Иқтисодиёт
«Корпоратив жавобгарликни ривожлантиришимиз керак» — адлия вазири
Адлия вазири Русланбек Давлетов мамлакатда юридик шахсларнинг жиноий жавобгарлиги институтини жорий этиш бўйича режалар ҳақида маълум қилди. Вазир АҚШ ва Нидерландия ҳукуматларига катта миқдорда жарималар тўлаган Ўзбекистондаги мобил операторлар билан боғлиқ коррупцион можароларни мисол қилиб келтирди.
Ўзбекистонга 1,7 млн долларлик электромобиллар импорт қилинди
Ўзбекистонга электромобиллар импорти бир неча баравар ўсди. Мамлакатга 8 ой давомида 73 та электромобиль олиб келинган. Бу ўтган йилнинг январь-август ойларига нисбатан 53 тага кўп.
Август ойида Ўзбекистоннинг олтин резервлари 1 млн унцияга камайган
Ўзбекистоннинг расмий резерв активлари 34,6 млрд долларни ташкил қилмоқда. Август ойида 1 млн унцияга тенг бўлган миқдорда олтин резервларининг сотилиши эвазига валютадаги резервлар миқдори 1,8 млрд долларга кўпайиб, 15,4 млрд долларни ташкил қилмоқда.
UzAuto Motors IPO ўтказишга тайёргарлик кўрмоқда
UzAuto Motors компанияси IPO ўтказишга тайёргарликни бошлади. Компания 10 фоизгача миқдорда қўшимча акцияларини чиқаришни режалаштирмоқда.
Долларнинг расмий курси яна кўтарилди
АҚШ миллий валютасининг расмий курси 20 сўмга қимматлаб, жами 10 315 сўм этиб белгиланди. Евро курси ҳам бир оз кўтарилди, рубль эса пастлади.
Ўзбекистон август ойида рекорд даражада олтин сотди
Ўзбекистон январь-август даври давомида 5,8 млрд долларга, август ойининг ўзида эса 2,5 млрд доллардан зиёд суммага тенг бўлган миқдорда олтин экспорт қилди. Бу кўрсаткич ўтган йилнинг мос даврига нисбатан 147,2% ни ташкил этиб, 1,8 млрд долларга кўпроқ. Олтин экспорти жами экспорт улушининг 50% ни ташкил этоқда.
Ёшлар медиа холдингини ташкил қилиш учун 46 млрд сўм ажратиш таклиф қилинмоқда
Ҳукумат қарори лойиҳасига кўра, жорий йил Ёшлар ишлари агентлиги ҳузурида ташкил этиладиган Ёшлар медиа холдингига 46 млрд сўм ажратиш таклиф қилинди. Бюджет ҳисобидан молиялаштириш миқдорини 2023 йилгача босқичма-босқич қисқартириш режалаштирилмоқда.
Туркманистоннинг ECO-93 бензини илк бор Ўзбекистон биржасига қўйила бошланди
Туркманистонда ишлаб чиқарилган ECO-93 импорт бензини илк бор Ўзбекистон республика товар-хом ашё биржаси савдоларига қўйила бошланди. Бошланғич нархи 100 кг учун 600 минг сўмни ташкил этмоқда.
Ўзбекистонда август ойида кўпроқ Cobalt автомобили ишлаб чиқарилди
Ўзбекистонда август ойида 7301 дона, йил давомида эса 52202 дона Cobalt автомобили ишлаб чиқарилиб, ўтган йилнинг шу даврига нисбатан 144,9 фоизлик ўсиш қайд этилди.
Молия вазирига ўринбосар тайинланди
Президент Администрациясида шўъба етакчи инспектори лавозимида фаолият юритиб келаётган Қурбанмурат Тапаров молия вазири ўринбосари этиб тайинланди.
Россия бош вазири ўринбосари билан қатор ҳамкорликдаги лойиҳалар муҳокама қилинди
Иқтисодий тараққиёт ва камбағалликни қисқартириш вазирлигида Россия бош вазир ўринбосари Алексей Оверчук бошчилигидаги делегация билан учрашув бўлиб ўтди. Томонлар ҳамкорлик доирасидаги бир қатор лойиҳаларни муҳокама қилишди. Хусусан, солиқ ва божхона маъмуриятчилигини такомиллаштириш бўйича ҳаракатлар режаси кўриб чиқишди.
Ўзбекистонда иқтисодий ўсиш янада пасайиши кутилмоқда — ОТБ
Осиё тараққиёт банки 2020 йилда Ўзбекистон ЯИМ ҳажми ўсиши бўйича прогнозини 0,5%гача пасайтирди. Ташкилотнинг янги ҳисоботига кўра, бунга COVID-19 пандемияси, талабнинг сустлиги, саноат ишлаб чиқариши ва хизматлар соҳасидаги пасайиш сабаб бўлмоқда. Бироқ, 2021 йилда ЯИМ 6,5% гача кўтарилиши кутилмоқда.
Сума Чакрабарти Шавкат Мирзиёевнинг маслаҳатчиси этиб тайинланди
Европа тикланиш ва тараққиёт банкининг собиқ раҳбари Сума Чакрабарти Шавкат Мирзиёевнинг иқтисодий ривожланиш, самарали бошқарув ва халқаро ҳамкорлик масалалари бўйича маслаҳатчиси этиб тайинланди.
UNG компанияси Аи-92 бензини нархини арзонлаштирмоқда
15 сентябрдан бошлаб UNG АЁҚШларида импорт ва маҳаллий Аи-92 бензини нархи 5500 сўмга қадар арзонлаштирилади.
Долларнинг расмий курси яна кўтарилди
АҚШ миллий валютасининг расмий курси 21 сўмга қимматлаб, жами 10 295 сўм этиб белгиланди. Евро ва рубль курслари ҳам бир оз кўтарилди.
Škoda Kodiaq октябрь ойида Ўзбекистон бозорига сотувга чиқади
Škoda бренди Ўзбекистон бозорига етти кишилик Kodiaq кроссовери билан кириб келмоқда. Россиядаги заводда ишлаб чиқарилган автомобилни харидорларга октябрдан етказиб бериш бошланади.
Ўзбекистонда тўрт мавсумда фойдаланиш мумкин бўлган трансформер пахта терим машинаси ишлаб чиқарилмоқда
Тошкент қишлоқ хўжалиги техникаси заводида АҚШнинг CNHI компанияси билан биргаликда TZST CE-220 пахта териш машинаси — трансформер ишлаб чиқарилмоқда. Мазкур машинадан чигит қадашдан тортиб, ҳосилни йиққунга қадар дала ишларида фойдаланиш мумкин.
АҚШ Давлат департаменти — Ўзбекистоннинг сармоявий муҳити тўғрисида
АҚШ Давлат департаменти ҳисоботида келтирилишича, Ўзбекистондаги инвестиция муҳитга давлат монополияларининг устунлиги, давлат харидларида шаффофликнинг йўқлиги ва давлат корхоналари томонидан шартнома мажбуриятларининг изчил бажарилмаслиги салбий таъсир кўрсатмоқда.
USAID Бухоро вилоятидаги Ёмонжар каналини тиклашга кўмаклашди
AҚШ Халқаро тараққиёт агентлиги (USAID) Бухоро вилоятидаги Ёмонжар каналини қайта тиклаш ишларини молиялаштирди. 1978 йилда қазилган каналда гидропостлар қурилиб, ўзани бетонлаштирилди.
Асосий ставка 14% этиб белгиланди
Марказий банк бошқарувининг қарорига асосан асосий ставка 1 фоизга пасайтирилиб, 14 фоиз этиб белгиланди. Охирги марта МБ асосий ставкани апрель ойида 16 фоиздан 15 фоизгача тушурган эди.
Энг кўп ўқилган хабарлар | Сўнгги янгиликлар
- Хорижий автомашиналарни вақтинча олиб кириш учун йиғим ҳисоблаш тартиби ўзгарди
- Газ ва электр тарифларининг ошиши инфляцияга қандай таъсир қилади?
- Устав капитали бўйича минимал талабларни бажармаган 4 та банкнинг операциялари чекланди
- Йилнинг дастлабки 4 ойида давлат бюджет дефицити 25 трлн сўмдан ошди
Қўшимча имкониятларга эга булиш учун сайтда рўйхатдан ўтинг