Шавкат Мирзиёев 21 октябрь куни Туркманистонга ташриф буюрди. Дастлаб «Ўғузхон» саройида расмий кутиб олиш маросими бўлди. Президентлар тор ва кенгайтирилган доирада музокаралар ўтказди.
Халқаро фототанловда ҳакамлар дунёнинг турли мамлакатларидан юборилган 38 мингдан ортиқ фотосуратларни кўриб чиқди ва фотографларни турли йўналишлар бўйича тақдирлади. Танловда курашаётган асаларилар сурати муаллифи йил фотографи номинациясида ғолиб бўлди.
Дзюдо бўйича Жаҳон чемпионатининг -90 кг вазн тоифасида ғолиб бўлган Давлат Бобоновга олтин медални Шавкат Мирзиёевнинг ўзи тақиб қўйди. «Президент томоша қилиб ўтирганидан кейин ютқазишга ҳаққим йўқ эди», — деди Бобонов. «Газета.uz» финал учрашувидан фоторепортаж тайёрлади.
Аввалига шу йилнинг ёз фаслида, кейинчалик эса 1 сентябрда очилиши айтилган Ғафур Ғулом боғи ҳануз фойдаланишга тайёр эмас. Паркни 49 йилга ижарага олган BMP Smart Decision Management компанияси вакили эса аниқ қайси санада очилишини ҳам айта олмади. «Газета.uz» иш жараёнидан фоторепортаж тайёрлади.
Венгрияда расмий ташриф билан бўлиб турган президент Шавкат Мирзиёевни Будапештда расмий кутиб олиш маросими бўлиб ўтди. Шундан сўнг, давлат раҳбари Қаҳрамонлар майдонидаги хотира устуни пойига гулчамбар қўйди.
Жиззах вилоятининг Дўстлик туманида Рўзибой Маматов кичиги 30 кг, каттаси 65 кглик гигант ошқовоқларни етиштирди. «Газета.uz» мухбирлари Миролим Исажонов ва Мадина Аъзам деҳқоннинг томорқасидан фоторепортаж тайёрлади.
Тошкентда ётоқхона муаммосига дуч келган талабалар учун Tashkent Index савдо мажмуасида 10 минг ўринли ётоқхона ташкил этилиши айтилганди. Ҳозирда талабалар ётоқхоналарга кўчишни бошлаган ва бу ерда ҳаёт қайнамоқда. «Газета.uz» мухбирлари Миролим Исажонов ва Мадина Аъзам репортаж тайёрлади.
Ўзбекистондаги илк тунги марафон 17−18 сентябрь кунлари Бухоро шаҳрида бўлиб ўтди. Ушбу марафоннинг бошқаларидан фарқи унда болалар ҳам фаол иштирок этди, улар Kids Run 300 ва Kids Run 600 масофаларини босиб ўтишди. «Газета.uz» энг қизиқарли онлар акс этган марафондан фоторепортажни тақдим этади.
Самарқандга келган давлат раҳбарлари ШҲТ доирасида «Буюк ипак йўли» халқаро туризм марказида дарахтлар экди. Кейин «Боқий шаҳар» мажмуасида Ўзбекистон президенти номидан қабул маросими ўтказилди. Кун якунида мушакбозлик уюштирилди (фото).
Самарқандда ХХР раисини расмий кутиб олиш маросими бўлиб ўтди. Музокаралар чоғида давлатлар раҳбарлари ўзаро ҳамкорлик ҳамда Афғонистондаги вазият юзасидан фикр алмашди. Шавкат Мирзиёев Си Цзиньпинни «Дўстлик» ордени билан мукофотлади. Ўзбекистон етакчиси жавоб ташрифи билан Хитойга таклиф қилинди.
Янгиҳаёт туманидаги Tashkent Index мажмуасида 10 минг талаба учун вақтинчалик ётоқхона ҳозирланмоқда, эҳтиёжга қараб жой 20 мингтагача кўпайтирилади. Бу ерда ошхона, ҳаммом ва кир ювиш хоналари ҳам ташкил этиляпти. Ижара нархи, транспорт масаласи ва қачон кўчиб ўтилиши — «Газета.uz» фоторепортажида.
Taxi Airports Tashkent компанияси Тошкент халқаро аэропортида ўзининг такси хизматини йўлга қўйди. Бошқа таксилар (Yandex, Mytaxi ҳайдовчилари) эса фақат автотураргоҳлар олдидан йўловчиларни олиб кетишлари мумкин. Реконструкциядан сўнг учта автотураргоҳ ҳам ишга тушди. Тарифлар ва нархлар.
Ислом Каримовнинг хотирасига бағишланган кечада унинг рафиқаси Татьяна Каримова умри давомида ҳамиша бирга бўлишганини эсга олди. «Севгимиз бизни бирлаштирган ва куч бағишлаган», — деди у. Биринчи президентнинг хос соқчилари бошлиғи Жаҳонгир Абиров эса 1990 йил қийин кечганини сўзлаб берди.
2016 йилнинг 2 сентябрь санаси. Айнан шу куни Ўзбекистоннинг биринчи президенти 78 ёшида вафот этди. «Газета.uz» Ислом Каримов улғайган хонадон ва таҳсил олган мактабдан фоторепортаж тайёрлади.
31 август тонгида Шавкат Мирзиёев Шаҳидлар хотираси хиёбонида қатағон қурбонларини ёд этиш маросимида иштирок этди. Қолаверса, давлат раҳбари «Янги Ўзбекистон» боғидаги Мустақиллик монументи пойига гул қўйди. Кечга яқин мустақилликнинг 31 йиллигига бағишланган байрам тадбири бўлиб ўтади.
Пойтахтдаги Оқсарой қароргоҳида Ислом Каримов номидаги кутубхона расман очилди. 70 мингдан ортиқ китоб ва 10 мингдан зиёд журнални жамлаган кутубхонада олим ва тарихчиларнинг биринчи президент ҳақидаги қўлёзмалари ҳам мавжуд. Барчани 5 сентябрдан қабул қиладиган маскандан «Газета.uz» фоторепортажи.
Урганчда Жалолиддин Мангуберди ёдгорлик мажмуаси очилди. 25 мертрлик ҳайкалда саркарда «тулпор жиловини маҳкам тутиб, юрт ҳимоясига отланиб тургани тасвирланган». Унинг олдида Қуръони карим оятлари, саркарданинг шажараси ёзилган, оғирлиги 32 кг, баландлиги 30 см бўлган битиктош нусхаси ўрнатилган.
Ўзбекистон президенти «Буюк ипак йўли» халқаро туризм маркази очилиш маросимида иштирок этди. «Улуғвор меъморий мажмуа барчамизга, бутун халқимизга муборак бўлсин, буюрсин», — деди Шавкат Мирзиёев. Концерт давомида британиялик машҳур қўшиқчи Сами Юсуф «Ҳаёт дарахти» қўшиғини ижро этди.
Ўзбекистон президенти Шавкат Мирзиёев Саудия Арабистонига ташрифи чоғида Макка шаҳрида бўлиб, умра амалларини бажарди. Суратлар.
Ўзбекистон президенти Шавкат Мирзиёев ва Саудия Арабистони валиаҳд шаҳзодаси Муҳаммад бин Салмон Ол Сауд кенг қамровли шериклик тўғрисидаги қўшма баёнотни имзолади. Ҳукуматлар ва вазирликлар ўртасида 15 та ҳужжат қабул қилинди. Икки давлат ишбилармонлари эса $14 млрддан ортиқ келишувга эришди.
Қўшимча имкониятларга эга булиш учун сайтда рўйхатдан ўтинг