Банклар устав капиталининг энг кам миқдори босқичма-босқич оширилади. 2025 йил 1 январдан у 500 миллиард сўмни ташкил этади.
Ўзбекистонда аҳоли ва деҳқончилик хўжаликлари импорт қилинган ёки маҳаллий сифатсиз картошка экмоқда. Шу сабабли президент мутасаддиларга аҳоли томорқалари учун 500 тонна элита картошка уруғларини бепул тарқатишни, картошка етиштирувчиларга имтиёзли маблағлар ажратиш вазифасини қўйди.
Тижорат банклари 20 апрель куни аҳолидан 1 АҚШ долларини 11 360 — 11 400 сўмдан сотиб олмоқда, сотиш курси эса 11 410 — 11 495 сўм.
Март ойида Ўзбекистон кўчмас мулк бозорида фаоллик 7,3 фоизга пасайиб, олди-сотди битимлари сони қарийб 21 мингтани ташкил этди. Шунингдек, пойтахтнинг аксарият туманларида ижарага бериладиган уй-жойлар нархи арзонлашди — ИТИМ шарҳидан.
Рақобатни ривожлантириш ва истеъмолчилар ҳуқуқларини ҳимоя қилиш қўмитаси мамлакатда зарур даражада шакар мавжудлиги ва ҳеч қандай хавотирга ўрин йўқлигини билдирди. Унга кўра, шакар хомашёси Бразилиядан жаҳон нархига нисбатан арзонроқ харид қилинмоқда, эҳтимолий хавф-хатарлар ҳукумат назоратида.
Тижорат банклари 19 апрель куни аҳолидан 1 АҚШ долларини 11 380 — 11 410 сўмдан сотиб олмоқда, сотиш курси эса 11 430 — 11 495 сўм.
Марказий банк аҳолидан чипталар, барча турдаги коммунал хизматлар, давлат божи ва бошқа хизматлар учун тўловларни амалга оширишда олинадиган комиссияларнинг энг юқори миқдорини БҲМнинг 20 фоизидан кўп бўлмаган миқдорда (60,6 минг сўм) белгилашни таклиф қилмоқда.
Тижорат банклари 18 апрель куни аҳолидан 1 АҚШ долларини 11 385 — 11 430 сўмдан сотиб олмоқда, сотиш курси эса 11 450 — 11 510 сўм.
Марказий банк аҳолидан чипталар, барча турдаги коммунал хизматлар, давлат божи ва бошқа хизматлар учун тўловларни амалга оширишда олинадиган комиссияларнинг энг юқори миқдорини белгилашни таклиф қилмоқда. 1 майдан комиссия тўловчидан эмас, балки тўлов суммасидан чегириб ташлаш йўли билан ундирилади.
Ўзбекистон президенти озиқ-овқат саноатини ривожлантириш бўйича таклифлар билан танишди. Жумладан, ҳудудларда сут йиғиш марказларини ташкил этиш, чорва молларини идентификация қилиш, паррандачилик хўжаликларига 35 млн доллар ажратиш, креветкани саноат усулида етиштириш режалаштирилмоқда.
Тижорат банклари 17 апрель куни аҳолидан 1 АҚШ долларини 11 370 — 11 430 сўмдан сотиб олмоқда, сотиш курси эса 11 370 — 11 500 сўм.
Ўзбекистонда помидор нархи бир ҳафтада 33 фоизга тушиб кетди (22 минг сўмгача) ва бу пасайиш тенденциясининг бошланиши ҳисобланади, демоқда EastFruit экспертлари. Ҳозирда қизил думалоқ помидор нархи ўтган йилгидан 16% га юқори бўлса, пушти помидор нархи 1,5 баробар юқорилигича қолмоқда.
Ўзбекистон энергетика вазири Жўрабек Мирзамаҳмудов ва Россия ҳукумати раҳбари ўринбосари Александр Новак Ўзбекистонга нефть ва нефть маҳсулотлари етказиб беришни кўпайтириш имкониятлари, шунингдек, «Росатом»нинг янги атом энергетикаси иншоотларини қуришда иштироки истиқболларини муҳокама қилди.
Сенат 2025 йилгача банкларнинг устав капиталини босқичма-босқич камида 500 млрд сўмгача оширишни назарда тутувчи ўзгартишларни маъқуллади. Акциядор ва якуний бенефициарлари офшор зонада жойлашган норезидентларга нисбатан талаблар ҳам юмшатилди. МБ раҳбари ўринбосари ўзгаришларга изоҳ берди.
«Келгуси уч йилда тайёр маҳсулот экспортини 2 баравар ошириш режа қилганмиз. Бунга эришишнинг бирдан бир йўли — Жаҳон савдо ташкилотига аъзо бўлиш. Бу 164 та давлат билан адолатли савдо тизимини йўлга қўйиш ва барқарор бозорларни яратиш имконини беради, — дея маълум қилди Шавкат Мирзиёев.
Россия ташқи ишлар вазири Сергей Лавров Ўзбекистонга ташрифи чоғида Ўзбекистон, Қозоғистон ва Россия газ иттифоқи лойиҳасини муҳокама қилишда «жумладан, президентлар даражасида фаол олға силжишганини» айтди.
Марказий банк аҳоли томонидан сезилган инфляция маълумотларини эълон қилишни қайта бошлади. Январь ойида бу кўрсаткич 19,5 фоизгача ўсган, бу пандемияси чўққисига чиққан 2020 йил июль ойидан бери энг юқори кўрсаткич. Аммо унда расмий инфляция билан фарқ камроқ бўлганди.
Жаҳон банки жамоат биноларининг энергия самарадорлигини ошириш ва «яшил» энергияга инвестицияларни жалб қилиш учун 143 млн доллар кредит ажратди. Шунингдек, ландшафтлар барқарорлигини ошириш ва ўрмонларни қайта тиклаш учун 142 млн доллар тақдим этди.
Президент фармони билан Ўзбекистонга цемент, фанера, қолип ва бошқа қурилиш материалларини олиб кириш 2025 йилгача божхона тўловларидан озод қилинди. Аввалроқ давлат раҳбари ушбу чора уй-жой қурилиши таннархини пасайтиришга қаратилгани ҳақида айтганди.
Картадан картага (p2p) пул ўтказмалари учун солиқ жорий этилгани ҳақида хабарлар Солиқ қўмитаси томонидан рад этилди.
Қўшимча имкониятларга эга булиш учун сайтда рўйхатдан ўтинг