Тошкентда бўлиб ўтган Ислом тараққиёт банки Бошқарувчилар Кенгаши йиғилишида умумий қиймати 280 млн доллардан ортиқ бўлган шартномалар имзоланди.
Ислом Каримов номидаги «Тошкент» халқаро аэропортида халқаро йўналишлар йўловчилари учун қўшимча майдонга эга бўлган янги учиб кетиш зали очилди. Мазкур залда замонавий ускуналар, «яшил» ва «қизил» йўлаклар ўрнатилган. Шунингдек, 6 та паспорт ва чегара назорати пункти, очиқ Wi-Fi тармоғи, Duty Free дўконлари, кафе, она ва бола хонаси мавжуд.
Давлат статистика қўмитаси дастлабки маълумотларга кўра, январь — июнь ойларида республика бўйича жами 22,7 минг тонна пилла хом-ашёси тайёрланган. Энг юқори улушга эга вилоятлар Самарқанд, Андижон ва Бухоро вилоятлари ҳислобланади.
Daryo bo’yi Business City ишбилармонлик маркази қурилиши доирасида Чирчиқ дарёсини торайтириш ҳисобига очилган ерлар Тошкент ҳокимлиги захирасига ўтказилади. Сўнгра улар лотларга ажратилиб, инвесторларга сотилади. Тушган маблағлар бюджет ссудаларини қоплаш ва келгусидаги қурилишларни молиялаштиришга сарфланади.
Долларнинг расмий курси 17,82 сўмга кўтарилди ва жами 10 671,00 сўм этиб белгиланди. Шунингдек, евро ва рубль курслари ҳам кўтарилди.
1 октябрдан бошлаб цемент (клинкер) ишлаб чиқарувчилар учун фойда солиғининг ставкаси 15 фоизгача пасайтирилади. Маҳаллий ишлаб чиқарувчилар импорт маҳсулотлари билан рақобатлаша олмаётгани учун бу ҳақда президентдан тадбиркорлар билан учрашувда сўралган эди.
Президент 2026 йилга келиб Ўзбекистонда олтита кимёвий технология кластери ташкил этилишини маълум қилди. Улардан биринчиси «Навоийазот»да, қолганлари Бухоро, Қашқадарё, Фарғона ва Тошкент вилоятларида ҳамда Қорақалпоғистонда барпо этилади. Шавкат Мирзиёев қўшни давлатлардан газ сотиб олинишига ҳам изоҳ берди.
Долларнинг расмий курси 1,29 сўмга кўтарилди ва жами 10 653,18 сўм этиб белгиланди. Шунингдек, евро ва рубль курслари ҳам кўтарилди.
Uzbekistan Airways Москвага биринчи гибрид авиаташувини амалга оширди ва Uzbekistan Express`да чипталар нархларини эълон қилди. «Газета.uz» мухбири «тўлиқ эконом» шароитида бўлган Airbus A320 самолёти билан танишди ва асосий ҳамда гибрид моделларнинг парвозлари ўртасида қандай фарқ борлигини ўрганди.
1 октябрдан давлат қиймати 200 миллиард сўмдан ошадиган инвестиция лойиҳаларини ташқи муҳандислик-коммуникация тармоқлари билан таъминлайди. Президент билан учрашувда тадбиркорлар инфратузилмалар билан боғлиқ муаммолардан шикоят қилган эди.
Давлат статистика қўмитаси маълумотларига кўра, ўтган 7 ойда Ўзбекистон хорижга қиймати 14,5 млн долларга тенг бўлган 53,6 минг тонна қовун ва тарвуз экспорт қилган. Экспорт қилиш бўйича мамлакатлар кесимида Қозоғистон, Россия, Қирғизистон етакчилик қилмоқда.
Долларнинг расмий курси 11,15 сўмга кўтарилди ва жами 10 651,89 сўм этиб белгиланди. Шунингдек, евро курси пасайди, рубль курси эса кўтарилди.
Яқин 5 йилда Ўзбекистон иқтисодий ўсишни 1,5 баробарга оширишни ва ЯИМни камида 100 млрд долларга етказишни режалаштирмоқда, деди президент. Шу муносабат билан, электр таъминоти учун 6,5 млрд долларлик 19 та лойиҳа бўйича қўшимча қувватлар жорий этиладиган минглаб саноат корхоналарини ишга тушириш режалаштирилган.
Навоий вилояти Кармана туманида қуввати 100 мегаВатт бўлган замонавий қуёш фотоэлектр станцияси ишга туширилмоқда. Бу ерда йилига 252 миллион килоВатт-соат электр энергияси ишлаб чиқарилади. Бунинг ҳисобидан 80 миллион куб метр табиий газ тежалиб, атмосферага 160 минг тонна буғланувчи газлар чиқишининг олди олинади.
Долларнинг расмий курси 13,27 сўмга пасайди ва жами 10 640,74 сўм этиб белгиланди. Шунингдек, евро курси кўтарилди, рубль курси эса пасайди.
«Толибон» назоратига ўтган Афғонистон иқтисодиётининг ҳажми 20 млрд АҚШ долларига тенг. Ноқонуний афюн савдоси афғон иқтисодиётида марказий ўринни эгаллайди. Мамлакат ЯИМининг тахминан 30% қисми, давлат харажатларининг 75% қисми халқаро грантлар ҳисобига молиялаштирилади.
Долларнинг расмий курси 19,66 сўмга кўтарилди ва жами 10 654,01 сўм этиб белгиланди. Шунингдек, евро ва рубль курслари ҳам кўтарилди.
Январь-июль ойларида Ўзбекистонга 432 та ёки ўтган йилдаги умумий кўрсаткичдан 2,3 баробар кўпроқ электромобиль импорт қилинди. Улар асосан Хитойдан олиб кирилди.
Афғонистон Ўзбекистон учун энг йирик савдо бозорларидан бири ҳисобланади. 2020 йилда Ўзбекистон ва Афғонистон ўртасидаги ташқи савдо айланмаси 779 млн долларни, 2021 йилнинг январь-июнь ойларида — 351,9 млн долларни ташкил қилган. «Газета.uz» икки давлат ўртасидаги импорт ва экспорт таркиби ҳамда Ўзбекистоннинг Афғонистондаги лойиҳалари ҳақида маълумотлар тақдим этади.
Президент қарори билан 2021 йил 1 сентябрдан 31 декабргача умумий овқатланиш корхоналари ер ва мол-мулк солиғидан озод қилинади. 15 август ҳолатига кўра мавжуд қарздорликни, солиқ бўйича жарималарни 2022 йил 1 январдан 1 июлга қадар фоизларни ундирмасдан тенг миқдорларда кечиктириб (бўлиб-бўлиб) тўлаши мумкин. Шунингдек, қарор билан 2023 йил 1 сентябргача туристик (меҳмонхона) йиғимини ҳисоблаш ва тўлаш тўхтатилади.
Қўшимча имкониятларга эга булиш учун сайтда рўйхатдан ўтинг