошлаб ҳар йили пенсия ёшини уч ойга кўтариш ниятида, 2030 йилга бориб, у 64 ёш даражасигача етади.
Андижонда ИИБ ходимлари фуқароларни калтаклаб, кейин видео орқали узр сўраттирди
Асакада ички ишлар ходимлари жамоат тартибини бузганликда айблаб, фуқароларга куч ишлатди. Туман ИИБга олиб кетилган фуқаролар узр сўраб, ходимларга совуқда тартибни сақлаётгани учун миннатдорлик билдирди. Уларнинг калтаклангани акс этган видеони тарқатиш эса яхши иш бўлмаганини айтди.
Ўзбекистонда 60 км тезлик чеклови тақиқловчи белгилар ўрнатилгандан сўнг кучга киради
Ўзбекистонда ҳаракат тезлиги 60 км этиб белгиланган чеклов кўчаларда тақиқловчи белгилар ва мослаштирилган тезликни аниқловчи мосламалар ўрнатилгач кучга киради. ЙҲХХ масъули ҳайдовчилардан янги тартибга ҳозирдан амал қилишни сўради.
«Мактаб қордан тозаланмаган, ўқитувчилар эса ойлик олиб ётибди» — Ангрен прокурори
Ангренда шаҳар прокурори 22-мактабга бориб, муассаса ҳовлиси муз ва қордан тозаланмаганидан норозилигини билдирди. Унинг ташрифидан сўнг ўқитувчилар ҳудудни тозалашга жалб қилинди. Ҳолат муҳокамаларга сабаб бўлгач, ўрганиш олиб борилиб, прокурорга интизомий жазо чораси қўлланди.
Чет эллик ва фуқаролиги бўлмаганларнинг фарзандларини мактабларга қабул қилиш хизмати ишга тушди
Хориж фуқаролари ва чет элда яшовчи фуқаролиги бўлмаган шахсларнинг фарзандларини умумтаълим мактабларига қабул қилиш бўйича давлат хизмати йўлга қўйилди. Хизмат кўрсатиш бепул амалга оширилади.
Қўшимча имкониятларга эга булиш учун сайтда рўйхатдан ўтинг