Тошкентда ҳайит намози муносабати билан махсус автобус йўналишлари ташкил этилади
Тошкент шаҳрида Рамазон ҳайити намози ўқилиши муносабати билан махсус автобус йўналишлари ташкил этилади. Улар соат 04:00 дан 07:00 га қадар фуқароларнинг масжидларга келиб-кетиши учун ҳаракатланади.
19 апрель куни Ўзбекистонда содир бўлган энг муҳим хабарлар дайжести
Йўл қоидаларини бузганларга жарима ошиши, референдумда муддатидан олдин овоз бериш бошлангани, маъмурий жарималарни 15 кун ичида тўлаганлар учун 50% чегирма, Афғонистонга инсонпарварлик ёрдами, ота-она томонидан аёвсиз калтакланган 14 ёшли косонлик қиз ва бошқалар — «Газета.uz»нинг кун дайжестида.
Қашқадарёда ота-онаси калтаклаган 14 ёшли қизни васийликка бериш масаласи кўриб чиқилмоқда
Қашқадарёда ота ва ўгай онаси томонидан калтакланган 14 ёшли қиз маҳалла қарамоғига олиниб, хавфсизлиги таъминланди. Ҳозирда уни васийликка бериш масаласи кўриб чиқилмоқда.
Ҳайит байрами куни Тошкент метроси 04:00 дан иш бошлайди
Рамазон ҳайити куни Тошкент метрополитени ўз фаолиятини тонгги 04:00 дан бошлайди. Байрам муносабати белгиланган бошқа дам олиш кунлари метро поездлари якшанба куни учун тасдиқланган жадвал асосида соат 05:00 дан ҳаракатланади.
В. Воҳидов номидаги жарроҳлик марказида мингинчи буйрак трансплантацияси амалга оширилди
Академик В. Воҳидов номидаги Республика ихтисослаштирилган жарроҳлик марказида шифокорлар томонидан мингинчи буйрак кўчириб ўтказиш операцияси ўтказилди. Операция сурункали буйрак етишмовчилигининг сўнгги босқичида бўлган аёлда ўтказилди, унинг эри донор бўлди.
Март ойида Тошкентда ижарага бериладиган уй-жойлар нархи пасайди — ИТИМ
Март ойида Ўзбекистон кўчмас мулк бозорида фаоллик 7,3 фоизга пасайиб, олди-сотди битимлари сони қарийб 21 мингтани ташкил этди. Шунингдек, пойтахтнинг аксарият туманларида ижарага бериладиган уй-жойлар нархи арзонлашди — ИТИМ шарҳидан.
Ўзбекистон Афғонистонга 185 тонна инсонпарварлик ёрдами юборди
Ўзбекистон Афғонистонга зарур озиқ-овқат маҳсулотларидан иборат 185 тоннали инсонпарварлик ёрдамини юборди. Юклар Балх вилояти шимолидаги Ҳайратон шаҳрига етказилди. Икки давлат расмийлари савдо-иқтисодий ва гуманитар соҳадаги ҳамкорлик борасида музокаралар ўтказди.
Қашқадарёда 14 ёшли қиз ота-онаси томонидан калтакланди
Косон туманида ота ва она вояга етмаган қизини калтаклади. Ҳолат юзасидан текширув ишлари бошланган. Ота руҳий касалликлар диспансерига текшириш учун юборилган.
Ўзбекистондаги Yandex Go иловасида имконияти чекланганлар учун қулайликлар пайдо бўлди
Ўзбекистондаги Yandex Go иловасида ногиронлиги бўлган фойдаланувчилар учун имкониятлар пайдо бўлди: йўловчи энди ҳайдовчининг машинасини топишда ёрдам сўраши, ногиронлар аравачасида эканини билдириши, гапирмаслиги ёки фақат матн орқали мулоқот қилиши мумкинлиги ҳақида огоҳлантириши мумкин.
Ҳоким ёрдамчиларининг 200 нафари Хитойда амалиёт ўтайди
Ўзбекистондаги 9 минг 400 нафар ҳоким ёрдамчилари «Хитой тажрибаси асосида камбағалликни қисқартириш» мавзусида икки ҳафта мобайнида хитойлик мутахассислардан онлайн таълим олади. Лойиҳанинг 2-босқичида 200 нафар ҳоким ёрдамчилари Хитойда икки ҳафталик амалиёт ўтайди.
«Ўзкомназорат» телефонларни бепул станцияларда қувватлаш хавфидан огоҳлантирди
«Ўзкомназорат» телефонларни бепул станцияларда қувватлантириш хавфидан огоҳлантирди. Бундай қурилмалар орқали шахсий маълумотлардан онлайн ҳисобларга киришда фойдаланиш ёки уни бошқа ҳужумчиларга сотиш мумкин. Инспекция бунинг олдини олишда қатор тавсиялар берди.
Ўзбекистонда шакар захираси мавжуд ва ҳеч қандай хавотирга ўрин йўқ — Рақобат қўмитаси
Рақобатни ривожлантириш ва истеъмолчилар ҳуқуқларини ҳимоя қилиш қўмитаси мамлакатда зарур даражада шакар мавжудлиги ва ҳеч қандай хавотирга ўрин йўқлигини билдирди. Унга кўра, шакар хомашёси Бразилиядан жаҳон нархига нисбатан арзонроқ харид қилинмоқда, эҳтимолий хавф-хатарлар ҳукумат назоратида.
Андижонда хотинини ёқиб юборган эркак 17 йилга қамалди
Балиқчи туманида иккинчи турмуш ўртоғини бўёқ суюлтиргич билан ёқиб юборган 43 ёшли эркак 17 йилга қамалди. У суд жараёнида ушбу жиноятни қилишига аёли билан муносабатлари совуқлашганини сабаб қилиб кўрсатган. Марҳума воқеадан 13 кун ўтиб шифохонада вафот этган.
Пастдарғом туманига янги ҳоким тайинланди
Самарқанд вилояти Пастдарғом туманига Ваҳобжон Муротқобилов ҳоким этиб тасдиқланди.
Фармацевтларни қўллаб-қувватлаш учун янги марказ ташкил этилади
«Асакабанк» фармацевтика соҳасида янги лойиҳаларнинг 25 фоизгача қисмига ўз улуши билан кириб, инвестор сифатида иштирок этади. Банк ҳузурида фармацевтика лойиҳалари маркази очилиб, тадбиркорларга ёрдам кўрсатилади.
Донли экинлар ва сабзавот етиштиришда сув тежовчи тизим жорий қилганлар учун субсидия миқдори оширилди
Президент сув хўжалиги тизимидаги айрим таклифларни маъқуллади. Энди Жиззах, Қашқадарё, Наманган ва Сирдарёда ёпиқ қувурли суғориш тизими яратилади. Насос станциялари хусусий шерикликка ҳам берилади. Донли экин ва сабзавотни сув тежовчи тизимда етиштирганлар гектарига 8 млн сўмгача субсидия олади.
Ўзбекистонда референдумда муддатидан олдин овоз бериш бошланди
19 апрелдан Ўзбекистоннинг янги Конституциясини қабул қилиш бўйича референдумда муддатидан олдин овоз бериш жараёни бошланди. Унда референдум куни айрим сабабларга кўра яшаш манзилида бўлмайдиган фуқаролар қатнашиши мумкин. Овоз бериш тартиби ҳақида батафсил.
1 майдан йўл ҳаракати қоидаларини бузганлик учун жарималар миқдори ошади
Ўзбекистонда 1 майдан йўл ҳаракати қоидаларини бузганлик учун жарималар миқдори ошади: ҳужжатсиз юриш — 330 минг сўм; «қизил»да ўтиш — 660 минг сўм; телефонда гаплашиш — 990 минг сўм; маст ҳолда рулга ўтириш ва рухсатсиз «тонировка» — 8 млн 250 минг сўм.
Самарқанд вилояти ҳокимига янги ўринбосарлар тайинланди
Феруз Абилов Самарқанд вилояти ҳокимининг молия-иқтисодиёт ва камбағалликни қисқартириш масалалари бўйича биринчи ўринбосари, Шунқор Худойбердиев эса қишлоқ ва сув хўжалиги масалалари бўйича ўринбосари этиб тайинланди.
Ўзбекистонда маъмурий жарималар 15 кун ичида тўланса, 50 фоиз чегирма қўлланилади
Президент имзолаган қонун билан маъмурий жарималарнинг 50 фоизини 15 кун ичида, 70 фоизини 30 кун ичида тўлаганлар унинг қолган қисмини тўлашдан озод қилинади. Бироқ шундай ҳуқуқбузарлик 1 йил давомида такрор содир этилганда ёки протест билдирилганда чегирма қўлланилмайди.
Қўшимча имкониятларга эга булиш учун сайтда рўйхатдан ўтинг