Иқтисодиёт
Тошкентда Ислом тараққиёт банки гуруҳининг йиллик анжумани ўтказилади
Ўзбекистон Ислом тараққиёт банки (ИТБ) гуруҳининг 2021 йилги йиллик анжуманига мезбонлик қилади. Анжуман 31 августдан 4 сентябргача Тошкент Халқаро конгресс-марказида бўлиб ўтади.
Ташаббусли бюджет бўйича овоз бериш босқичи бошланди
Молия вазирлиги ташаббусли бюджет бўйича овоз бериш бошланганини эълон қилди. Эндиликда фуқаролар маҳаллий бюджетни тақсимлашда иштирок этиш, инфратузилмаларни яхшилаш, йўллар, мактаблар, болалар боғчалари ва бошқаларни қуриш ҳамда таъмирлаш бўйича лойиҳаларга овоз беришлари мумкин.
FT: Афғонистондаги вазият туфайли Ўзбекистон евробондлар арзонлашди
Афғон инқирози туфайли Ўзбекистон ва Покистоннинг доллардаги евробондлари босим остида қолди, дея қайд этди Financial Times. Фондлар бошқарувчиларининг сўзларига кўра, Афғонистондан қочқинларнинг эҳтимолий чиқиб кетиши қўшни давлатларда молиявий муаммоларни келтириб чиқариши мумкин.
Долларнинг расмий курси яна пасайди
Долларнинг расмий курси 7,69 сўмга пасайди ва жами 10 652,31 сўм этиб белгиланди. Шунингдек, евро ва рубль курслари ҳам бироз пасайди.
«Тадбиркорларни қўллаб-қувватламасак, шаҳар ва туманларнинг маҳаллий бюджети ночор аҳволда қолаверади» — Шавкат Мирзиёев
Президент Шавкат Мирзиёев кўплаб одамларнинг бандлиги ва даромади тадбиркорликнинг қандай қўллаб-қувватланишига боғлиқ эканлигини таъкидлади. «Агар биз тадбиркорларни қўллаб-қувватламасак, уларга шароит яратиб бермасак, шаҳар ва туманларнинг маҳаллий бюджети ночор аҳволда қолаверади», — деди у.
«Ислоҳотларни қилиб, тезроқ бойисак, „Толибон“ каби хатарлар унчалик қўрқинчли эмас» — иқтисодчи Беҳзод Ҳошимов
Беҳзод Ҳошимовнинг ёзишича, иқтисодий қолоқлик ва имкониятлар тенгсизлиги келажакда Ўзбекистон тинчлиги учун хавф туғдириши мумкин. «Бизнинг иқтисодий даражамизда биздек тинч мамлакатлар деярли йўқ, бизнинг даромадларимиз анча „хавфли“ чегарада», — дейди у.
«Коррупционерлар беш ойда 450 млрд сўм зарар етказган» — Шавкат Мирзиёев
Президент Шавкат Мирзиёев ўтган 2020 йилда турли даражадаги мансабдорлар томонидан 500 млрд сўм миқдорида зарар етказилганини маълум қилди. Унинг сўзларига кўра, 2021 йилнинг беш ойида эса 1696 нафар мансабдорга нисбатан жиноий иш очилиб, етказилган зарар 450 млрд сўмни ташкил этмоқда.
Долларнинг расмий курси тўрт кунлик ўсишдан сўнг бироз пасайди
Долларнинг расмий курси 23,00 сўмга пасайди ва жами 10 660,00 сўм этиб белгиланди. Шунингдек, рубль курси ҳам бироз пасайди, евро курси кўтарилди.
Иқтисодий тадқиқотлар ва ислоҳотлар маркази ҳудудларни ривожлантиришга кўмаклашади
Иқтисодий тадқиқотлар ва ислоҳотлар маркази ҳудудларни иқтисодий-ижтимоий ривожлантириш дастурларини ишлаб чиқиш бўйича бизнес-таҳлил ва тавсиялар тайёрлайди. Бешта вилоятда марказ филиаллари очилади.
Долларнинг расмий курси кетма-кет тўртинчи кун кўтарилди
Долларнинг расмий курси 11,00 сўмга кўтарилди ва жами 10 683,00 сўм этиб белгиланди. Шунингдек, евро ва рубль курслари ҳам бироз кўтарилди.
Радар жойи учун кураш: нарх бошланғич баҳосидан қарийб 100 баробарга ошиб кетди
Тошкент марказидаги радар ўрнатиш жойи электрон аукционда бошланғич баҳосидан 95 баробар қимматга — қарийб 3,5 млрд сўмга сотилди.
Тошкентда хизмат кўрсатиш соҳасида 415 мингдан ортиқ иш ўринларини очиш режалаштирилмоқда
Тошкентда хизмат кўрсатиш соҳасида 415 мингдан ортиқ иш ўринларини ташкил этиш режалаштирилмоқда. Бу янги тадбиркорлик субъектлари ва туну кун ишлайдиган савдо-кўнгилочар кўчалар ташкил этиш, ўзини ўзи банд қилиш, биринчи қават ва ертўлаларни ижарага бериш орқали амалга оширилади.
Долларнинг расмий курси кетма-кет учинчи кун кўтарилди
Долларнинг расмий курси 11,97 сўмга кўтарилди ва жами 10 672,00 сўм этиб белгиланди. Шунингдек, евро ва рубль курслари ҳам бироз кўтарилди.
Йўлларга сарфланаётган маблағлар устидан жамоатчилик назоратини ўрнатиш таклиф этилмоқда
Адлия вазирлиги автомобиль йўлларини қуриш ва таъмирлаш борасидаги барча маълумотлар жойлаштириладиган очиқ платформани ишга туширишни таклиф қилди. Унинг ёрдамида йўл инфратузилмасига йўналтирилган маблағларнинг сарфланишини назорат қилиш ва йўллардаги носозликлар ҳақида хабар бериш мумкин бўлади.
Фрэнсис Фукуяма Ўзбекистон ва мамлакатлар қандай қилиб фаровонликка эришиши ҳақида
Стэнфорд университети профессори Фрэнсис Фукуяма «Hoshimov Iqtisodiyoti» лойиҳасининг меҳмони бўлиб, Ўзбекистоннинг иқтисодий ўсиши, Марказий Осиё давлатлари тараққиётига нима тўсиқ бўлиши, иқтисодий ўсиш ва демократия ўртасидаги боғлиқлик, тараққиёт учун зарур омиллар ҳақида фикр билдирди. «Газета.uz» ушбу суҳбатдан айрим қисмларини тақдим этади.
Ўзбекистон ипотека бозоридаги вазият қандай?
Марказий банк 2021 йилнинг биринчи ярмида ипотека бозоридаги вазият юзасидан изоҳ берди. Унга кўра, охирги йилда ипотека кредитлари бўйича қолдиқлар 25,2 фоизга — 30,8 трлн сўмга қадар ошди, муаммоли ипотека кредитлари қолдиқлари ҳам 4 баробардан кўпроққа ўсиб, 480 млрд сўмга етди. Ҳар олтинчи квартира ипотека асосида сотиб олинмоқда. Иккиламчи бозорда ипотека кредитлари кескин кўпайди.
«Тўпаланг» сув омборидан 361 километрлик сув қувурлари ётқизилади
1,7 миллион сурхондарёликни ичимлик суви билан таъминлаш учун «Тўпаланг» сув омборидан магистрал қувур ётқизиш лойиҳаси амалга оширилади. Лойиҳа қиймати 138 млн долларга баҳоланмоқда, қувурлар узунлиги — 361 км.
UzAuto Motors соф фойдаси қарийб 70 фоизга ўсди
Олти ой якунлари бўйича UzAuto Motors ишлаб чиқариш ҳажми 24 фоизга камайганига қарамасдан, соф даромадини қарийб 70 фоизга — 902,6 млрд сўмга (84,6 млн доллар) оширишга муваффақ бўлди.
Долларнинг расмий курси яна кўтарилди
Долларнинг расмий курси 9,03 сўмга кўтарилди ва жами 10 660,03 сўм этиб белгиланди. Евро ва рубль курслари эса бироз пасайди.
Ўзбекистонда «Спутник V» вакцинасини кейинги ҳафтадан ишлаб чиқариш бошланади
Ўзбекистонда Jurabek Laboratories компанияси томонидан ишлаб чиқарилган «Спутник V» вакцинаси Россиянинг Гамалея илмий-тадқиқот маркази томонидан маъқулланди. Россиядан кейинги ҳафтада хом-ашё келганидан сўнг, препарат ишлаб чиқарилади ва текширув учун яна марказга юборилади.
Энг кўп ўқилган хабарлар | Сўнгги янгиликлар
- «Тақиқлар амалда ишламаяпти». Ўзбекистонда букмекерлик фаолиятини қонунийлаштиришдан мақсад нима? (1)
- Volkswagen ва Volvo Ўзбекистон фуқароларини Словакияга ишга таклиф қилмоқда
- Humo тўлов тизими барибир хусусийлаштирилади
- 420 млн долларга қурилган ва зарар кўраётган ТМЗнинг давлат улуши кимошди савдосига қўйилади
Қўшимча имкониятларга эга булиш учун сайтда рўйхатдан ўтинг