Кредитлаш ҳисобига Ўзбекистон иқтисодиётининг юқори ўсиш суръатлари активлар сифатининг ёмонлашуви ва банкларнинг ташқи молиялаштириш манбаларига қарамлигининг кучайиши каби рискларни келтириб чиқариши мумкин, дейилади Fitch Ratings агентлиги ҳисоботида.
Ўзбекистонга Беларус ва Украинадан импорт қилинадиган гўштни етказиб бериш кечикмоқда. Бу кўплаб юклар учун транзит йўлаги ҳисобланган Қозоғистондаги инқироз билан боғлиқ. «Газета.uz» билан суҳбатда бўлган уч тадбиркор етказиб беришдаги узилишлар нархларга ҳам таъсир кўрсатиши мумкинлигини таъкидлади.
Ўзбекистонда бир ойда киши бошига минимал истеъмол харажатлари 13,2 фоизга ошиб, 498 минг сўмни ташкил этди. Минимал истеъмол харажатларининг оширилиши натижасида айрим турдаги пенсия ва нафақалар миқдорлари ҳам камида шу суммага етказилиши кутилмоқда.
Ўзбекистонда январь ойи бошидан бери 10 мингдан ортиқ истеъмолчи 100 мингга яқин харид чекини кэшбек учун рўйхатдан ўтказди. Фуқароларда йиғилган кешбэк суммаси эса 941 млн сўмни ташкил қилмоқда.
Шанба куни эрталабки биржа сессияси якунларига мувофиқ, АИ-80 маркали бензиннинг нархи 6,3 фоизга пасайиб, бир тонна учун — 7,47 млн сўмни ташкил қилди.
Қозоғистон — Ўзбекистоннинг учинчи рақамли йирик савдо ҳамкори ҳисобланади. Қўшни мамлакатдан катта ҳажмда нефть маҳсулотлари, дон, чўян, пўлат ва бошқа товарлар импорт қилинади. Шунингдек, Ўзбекистон учун Қозоғистон автомобиль, мева-сабзавот ва бошқа маҳсулотлар экспорти учун муҳим бозор ҳисобланади. «Газета.uz» икки давлат ўртасидаги савдо-иқтисодий алоқалар қандай тузилганини ўрганиб чиқди.
Ўзбекистон Марказий банки ноябрь ойида дунёнинг бошқа мамлакатларига қараганда кўпроқ — 21,5 тонна олтин сотди.
Иқтисодий тараққиёт ва камбағалликни қисқартириш вазирлиги тухум экспортига нисбатан чеклов ҳақиқатда жорий қилинганлигини маълум қилди ва буни вақтинчалик чора деб атади. Вазирлик маълумотига кўра, 2021 йилнинг сентябрь-декабрь ойларида тухум нархи 19,6 фоизга, айрим ҳудудларда 20−22 фоизгача ўсган. Аввалроқ Ветеринария қўмитаси тухум экспорти чекланганлиги тўғрисидаги хабарни рад этган эди.
1 январдан Навоий кон-металлургия комбинати учтага — акциядорлик жамияти ва иккита давлат корхонасига бўлинди.
Ўзбекистон COVID-19 пандемияси бошидан бери тўхтатилган Россияга табиий газ экспортини қайта тиклашни режа қилмаяпти. Ҳозирча газ Хитойга етказиб берилмоқда. Аввалроқ, 2025 йилга бориб табиий газ экспорти тўлиқ тўхтатилиши маълум қилинганди.
Ҳукумат озиқ-овқат хавфсизлигини таъминлаш мақсадида 1 апрелга қадар товуқ тухуми экспортига тақиқ ўрнатди. Айрим тадбиркорлар ишлаб чиқариш ҳажмини қисқартиришга, айримлари эса маҳсулотни таннархида сотишига тўғри келмоқда. Ветеринария ва чорвачиликни ривожлантириш давлат қўмитаси Ўзбекистонда тухум экспортига тақиқ жорий қилинмаганини таъкидламоқда.
Президент қарори билан беш турдаги товарлар, жумладан, гўшт, ёғ, ун, совун ва бошқаларни олиб кириш учун божхона тўловлари ставкалари бекор қилинди. Ҳозирда ушбу товарлар учун ставкалар 5% дан 20% гачани ташкил этади.
2022 йилда ҳунармандчилик лойиҳаларини молиялаштиришга 500 млрд сўм йўналтирилади. Шундан келиб чиқиб, ҳунармандларга оилавий тадбиркорликни ривожлантириш дастурлари доирасида 6 ойгача имтиёзли давр билан 225 млн сўмгача кредит берилади. Улар маблағларни нақд пул кўринишида олиши ҳам мумкин.
Қозоғистондаги намойишлар ва тартибсизликлар фонида биткоин нархи 43 минг доллардан тушиб кетди. Қозоғистон биткоин майнинги бўйича дунёда АҚШдан кейин иккинчи ўринда туради, мамлакат 18% криптовалюта майнингини таъминлайди. Ҳозирда мамлакатдаги майнерлар ишида чекловлар кузатилмоқда.
Долларнинг сўмга нисбатан расмий курси 7,67 сўмга пасайиб, 10 812 сўм этиб белгиланди. Шунингдек, евро ва рубль курслари ҳам пасайди.
2022 йил 1 январдан бошлаб бинолар ёки автомашинани ижарага берувчи жисмоний шахслар учун ижара тўловининг энг кам ставкалари оширилди. Халқ депутатлари Кенгашлари ставкаларига ошириш коэффициентларини қўллаш ҳуқуқини сақлаб қолди.
Бухоро вилоятида янги 270 МВт қувватга эга газ поршенли ИЭСнинг биринчи энергия блоки ишга туширилди. ИЭС Туркиянинг Aksa Enerji компанияси томонидан ДХШ асосида қурилган.
2021 йилнинг январь-ноябрь ойларида Ўзбекистонга 308,4 млн литр автомобиль бензини импорт қилинган. Ушбу кўрсаткич 2020 йилнинг мос даврига нисбатан 112 млн литрга ёки 36,3 фоизга ошган.
Солиқ кодексига киритилган ўзгартишлар билан тамаки ва алкоголли маҳсулотлар учун янги ставкалар белгиланди, юридик шахсларнинг мол-мулкига солинадиган солиқ 2 фоиздан 1,5 фоизга туширилди. Талабаларга ижарага берилган уй-жойлардан олинган даромадлар эндиликда солиққа тортилмайди. Фойдали қазилмаларни қазиб олиш учун махсус рента солиғи жорий этилди.
Жаҳон банки 2021 йил бўйича берган шарҳида, пандемия фонида кечаётган глобал миқёсдаги нотекис иқтисодий тикланиш, вакциналардан фойдаланиш имкониятининг тенгсизлиги, даромад йўқотилишидаги фарқлар ва таълимдаги тафовутларни қайд этиб, ўтган йилни «тенгсизликлар пандемияси» деб атади. Банк маълумотларига кўра, пандемия сабаб дунё миқёсида ўта қашшоқликда кун кечираётган аҳоли сони қарийб 100 миллионга етган.
Қўшимча имкониятларга эга булиш учун сайтда рўйхатдан ўтинг