Иқтисодиёт
Молия вазирлиги бюджет интизомини бузган ва камомадга йўл қўйган вазирликлар рўйхатини эълон қилди
Молия вазирлиги томонидан 6 ой давомида ўтказилган 3480 та назорат тадбирларида 372,7 млрд сўмлик бюджет интизомини бузиш, пул ва товар-моддий бойликлари камомади аниқланган. Шундан энг кўп қонунбузилиш Халқ таълими, Мактабгача таълим, Соғлиқни сақлаш ва Уй-жой коммунал хизмат кўрсатиш вазирликлари ҳамда Автомобиль йўллари қўмитасига тўғри келмоқда.
Президент қимматбаҳо металлар ва тошлар тўғрисидаги қонунни имзолади
Президент «Қимматбаҳо металлар ва қимматбаҳо тошлар тўғрисида"ги қонунни имзолади. Ҳужжат хусусий секторга қимматбаҳо металлар айланмаси соҳасида очиқ ишлаш имкониятини беради ва бу соҳада яширин иқтисодиётнинг олдини олишга хизмат қилиши керак.
Долларнинг расмий курси бироз пасайди
Долларнинг расмий курси 6,79 сўмга пасайди ва жами 10 634,35 сўм этиб белгиланди. Шунингдек, евро курси ҳам пасайди, рубль курси эса бироз кўтарилди.
Фуқароларнинг иқтисодий ҳолати, ижтимоий кайфияти жарималар миқдори ошишига тайёр эмас — ХДП
Халқ демократик партияси Ўзбекистонда 1 сентябрдан йўл ҳаракати қоидаларини бузганлик учун жарималар миқдори ошишига муносабат билдирди. Қайд этилишича, ойлик оширилиши билан бир вақтда базавий ҳисоблаш миқдори ва тўланадиган жарималар ҳажми ошиши жамоатчилик орасида саволлар туғдиряпти. «БҲМнинг ошиши тор доирадаги қатламга манфаатли бўлиши мумкин, аммо жарималар ошиши барчага бирдек қийинчилик туғдириши мумкин», — дейилади партия муносабатида.
Сурхондарёда тадбиркорликни ривожлантириш ва бандликни таъминлаш учун 200 млн доллар ажратилади
Сурхондарё вилоятида кичик бизнес ва оилавий тадбиркорликни рағбатлантириш, аҳоли бандлигини таъминлаш мақсадида Тикланиш ва тараққиёт жамғармаси томонидан 150 млн доллар маблағ ажратилади. Шунингдек, халқаро молия институтларидан жалб қилинаётган қарз маблағлари ҳисобидан қўшимча 50 млн доллар ҳудудда иссиқхона хўжалигини ривожлантиришга йўналтирилади.
Ўзбекистонда автомобиль ишлаб чиқариш ҳажми қарийб 44 минг донага камайди
Ўзбекистонда 7 ой ичида 124,9 минг дона — ўтган йилнинг шу даврига нисбатан 25,9 фоизга кам автомобиль ишлаб чиқарилди. Nexia ва Spark моделларини ишлаб чиқаришда энг кўп тушиш қайд этилди.
Долларнинг расмий курси яна кўтарилди
Долларнинг расмий курси 0,54 сўмга кўтарилди ва жами 10 641,14 сўм этиб белгиланди. Шунингдек, евро ва рубль курслари ҳам кўтарилди.
Бу Андерссон Uzauto Motors бош директори бўлди
Швециялик Бу Андерссон UzAuto Motors бош директори этиб тайинланди. Илгари у «Группа ГАЗ», «АвтоВАЗ «президенти ва Yazaki`нинг Европа бўлими бошлиғи бўлиб ишлаган.
Президент тадбиркорлар билан учрашувда эълон қилган энг муҳим ўзгаришлар
Шавкат Мирзиёев 20 август куни тадбиркорлар билан очиқ мулоқот ўтказди. Унда кредитлар энди фақат сўмда берилиши, микромолия ташкилотлари учун енгилликлар, бизнес учун солиқ юкини камайтириш, ер сотиш ва хусусийлаштириш, инфратузилма яратиш, экспортёрларни қўллаб-қувватлаш, транспорт-логистика тизимини ривожлантириш ва тадбиркорликка оид тартибларни соддалаштириш йўналишларида қатор янгиликлар эълон қилинди. «Газета.uz» ушбу учрашувда таъкидланган барча муҳим ўзгаришларни тақдим этади.
«Экспортга юборган машинамизни ички бозорга нисбатан 30−40 фоизга арзонроқ сотар эдик» — президент
Ўзбекистонда ишлаб чиқарилган автомобиллар экспортга ички бозорга нисбатан 30−40 фоиз арзонроққа сотилган, дея таъкидлади президент. Унинг сўзларига кўра, келгусида рақобат муҳитининг шаклланиши, Тошкент, Наманган ва Жиззах вилоятларида янги заводлар қурилиши натижасида автозавод ўз фаолиятини тубдан қайта кўриб чиқишига тўғри келади.
Долларнинг расмий курси душанбадан кўтарилади
Тўрт кун кетма-кет пасайишдан сўнг, долларнинг расмий курси 8,60 сўмга кўтарилди ва жами 10 640,60 сўм этиб белгиланди. Шунингдек, евро ва рубль курслари пасайишда давом этмоқда.
Президент 20 августни «Тадбиркорлар куни» деб эълон қилишни таклиф этди
Шавкат Мирзиёев тадбиркорлар билан учрашувни ҳар йили ўтказиш кераклигини таъкидлаб, 20 августни мамлакатда «Тадбиркорлар куни» деб эълон қилишни таклиф қилди.
Юк машиналари импортига имтиёзлар жорий қилинмоқда
2025 йилга қадар Ўзбекистонга айрим турдаги юк машиналарини олиб кирганда божхона божи, утилизация ва автотранспорт йиғимларининг ноль ставкалари қўлланилади.
5000 ва 10 000 сўмлик купюраларнинг янги дизайни эълон қилинди
5000 сўм ва 10 000 сўм номиналдаги янги банкноталар 26 августдан муомалага чиқарилади. Марказий банк уларнинг дизайнини эълон қилди. 2013 йил ва 2017 йил намунасидаги банкноталар тўлов қобилиятини йўқотмайди.
«Солиқ идоралари қўллаётган айрим жарималар сони ортгани мени хавотирга солмоқда» — Шавкат Мирзиёев
Шавкат Мирзиёев солиқ идоралари қўллаётган айрим жарималар сони ва миқдорининг ортгани уни хавотирга солаётганини таъкидлади. Солиқ маъмурчилигини соддалаштириш, солиқ идораларининг назорат функцияларини такомиллаштириш юзасидан, жиддий чораларни амалга ошириш зарурлиги айтилди.
«Инфляция даражасини жорий йилда 10 фоизга, келгуси икки йилда 5 фоизга туширишни режа қилганмиз» — президент
Шавкат Мирзиёев тадбиркорлар билан мулоқотда ҳамма арзон кредит олишни хоҳлашини, бироқ фоизни сунъий пасайтириш бозордаги мувозанатга салбий таъсир кўрсатишини таъкидлади. «Лекин, кредит фоиз ставкаларини сунъий пасайтирсак, пул бозоридаги мувозанат бузилади. Шунинг учун, иқтисодиётга арзон кредит берамиз деб, макроиқтисодий барқарорликни унутиб қўймаслигимиз лозим», — деди давлат раҳбари.
Банкларга бериладиган кредитлар муддатини чеклаш амалиёти бекор қилинади
Президент тадбиркорларга кредитни миллий валюта — «сўм»да ва бизнес вакиллари учун мақбул фоизларда бериш тизими йўлга қўйилишини маълум қилди. 1 октябрдан илгари 1 млн долларгача хорижий валютада олинган 6 мингга яқин тадбиркорнинг жами 1 млрд долларга яқин кредитлари миллий валютага ўтказиб берилиши айтилди.
2022 йили давлат ва нодавлат банкларга Тикланиш ва тараққиёт жамғармасидан $600 млн доллар ажратилади
Ишбилармонлар билан мулоқот давомида Шавкат Мирзиёев ишбилармонлардан келиб тушган мурожаатларнинг 40 фоизи бизнесни молиялаштириш ва молия-кредит масалалари билан боғлиқ эканлигини маълум қилди. «Банкларнинг капиталини ошириш бўйича, қўшимча имкониятлар ишга солинади. Бунинг учун келгуси йилда банкларга Тикланиш ва тараққиёт жамғармасидан бозор тамойиллари асосида, қўшимча 600 миллион доллар ажратилади», — деди Шавкат Мирзиёев.
Президент бир гуруҳ тадбиркорларга миннатдорчилик билдирди
Президент Шавкат Мирзиёев мамлакатда янги иш ўринларини яратиш, экспорт салоҳиятини ошириш ва бюджет барқарорлигини таъминлаш йўлида ҳисса қўшаётган 100 нафар тадбиркорга миннатдорчилик билдирди.
Ўзбекистон энг кўп қайси давлатларга енгил автомобиль экспорт қилди?
Ўзбекистон 2021 йилнинг январь-июль ойларида 194 млн долларга енгил автомобиль экспорт қилди. Экспортнинг қарийб 94 фоизи Қозоғистон ҳиссасига тўғри келди, иккинчи ўринда — Афғонистон.
Энг кўп ўқилган хабарлар | Сўнгги янгиликлар
- Тожикистон шу ойда Марказий Осиё ягона энергетика тизимига қўшилади — Ўзбекистон энергетика вазири
- Ўзбекистонда автомобиллар савдоси кетма-кет учинчи ой пасаймоқда
- Президент Coca Cola компаниясининг истиқболли лойиҳаларини қўллаб-қувватлади
- Газ ва электр энергияси тарифларини оширишда газ импорти ҳисобга олинган — энергетика вазири
Қўшимча имкониятларга эга булиш учун сайтда рўйхатдан ўтинг