Марказий банк 15 ноябрь кунги АҚШ долларининг расмий курсини 11 190,06 сўм этиб белгилади. Тижорат банклари ҳам долларнинг сотиш ва сотиб олиш бўйича янги қийматини эълон қилди.
Венгриянинг «ОТP Bank»и «Ипотека-банк»даги 75% давлат улушини хусусийлаштириш бўйича музокаралар қайта тикланганини маълум қилди. Апрель ойида венгрия томон Украинадаги уруш ортидан кўрган зарари туфайли Ўзбекистон ҳукуматидан ипотека тўловларини бироз муддатга кечиктиришни сўраган эди.
Тошкент вилоятидаги Ангрен иссиқлик электр станциясида 13 ноябрь, якшанба куни «носозлик» юз берди. Энергетика вазирлигидан маълум қилишларича, ҳозирда Ангрен шаҳрига электр энергияси барқарор етказиб берилмоқда, қисқа вақт ичида иссиқлик энергияси етказиб берилиши ҳам қайта тикланиши кутилмоқда.
Бир қатор ҳудудларда электр таъминотида узилишлар кузатилмоқда. Расмийларга кўра, бунга ИЭСларга етказиб берилаётган газнинг камайгани сабаб бўлган. Марказий Осиё энерготизимида Ўзбекистон айби билан авария содир бўлмаслиги учун ҳудудий электр корхоналаридан энергия истеъмолини қисқартириш сўралган.
2023 йилнинг май ойидан юридик шахслар ва ЯТТларга масофавий ҳисобварақ очишга рухсат берилади. Шунингдек, корхоналар электр энергияси, газ ва бошқа коммунал хизматларни етказиб бериш бўйича шартномаларни электрон шаклда расмийлаштириши мумкин бўлади.
2023 йилдан бошлаб Ўзбекистонда 9 турдаги статистик ҳисоботлар, жумладан, меҳнат ҳолати, ходимлар сонини ҳисобланган иш ҳақи миқдори бўйича тақсимлаш, мева-сабзавот харид қилиш ва бошқалар тўғрисидаги ҳисоботлар бекор қилинди (рўйхат).
Юридик шахслар жисмоний шахсларнинг иш ҳақи ва бошқа даромадлари тўғрисидаги архив ҳужжатларни, шунингдек, молиявий, солиқ ва статистик ҳисоботларни сақлаш ва архивга топшириш мажбуриятидан озод этилди. Ўзгартириш 2022 йил 1 январь ва ундан кейин чиқарилган ҳужжатларга таъсир қилади.
Ўзбекистон Туркий давлатлар ташкилоти доирасида «Янги иқтисодий имкониятлар ҳудуди»ни барпо этиш таклифини илгари сурди. Шавкат Мирзиёев ташкилотнинг Самарқанддаги саммитида нутқ сўзлаб, долзарб замонавий муаммоларни ҳал қилишда умумий ёндашувларни аниқлашга чақирди.
Марказий банк 11 ноябрь кунги долларнинг расмий курсини 11 194,86 сўм этиб белгилади. Шунга кўра, тижорат банклари ҳам долларнинг сотиш ва сотиб олиш бўйича янги қийматини эълон қилди.
Давактив агентлиги «Пойтахт қурилиш ва хизмат» корхонасининг 100% улуши бўлган Hyatt Regency Tashkent меҳмонхонаси $87 млн эвазига хусусийлаштирилганини маълум қилди. Харидор Abu Dhabi Uzbek Investment ҚК бўлиб, у объектни ривожлантириш учун қўшимча $12 млн сармоя киритиш мажбуриятини олди.
Ўзбекистон-Венгрия бизнес форумида нутқ сўзлаган бош вазир ўринбосари Жамшид Ходжаев ўзаро ҳамкорликнинг муҳим олти йўналишига тўхталиб ўтди. «Сизларнинг бугунги барча келишувларингиз алоҳида назоратга олинишини ва ҳар томонлама қўллаб-қувватланишига кафолат бераман», — деди у.
1 январдан бошлаб хорижликларга айрим товарларни харид қилишда тўланган ҚҚС суммаларини қайтаришнинг Tax Free тизими жорий этилади. Тизим Тошкент, Самарқанд, Бухоро, Фарғона ва Урганч аэропортларида тадбиқ этилади. 2024 йилдан эса босқичма-босқич барча чегара ўтказиш пунктларида йўлга қўйилади.
1 АҚШ долларининг расмий курси 11 169,39 сўм этиб белгиланди. Тижорат банклари ҳам долларнинг сотиш ва сотиб олиш бўйича янги қийматини эълон қилди.
Тошкентнинг I ярим йилликдаги бюджет харажатлари таҳлилига кўра, ҳокимлик таълим ва соғлиқни сақлаш соҳалари, жумладан, мактаб, болалар боғчаси ва шифохоналарни таъмирлашга белгиланганидан кам маблағ ажратган. Шу билан бирга, ободонлаштириш, қурилиш ва «бошқа харажатлар» миқдори кескин ошган.
Ўзбекистонда 2023 йилдан «Тартибга солиш қумдони» махсус ҳуқуқий режими жорий этилади. Унинг доирасида тадбиркорлар интеллектуал фаолият натижаларини назорат қилинадиган муҳитда синаб кўришлари мумкин бўлади.
Президент тадбиркорлик фаолиятини давлат томонидан тартибга солишни чекловчи, унинг чегараларини белгиловчи фармонни имзолади. Тадбиркорлик субъектлари учун тартибга солиш юкини камайтириш бўйича бош вазир ўринбосари Жамшид Ходжаев бошчилигида ишчи гуруҳ тузилди.
Россиянинг Wildberries маркетплейси Тошкентда Ўзбекистондан тайёр маҳсулотлар — тўқимачилик, чарм, қурилиш материаллари ва электр жиҳозларини сотиш бўйича тўлақонли логистика мажмуасини ташкил қилади. Лойиҳа қиймати 130 млн долларга тенг.
Ўзбекистон Европа Иттифоқидан Алишер Усмоновга нисбатан жорий этилган санкцияларни бекор қилишни сўради. Financial Times’нинг ёзишича, Ўзбекистон томони бу илтимосни амалдаги чекловлар миллиардернинг мамлакат иқтисодиётига инвестициялар киритишига халал бераётгани билан изоҳлаган.
Лицензияси бекор қилинган «Туркистонбанк» бир гуруҳ омонатчиларнинг маблағларини субординар қарз сифатида расмийлаштириши оқибатида, камида 59 киши ўзига тегишли 57 млрд сўм маблағларни қайтариб ололмаяпти. Марказий банк мижозлар мурожаатини кўриб чиқиш жараёнини назоратга олди.
Президент қарори билан МЧЖнинг таъсис шартномасини давлат рўйхатидан ўтказиш ва уларда ички аудитни ташкил этиш бекор қилинади. 2023 йил 1 мартдан унитар корхона ёки қўшимча масъулиятли жамият шаклида юридик шахс ташкил этиш тўхтатилади.
Қўшимча имкониятларга эга булиш учун сайтда рўйхатдан ўтинг