Ўзбекистон президенти 1 апрелдан пенсиялар, 1 майдан бошлаб эса давлат хизматчиларининг иш ҳақи ва базавий ҳисоблаш миқдорини ошириш тўғрисидаги қарорни имзолади. Ўсиш ўртача 7% ни ташкил қилади.
1 майдан бошлаб тўлов ташкилотлари жисмоний шахслар ўртасидаги пул ўтказмалари учун электрон ҳисоб-варақаларни расмийлаштириши керак. Адлия экспертизаси вақтида қарор лойиҳасида бу банд бўлмаган. Адлия вазири Акбар Тошқулов вазиятга изоҳ берди.
Тошкент туманлараро иқтисодий суди қарори билан Hi-tech bank банкрот деб топилди. Банкни тугатиш комиссияси ҳам ўз фаолиятини якунлади.
Ўзбекистонда ўтган ҳафтада қизил думалоқ помидорнинг ўртача улгуржи нархи 29 фоизга ва ўтган йилга нисбатан деярли 2 бараварга ошди. Аввалроқ маҳсулот нархининг ошишига январь ойидаги аномал совуқ сабаб сифатида кўрсатилганди.
Январь-февраль ойларида Ўзбекистонга келган сайёҳлар оқими қарийб уч баробарга ошиб, 871 минг кишини ташкил этди. Уларнинг 90 фоиздан ортиғи Марказий Осиё давлатлари, шунингдек, Россиядан келган.
Тижорат банклари 28 март куни аҳолидан 1 АҚШ долларини 11 280 — 11 415 сўмдан сотиб олмоқда, сотиш курси эса 11 420 — 11 485 сўм.
Иқтисодиёт ва молия вазири Шерзод Кудбиев Yandex Go’нинг солиққа тортилиши ҳамда Ўзбекистондаги такси бозори билан боғлиқ вазиятни шарҳлар экан, Иқтисодиёт ва молия вазирлиги бозорда тенг имкониятлар яратувчи таклифлар ишлаб чиқишини маълум қилди.
Антикоррупция агентлиги февралда давлат харидларида 25 млрд сўмлик қонунбузилиш ҳолатларини аниқлади. Хусусан, Uzbekistan Airports, «Ҳудудий электр тармоқлари» Хоразм филиали, Тошкент вилояти Болалар кўп тармоқли тиббиёт маркази қонунбузилишига йўл қўйган. Буюртмачиларга тақдимнома киритилди.
Иқтисодиёт ва молия вазирлиги матбуот хизмати «Ташаббусли бюджет»да Face ID тизими ва кўпайтириш коэффициентларини жорий этиш режаси ҳақида хабар берганди. Вазир Шерзод Кудбиев ўз ходимларини «салгина нопрофессионал шарҳ берганликда» айблаб, ҳозирча бундай ўзгаришлар назарда тутилмаганини билдирди.
Тижорат банклари 27 март куни аҳолидан 1 АҚШ долларини 11 280 — 11 415 сўмдан сотиб олмоқда, сотиш курси эса 11 440 — 11 485 сўм.
ЕИ Россияга «икки мақсадли» технологияларга эга техникалар олишга ёрдам берадиган давлатларга савдо чекловларини жорий этишни режалаштирмоқда. Гап, хусусан, ЕИдан Қозоғистон, Қирғизистон ва Ўзбекистонга экспорт қилинаётган кир ювиш машиналари, эски автомобиллар ва фотокамералар ҳақида бормоқда.
Ижтимоий тармоқлардаги муҳокамаларга жавобан Солиқ қўмитаси Ўзбекистонда Yandex Go хизмати қандай тартибга солингани, хизматлар кўрсатишдан тушган даромад тақсимоти, компания ва такси хизмати қанча солиқ тўлаши ҳақида маълумот берди.
«Ташаббусли бюджет» лойиҳасида барча маҳаллалар учун тенг имконият яратиш мақсадида Face ID орқали овоз бериш тизими жорий этилади. У SMS орқали берилган 5−10 овозга тенглаштирилади. Қолаверса, кам аҳолили маҳалла лойиҳалари учун кўпайтириш коэффициенти қўллаш амалиёти кўриб чиқилади.
Тижорат банклари 25 март куни аҳолидан 1 АҚШ долларини 11 280 — 11 400 сўмдан сотиб олмоқда, сотиш курси эса 11 425 — 11 470 сўм.
Иқтисодий тадқиқотлар ва ислоҳотлар маркази ҳисоб-китобларига кўра, Ўзбекистон Марказий банкининг асосий ставкани 1 фоиз бандга тушириши ортидан аҳоли истеъмоли ошиши, кредит ҳажми ўсиши кутилмоқда. Бунинг натижасида базавий сценарийга нисбатан мамлакат ЯИМ 0,55 фоизга кўпаяди.
Ўзбекистонда газ қазиб олиш иккинчи ой кетма-кет пасаймоқда. Январь-февраль ойларида ишлаб чиқариш ҳажми ўтган йил бошига нисбатан 8,2 фоизга озайган. Электр ва иссиқлик ишлаб чиқариш ҳам камайди.
Халқаро молия корпорацияси Сирдарёда 1580 МВтли ИЭСни қуриш учун 150 млн доллар ажратди ва 1 млрд доллардан ортиқ хусусий молиялаштиришни жалб қилди. Станция газда ишлайди ва бутун мамлакат бўйлаб электр энергиясига бўлган талабнинг 17 фоизини қондириши кутилмоқда.
1 апрелдан барча турдаги маҳаллий қишлоқ хўжалиги техникасини харид қилиш учун 15 фоизлик субсидия берилади, импорт қилинадиган техникалар 3 йил муддатга божхона ва утилизация йиғимларидан озод қилинади. Ускуналар харид қилиш учун имтиёзли кредитлар ажратилади.
Тижорат банклари 24 март куни аҳолидан 1 АҚШ долларини 11 280 — 11 380 сўмдан сотиб олмоқда, сотиш курси эса 11 410 — 11 470 сўм.
Йил бошидан озиқ-овқат саноатида пасайиш кузатилаётган бир пайтда Ўзбекистон президенти озиқ-овқат маҳсулотларини ишлаб чиқаришни кўпайтириш учун 6,2 трлн сўм ажратилишини маълум қилди. Биринчи марта тадбиркорлар 130 млн долларни банклар воситачилигисиз тўғридан-тўғри олади, деди президент
Қўшимча имкониятларга эга булиш учун сайтда рўйхатдан ўтинг