Иқтисодиёт
Энг зарур маҳсулотлар савдоси ва транспортировкасида тўлиқ эркинлик тарафдоримиз — Шавкат Мирзиёев
Президент Шавкат Мирзиёев Озиқ-овқат хавфсизлиги бўйича халқаро конференция иштирокчиларига мурожаат йўллаб, Ўзбекистон энг зарур маҳсулотлар савдоси ва транспортировкасида тўлиқ эркинлик тарафдори эканини таъкидлади.
Минскда Ўзбекистон ва Беларусь тадбиркор аёллари биринчи бизнес форуми ўтказилди
Сенат раиси Танзила Нарбаеванинг ташрифи доирасида Минск шаҳрида Ўзбекистон ва Беларусь аёлларининг биринчи бизнес форуми бўлиб ўтди. Форум доирасида 92 млн доллардан ортиқ миқдордаги 42 та шартнома ва 17 та меморандум имзоланди.
2022 йилда бюджетдан ғалла учун жами 4 трлн сўм имтиёзли кредитлар ажратилди
Ўзбекистонда 2022 йилда бюджетдан ғалла учун 4 тлрн сўм имтиёзли кредит ажратилди, бу 2017 йилга нисбатан 3 баробарга кўп. Мева-сабзавотлар учун 1,1 трлн сўм миқдоридаги имтиёзли кредит берилди. Қишлоқ хўжалигини қўллаб-қувватлаш учун сўнгги йилларда 41 турдаги субсидия жорий этилган.
Президент ҳузуридаги Тадбиркорликни қўллаб-қувватлаш кенгашининг таркиби янгиланди
Президент Тадбиркорликни қўллаб-қувватлаш бўйича жамоат кенгашининг янгиланган таркибини тасдиқлади. Кенгаш аъзолигини Президент администрациясининг собиқ раҳбари Сардор Умурзаков, инвестициялар, саноат ва савдо вазири Лазиз Кудратов, Murad Buildings асосчиси ва бошқалар тарк этган.
Банкларда доллар курси 12 200 сўмга яқинлашди
Тижорат банклари 6 сентябрь куни аҳолидан 1 АҚШ долларини 12 070−12 110 сўмдан сотиб олмоқда, сотув курси эса 12 140−12 190 сўм.
«Ақлли» «боғ шаҳар». Президентга Янги Тошкентнинг бош режаси лойиҳаси тақдим этилди
Президент Янги Тошкентнинг бош режаси лойиҳаси билан танишди. Унда асосий эътибор «яшиллик, қулайлик ва тежамкорлик»ка қаратилган. Шаҳар компонентлари лойиҳаси 20 та хорижий компания томонидан ишлаб чиқилмоқда. «Одамлар биринчи ўринда бўлиши зарур», — деди Мирзиёев.
Ўзбекистондан чет элга валюта олиб чиқиш ва олиб кириш миқдори оширилади
Жисмоний шахслар божхонадан декларациясиз олиб ўтиши мумкин бўлган нақд валюта миқдори 70 млн сўмдан 100 млн сўм эквивалентигача оширилмоқда.
Марказий банк тўлов хизматлари учун халқаро пул ўтказмаларининг чекланганига изоҳ берди
Oson тўлов хизмати қабул қилувчи ва жўнатувчи тўғрисидаги талаб қилинадиган маълумотларни қонунчиликда кўрсатилганидек акс эттирмагани учун жаримага тортилди, дея хабар қилди Марказий банк. Регулятор тўлов ташкилотлари учун халқаро пул ўтказмалари бўйича чекловларга ҳам изоҳ берди.
Ўзбекистон банклари Марказий банкнинг тўлов тизимларига нисбатан ҳаракатларини қўллаб-қувватлашини маълум қилди
Ўзбекистон банклари тўлов тизимларининг трансчегаравий транзит операцияларини тўхтатиш бўйича МБ қарорини қўллаб-қувватловчи бир хил мазмундаги хабарларни беряпти. Уларда қарор молия тизими ва финтех бозорини хатарлар, жумладан, санкция билан боғлиқ рисклардан ҳимоялашга қаратилгани айтилади.
Oson МБ санкцияси бўйича сўровларни қайтариб олиши ва жаримани тўламоқчилигини маълум қилди
Oson тўлов хизмати Марказий банк жарима санкциялари иши бўйича барча сўровларни қайтариб олиши ва жаримани тўлашини маълум қилди. Oson 5 сентябрдан мустақил равишда хорижий пул операцияларини амалга оширмаяпти, дея қайд этди компания.
Давлат сув ҳавзалари тадбиркорларга E-auksion орқали ижарага берилади
Ҳукумат қарори билан тадбиркорларга давлатга тегишли сув ҳавзаларини E-auksion платформаси орқали ижарага бериш тартиби йўлга қўйилди. Улар сув бўйида пляж зоналари, балиқ ови ва сув саёҳати каби хизматларни ташкил этиши керак бўлади. Ер участкалари камида 10 йил муддатга ижарага берилади.
Oson ва PayWay халқаро пул ўтказмаларини тўхтатди
Oson тўлов хизмати 5 сентябрдан халқаро пул ўтказмалари ва хорижий хизматлар учун тўловларни вақтинча тўхтатди. PayWay ҳам барча халқаро йўналишларда, шу жумладан, Россиядан ва Россияга пул ўтказмаларини тўхтатмоқда ва буни Марказий банкнинг талаби билан изоҳлади.
Августда 46,2 млрд сўмлик газ ва электрдан ноқонуний фойдаланилгани аниқланди
Ўзбекистонда август ойида 26,2 млрд сўмлик табиий газ ва 19,9 млрд сўмлик электр энергиясидан ноқонуний фойдаланилгани маълум бўлди. Бундай ҳолатлар, ўтган ойда бўлгани каби, Андижон, Самарқанд ва Тошкент вилоятларида энг кўп қайд этилган.
Бизнесни ривожлантириш банки ташкил этилди
Президент қарори билан «Қишлоқ қурилиш банк» тижорат банки негизида Бизнесни ривожлантириш банки ҳамда унинг ҳузурида «Кичик бизнесни ривожлантириш жамғармаси» масъулияти чекланган жамияти ташкил этилди.
ИЛМА Ўзбекистон капитал бозори регуляторига айланади
Истиқболли лойиҳалар миллий агентлиги Иқтисодиёт ва молия вазирлигининг капитал бозори соҳасидаги вазифалари, функция ва ваколатларини ўз зиммасига олиб, ушбу соҳа регуляторига айланади. ИЛМА, шунингдек, капитал бозори соҳасида «Тартибга солиш қумдони» тартибларини белгилайди.
Дивиденд имтиёзлари 2029 йилгача узайтирилади, ихтиёрий пенсия бадали пулидан акция сотиб олиш мумкин бўлади
Иқтисодиёт ва молия вазирлигига фуқаролар томонидан ихтиёрий пенсия бадаллари ҳисобига акция сотиб олиш, ходимларга ўз корхонаси акцияларини харид қилиш устувор ҳуқуқ бериш, дивидендлар бўйича имтиёзларни 2028 йил охиригача узайтириш кабиларни назарда тутган қонун лойиҳасини ишлаб чиқиш топширилди.
Қимматли қоғозлар марказий депозитарийси Марказий банкга ўтказилади
«Қимматли қоғозлар марказий депозитарийси» давлат унитар корхонаси «Қимматли қоғозлар марказий депозитарийси» АЖга ўзгартирилади ва унинг устав капиталидаги давлат акциялари пакети Марказий банкка ўтказилади. Шунингдек, «Миллий клиринг маркази» ташкил этилади.
Августда Ўзбекистонда инфляция 0,5 фоизни ташкил этди ва йиллик ҳисобда 9 фоиздан пастлигича қолмоқда
Август ойи якунларига кўра, Ўзбекистонда 0,5 фоизлик инфляция қайд этилди, йиллик инфляция эса 9 фоиздан пастлигича қолмоқда. Ўтган ойда тухум, гуруч, гўшт, сут қимматлади, ун, ёғ ва шакар эса арзонлади. Бензин, метан ва пропан нархи ошишда давом этмоқда.
«Электроэнергия тарифлари ислоҳоти Ўзбекистон молиясига ижобий таъсир қилади» — Fitch
Ўзбекистон бюджет кўрсаткичлари ёмонлашишининг сабабларидан бири — электр энергияси тарифлари ислоҳоти кейинга қолдирилгани, дея қайд этди Fitch агентлиги. Тўлиқ миқёсдаги энергетика ислоҳоти қанчалик узоққа чўзилса, йил охирида 5,1 фоиз бўлиши кутилаётган бюджет тақчиллиги шунчалик секин пасаяди.
Айрим банкларда доллар курси 12 165 сўмгача кўтарилди
Тижорат банклари 4 сентябрь куни аҳолидан 1 АҚШ долларини 12 040−12 070 сўмдан сотиб олмоқда, сотув курси эса 12 110−12 165 сўм.
Энг кўп ўқилган хабарлар | Сўнгги янгиликлар
Қўшимча имкониятларга эга булиш учун сайтда рўйхатдан ўтинг