3 ноябрь куни Тошкентда «III Тошкент Аксилкоррупция форуми» доирасида Ўзбекистонда коррупцияга қарши курашишда фаол иштирок этаётганлар ҳам тақдирланди.
Мукофотларни суратлардаги кетма-кетлик бўйича БМТнинг Наркотиклар ва жиноятчилик бўйича бошқармасининг Марказий Осиёдаги минтақавий ваколатхонаси раҳбари Ашита Миттал, Коррупцияга қарши курашиш агентлиги директори Акмал Бурханов, Европа Иттифоқининг Ўзбекистондаги делегацияси раҳбари Шарлотта Адриан, Германия халқаро агентлиги (GIZ)нинг Ўзбекистондаги ваколатхонаси раҳбари Йоахим Фритц ҳамда АҚШнинг Ўзбекистондаги элчиси Жонатан Хеник топширди.
Коррупцияга қарши курашишда фаол иштирок этаётган ОАВ сифатида «Газета.uz» таҳририяти эътироф этилди ва эсдалик совғалари билан тақдирланди.
Коррупцияга қарши курашишга ҳисса қўшаётган энг фаол журналист сифатида Аблай Камалов тақдирланди.
Аблай Камалов. Фото: Коррупцияга қарши курашиш агентлиги матбуот хизмати.
«Комплаенс-назорат» тизимини самарали жорий этган ташкилот номинацияси эса «Ўзбекистон саноат — қурилиш банки» АТБга насиб этди.
Фаолият очиқлиги ва шаффофлигини таъминлашдаги саъй-ҳаракатлари учун номинациясига Кадастр агентлиги лойиқ кўрилди.
Коррупцияга қарши курашиш бўйича энг фаол ҳудудий кенгаш номинацияси билан Бухоро вилоят ҳудудий кенгаши тақдирланади.
