Эрдоған туркий мамлакатларда ягона алифбо жорий этишни таклиф қилди
Туркия президенти Режеп Таййип Эрдоған туркий давлатлар учун ягона алифбо яратишни таклиф қилди. Унинг фикрича, бу давлатлар ўртасидаги гуманитар алоқаларни мустаҳкамлайди.
«Туркий халқларнинг овози дунё бўйлаб янада баланд, янада кучлироқ янграмоқда» — Шавкат Мирзиёев
Ўзбекистон президенти ТДТ саммитида сўзлаган нутқида Туркий дунё хартиясини ишлаб чиқиш, Туркий тараққиёт банкини ташкил этиш бўйича ишларни фаоллаштириш, иштирокчи давлатларнинг темир йўл идоралари кенгаши ва Туркий экология форумини тузишни таклиф қилди.
Самарқандда Air Samarkand авиакомпаниясининг илк самолёти кутиб олинди
Янги Air Samarkand авиакомпаниясининг Airbus A330−300 самолёти Самарқанд халқаро аэропортида кутиб олинди. Яқин кунларда компания паркини иккинчи — ўрта масофали Airbus А321 самолётини билан тўлдиради ва йил охирига қадар 5 тагача самолётни қабул қилиб, фойдаланишга топширишни режалаштирмоқда.
«Газета.uz» коррупцияга қарши курашишда фаол ОАВ сифатида эътироф этилди
«Газета.uz» таҳририяти Ўзбекистонда коррупцияга қарши курашишда фаол иштирок этаётган ОАВ сифатида эътироф этилди. Энг фаол журналист номинациясида совринни Аблай Камалов қўлга киритди. Шунингдек, «Комплаенс-назорат» тизимини самарали жорий этган ташкилот ҳам аниқланди.
«Бизга қўшнилари билан иқтисодий ҳамкорликда фаол иштирок этадиган, тинч ва барқарор Афғонистон керак» — Шавкат Мирзиёев
Шавкат Мирзиёев Туркий давлатлар ташкилоти аъзоларини афғон халқига ёрдам кўрсатишни сусайтирмасликка, у ердаги ижтимоий муаммоларни ҳал этишга қаратилган механизмларни ишлаб чиқишга чақирди. «Бизга қўшнилари билан иқтисодий ҳамкорликида фаол иштирок этадиган Афғонистон керак», — деди президент.
Шавкат Мирзиёевга «Туркий дунёнинг олий ордени» берилди
Остонада ўтган саммитда Ўзбекистон президентига «туркий халқлар оиласининг бирлигини мустаҳкамлашга, туркий мамлакатлар манфаатларини халқаро майдонда фаол илгари суришга қўшган ҳиссаси учун» «Туркий дунёнинг олий ордени» топширилди.
Қозоғистон Фаластин халқига инсонпарварлик ёрдами сифатида 1 млн доллар ажратади
Қозоғистон президенти Қосим-Жомарт Тоқаев Фаластин халқига инсонпарварлик ёрдами учун 1 млн доллар ажратилишини маълум қилди. У Қозоғистон можароларни тинч музокаралар йўли билан ҳал этиш тарафдори эканини таъкидлади.
Исроил-Фаластин муаммосининг ягона ва энг адолатли ечими «икки халқ учун икки давлат» тамойилидир — Ўзбекистон президенти
Шавкат Мирзиёев Туркий давлатлар ташкилоти саммитида Исроил-Фаластин можароси ҳақида гапирди. «Биз томонларни зудлик билан ҳарбий ҳаракатлар ва ўт очишни тўхтатишга ҳамда сулҳ тузишга чақирамиз», — деди у. Президент «икки халқ учун икки давлат» тамойилини қўллаш тарафдори эканини билдирди.
«Ўзбектелеком» АКда IPO жойлаштириш доирасида бизнес-учрашув ўтказилди
Ўзбектелеком акциядорлик компанияси бўлажак IPO доирасида потенциал инвесторлар билан бизнес-учрашув ташкил этди. Имзолаш кампаниясини 2023 йил охиригача якунлаш режалаштирилган.
Ўзбекистон Франциядан 10 та тиббий вертолёт харид қилишни режалаштирмоқда
Ўзбекистон Франциянинг Airbus Helicopters компаниясидан 10 та тиббий вертолёт харид қилишни режалаштирмоқда. ССВ раҳбари Амрилло Иноятов компания раҳбарияти билан Европа стандартларига мос тиббий авиация хизматини ташкил этиш ҳамда соҳа мутахассисларини тайёрлаш каби масалаларни муҳокама қилди.
Тошкентдаги ишлаб чиқариш корхонасида ёнғин содир бўлди
Пойтахтнинг Яшнобод туманидаги ишлаб чиқариш корхонасида ёнғин рўй берди. Уни ўчиришга 1 соатдан ортиқ вақт сарфланди. Ҳодиса оқибатида фуқаролар жароҳат олгани ва ҳалок бўлгани тўғрисида хабар келиб тушмади, дейилади ФВВ хабарида.
Ўзбекистон БМТнинг АҚШни Куба блокадасини тўхтатишга чақирувчи резолюциясини қўллаб-қувватлади
БМТ Бош Ассамблеяси 31 марта АҚШни Кубага қарши санкцияларни бекор қилишга чақирди. Ҳужжатни 187 давлат, жумладан, Ўзбекистон ҳам қўллаб-қувватлади. Делегатлар Кубага қарши эмбарго ноқонуний эканини таъкидлаб, бу «БМТ Низомини очиқдан-очиқ ва тизимли равишда бузиш» эканлигини таъкидлади.
Хоразмда меҳрибонлик уйи тарбияланувчиларини зўрлаган мансабдорлар 3 йилга қамалди
Урганчдаги меҳрибонлик уйи тарбияланувчилари билан жинсий алоқада бўлиб келган икки собиқ амалдорга суд ҳукми ўқилди. Хоразм вилояти адлия бошқармаси ва Янгиариқ тумани ФВБнинг собиқ бошлиқлари узил-кесил 3 йилга озодликдан маҳрум қилинди.
Иқтисодиёт ва молия вазирлиги — 2024 йилда Ўзбекистон иқтисодиёти ва бюджети учун хавфлар ҳақида
Иқтисодиёт ва молия вазирлиги 2024 йилги бюджет барқарорлигига таъсир қилиши мумкин бўлган омиллар ва хавфларни санаб ўтди. Улар қаторида сўмнинг қадрсизланиши, олтин ва мис нархининг пасайиши, энергия тарифлари оширилмаслиги, озиқ-овқат маҳсулотлари жаҳон нархларининг ошиши ва бошқалар бор.
АҚШ Ўзбекистоннинг Mvizion компаниясига қарши санкциялар киритди
АҚШ «Россия армияси учун учувчисиз учиш аппаратларини сотиб олиш ва яратиш каби фаолият билан шуғулланган» 13 та компанияга нисбатан санкциялар эълон қилди. Улар орасида Ўзбекистондан Mvizion компанияси ҳам бор.
Perfectum янги «O‘quvchi» тарифи ва телефон учун Cashback таклиф қилади
Perfectum компанияси мактаб ўқувчилари ва таълим муассасалари, коллеж ва лицейларда таълим олувчилар учун янги «O‘quvchi» тарифини ишга туширди.
Дам олиш кунлари ёғингарчиликсиз ўтади
Ўзгидромет Ўзбекистонга яна «олтин куз» қайтгани, дам олиш кунлари ҳаво бироз булутли бўлиши, ёғингарчилик кутилмаслиги, шамол эса ўртача тезликда эсишини маълум қилди. Ҳарорат кечалари +5…+10 даража, кундузи +19…+24 даража илиқ бўлади.
Андижон вилояти ҳокимига янги ўринбосар тайинланди
Комилжон Комилов Андижон вилояти ҳокимининг ёшлар сиёсати, ижтимоий ривожлантириш ва маънавий-маърифий ишлар бўйича ўринбосари этиб тайинланди.
Сурхондарёдаги 4 та археологик ёдгорликка 7 млрд сўмлик зарар етди. У ерларда уй, ҳожатхона ва молхона қурилган
Бош прокуратура Шеробод туманидаги «Таллаган тепа», «Ғўринтепа», «Хушвақтепа» ва «Тоштепа» ёдгорликларига зарар етказилганини аниқлади. Бу манзилларда йўл, уй-жой, ҳожатхона ва молхона қурилган. 7 млрд сўмлик зарар етган ушбу ҳолатлар бўйича ҳокимлик мансабдорларига нисбатан жиноят иши қўзғатилди.
Урганч аэропортида 50 дона қадимий танга олиб чиқилишининг олди олинди
Урганч халқаро аэропортида хориж фуқароси 50 дона қадимий тангани Ўзбекистондан олиб чиқиб кетишининг олди олинди. Мисдан ясалган тангалар орасида темурийлар даврига оидлари ҳам бўлган. Ҳозирда улар «Хива Ичан-қалъа» давлат музей қўриқхонасига топширилган.
Қўшимча имкониятларга эга булиш учун сайтда рўйхатдан ўтинг