Иқтисодиёт
Илк қуёш электростанциясини молиялаштириш бўйича шартномалар имзоланди
Ўзбекистон, Жаҳон банки, Masdar компанияси (БАА) ва Осиё тараққиёт банки 100 МВт кучга эга бўлган Ўзбекистондаги илк қуёш электростанциясини молиялаштириш бўйича кредит ва суғурта шартномаларини имзолашди. Навоидан 35 узоқликда жойлашадиган станция 2021 йилдан бошлаб «Миллий электр тармоқлари» га электр энергиясини етказиб беради.
Доллар курси кетма-кет саккизинчи ҳафта қимматламоқда
Долларнинг расмий курси 10 сўмга кўтарилди ва жами 10 473 сўм этиб белгиланди. Шунингдек, евро курси ҳам қимматлади, рубль эса бироз пасайди.
Давлат ташқи қарзлари захиралар билан деярли тенглашмоқда
2020 йилнинг тўққиз ойида Ўзбекистоннинг умумий ташқи қарзи Марказий банк маълумотларига кўра 29,3 млрд долларни ташкил этди. Давлат ташқи қарзининг асосий қисми Осиё тараққиёт банки (4,5 млрд доллар), Жаҳон банки (3,1 млрд доллар) ва Ислом тараққиёт банки (0,9 млрд. доллар) ҳиссасига тўғри келади.
Биткоин нархи илк бор 20 минг доллардан ошди
16 декабрь куни биткоин нархи илк бор 20 минг доллардан ошиб, BTC’нинг бозор қиймати 373,9 млрд долларга етди. Бундай ўсишга миллиардерлар ва йирик компанияларнинг крипто валютага сармоя киритгани сабаб бўлди.
11 ойда Ўзбекистонга 5,44 млрд доллар жўнатилди
Январь-ноябрь ойларида Ўзбекистонга пул ўтказмалар ҳажми ўтган йилга нисбатан 2 фоизга камайиб, 5,44 млрд долларни ташкил этди. Ушбу давр мобайнида пул ўтказмалари бўйича 4,36 млрд долларга тенг бўлган ижобий сальдо ўрнатилди.
Давлат мулкини қандай сотиш керак?
Ақлли ким ошди савдолари туфайли мулкни давлат тасарруфидан чиқариш давлат бюджети ва фуқаролар манфаатлари йўлида хизмат қилади. Тўғри ким ошди савдоларини қандай ўтказиш керак? Иқтисодчи Беҳзод Хошимов мақоласи.
Президент байрам олдидан нархлар қимматлашувининг олдини олишни буюрди
Президент Шавкат Мирзиёев байрамдан олдин гўшт, шакар, гуруч, ўсимлик ёғи нархини оширишга йўл қўймасликни буюрди. Бош вазирга ушбу маҳсулотлар захирасини тўлдириш топшириғи берилди.
Президент газ экспортини қисқартириб, аҳоли эҳтиёжларини қондиришга йўналтиришни буюрди
Бугунги кунда газ таъминотида суткасига 20 миллион метр куб танқислик мавжуд, дея таъкидлади президент. Шавкат Мирзиёев газ экспортини қисқартириш бўйича топшириқ бериб, бунинг ҳисобига, кунига 7−8 миллион метр куб газ қўшимча равишда аҳоли эҳтиёжи учун йўналтирилишини айтди.
Ўзбекистон олтин-валюта захиралари кетма-кет тўртинчи ой камаймоқда
Вакцина ҳақидаги янгиликлардан сўнг олтин нархи арзонлашни бошлаган. Бу эса Ўзбекистон олтин-валюта захираларига ҳам ўз таъсирини ўтказган. Ўзбекистоннинг расмий захира активлари 32,9 млрд долларни ташкил қилмоқда.
Chevrolet Tracker’нинг биринчи партияси Ўзбекистонга юборилди
Янги Chevrolet Tracker’нинг биринчи партияси Ўзбекистонга жўнатилди. Янги кроссовер 2019 йилда тақдим этилган бўлиб, шу вақтга қадар фақат Хитой ва Бразилияда сотилаётган эди.
Почта бўлимларида банк ва давлат хизматлари кўрсатилиши йўлга қўйилади
Почта бўлимларида аҳолидан тўловларни қабул қилиш кенгайтирилиб, аутсорсинг асосида банк ва давлат хизматларини тақдим этиш йўлга қўйилади.
Хоразм ва Қорақалпоғистонни боғлайдиган авто ва темир йўл кўприги қурилади
Амударё бўйлаб Хоразм вилояти ва Қорақалпоғистонни боғлайдиган деярли 413 м узунликдаги автомобиль ва темир йўл кўприги қурилади. Шунингдек, Шовот туманидан Кораузоқ туманигача 79 километрлик темир йўл қурилади. Қурилишни январь ойида бошлаш режалаштирилган.
Долларнинг расмий курси кўтарилишда давом этмоқда
Долларнинг расмий курси 20 сўмга кўтарилди ва жами 10 463 сўм этиб белгиланди. Шунингдек, рубль ва евро курслари ҳам бироз ошди.
Ўзбекистон давлат ташқи қарзи йил бошига нисбатан 18% га ошган
Молия вазирлигининг маълум қилишича, Ўзбекистон давлат ташқи қарзи 2,8 млрд долларга ёки йил бошига нисбатан 18 фоизга ошиб, 1 октябрь ҳолатига 18,5 млрд долларга ёки ЯИМга нисбатан 32,8 фоизга етган. Давлат ички қарзи эса дастлабки ҳисоб-китобларга кўра 23,6 трлн сўмни (2,3 млрд доллар) ёки ЯИМга нисбатан 4 фоизни ташкил этди.
Франция компанияси билан биргаликда 8 та астрологистика маркази ташкил этилади
Франциянинг Rungis Semmaris компанияси Қишлоқ хўжалиги вазирлигига маҳсулотларнинг улгуржи савдоси бўйича Ўзбекистонда саккизта йирик агрологик марказлар тармоғини яратиш ва бошқаришни йўлга қўйишда ёрдам беради. Улар мамлакатнинг йирик шаҳарлари атрофида қурилади. Марказлар орасида энг ихчамининг майдони 10 гектарни ташкил қилади.
«Ўзэлтехсаноат» «Фотон»нинг давлат акциялари пакетини Россия инвесторларига таклиф қилди
«Ўзэлтехсаноат» уюшмаси раисининг биринчи ўринбосари Мансур Ҳошимов россиялик инвесторларга «Фотон»нинг 85,15 фоиз акциялар пакетини таклиф қилди. Шунингдек, у Ўзбекистонда электроника ва электротехника соҳасида ривожланиш стратегиясини биргаликда ишлаб чиқиш, телеком-ускуналар, маиший ва саноат роботларини яратишни йўлга қўйиш бўйича янги ишлаб чиқаришларни ташкил этиш таклифини илгари сурди.
ОТБ ривожланаётган мамлакатлар иқтисодиётининг ўсиш прогнозини яхшилади
Осиё тараққиёт банки бу йил минтақадаги ривожланаётган мамлакатлар учун иқтисодий ўсиш прогнозларини -0,7% дан -0,4% гача яхшилади. Марказий Осиё ЯИМининг прогнози 2020 йилда 2,1% даражасида сақланиб қолинади.
Россия Қашқадарёдан помидор ва қалампир олиб киришга таъқиқ қўйди
Россельхознадзор Қашқадарё ва Навоий вилоятларидан помидор ва қалампир олиб киришни таъқиқлади. Бунга сабаб маҳсулотларда уруғли жигарранг буришган вирус аниқланганлиги айтилмоқда. Бундан ташқари, Россия Озарбайжон, Туркиянинг Анталья ва Измир провинциялари ҳамда Арманистоннинг Армавир вилоятидан помидор олиб киришни таъқиқлаган.
Ўзбекистон ва Қирғизистон 50 млн долларлик капиталга эга инвестицион жамғарма тузади
Фарғона шаҳрида бўлиб ўтган Қирғизистон ва Ўзбекистон вакиллари ўртасидаги учрашувда томонлар устав капитали 50 млн долларга тенг бўлган қирғиз-ўзбек инвестицион жамғармасини ташкил қилишга келишиб олишди.
Россия Фарғона вилоятидан барча ўсимлик маҳсулотларини олиб киришни тақиқлади
Россиянинг ветеринария ва фитосанитария назорати бўйича федерал хизмати қуритилган ўрик партиясида капр қўнғизи топилгани сабабли Фарғона вилоятидан барча ўсимлик маҳсулотларини олиб киришни тақиқлади. Аввалроқ «Ўздавкарантин» томонлар чекловлар қўймаслик тўғрисида келишиб олганини маълум қилган эди.
Энг кўп ўқилган хабарлар | Сўнгги янгиликлар
Қўшимча имкониятларга эга булиш учун сайтда рўйхатдан ўтинг