Иқтисодиёт
ФТА Ўзбекистонда чорвачиликни ривожлантиришга 100 млн евро қарз беради
Франция тараққиёт агентлиги 2022−2026 йилларда Ўзбекистонда чорвачилик соҳасини ривожлантиришни молиялаштириш мақсадида 100 млн евро қарз ажратади. Лойиҳанинг умумий қиймати 147,7 млн евро бўлиб, у дастлаб Қорақалпоғистон, Тошкент, Жиззах, Сирдарё, Қашқадарё, Самарқанд ва Бухоро вилоятларида, кейинчалик қолган ҳудудларда амалга оширилади.
100 ёш ва ундан ошганларнинг пенсиясига қўшимча пул тўланади
Ўзбекистонда 100 ёш ва ундан ошган фуқароларнинг нафақасига пенсияни ҳисоблашнинг базавий 100% миқдорида — 289 000 сўм қўшимча тўлов қилинади. 1 январь ҳолатига мамлакатда 570 нафар 100 ёш ва ундан ошган шахс истиқомат қилади.
Қозоғистон пул ўтказмаларининг қарийб 30 фоизи Ўзбекистонга тўғри келди
2021 йилнинг 11 ойи мобайнида Ўзбекистон Қозоғистондан 639 млн доллар қабул қилиб олган, 102 млн доллар маблағ эса қўшни мамлакатга жўнатилган. Шу тариқа Қозоғистон пул ўтказмаларининг қарийб 30 фоизи Ўзбекистон ҳисобига тўғри келмоқда.
Ўзбекистонда LOCHIN учувчисиз дрон ишлаб чиқарилди
Мудофаа саноати давлат қўмитаси тасарруфидаги марказ Ўзбекистонда илк учувчисиз дрон ишлаб чиқарди. LOCHIN аппарати — разведка қилиш, зарба бериш, реал вақт режимида кузатиш, маълумот олиш, артиллерия ўт очиш жараёнини бошқариш каби вазифаларни бажара олади. Қолаверса, қурилмадан қишлоқ хўжалигида ҳамда қўриқхоналарни, йўлларни, ижтимоий инфратузилма ва муҳим объектларни кузатишда фойдаланиш мумкин (видео).
2024 йил якунигача жисмоний шахсларнинг акциялардан олган дивидендлари солиқдан озод қилинади
Президент қарори билан 2022 йил 1 апрелдан 2024 йил 31 декабргача жисмоний шахсларнинг акциялардан олган дивидендлари даромад солиғидан озод қилинади. Норезидент юридик шахслар учун эса 5% ставкада фойда солиғи тадбиқ этилади.
Ulkan Mulk «Билдирсой» дам олиш масканини сотиб олди
Маҳаллий Ulkan Mulk компанияси «Билдирсой» дам олиш масканини канат йўли билан бирга 107 млрд сўмга сотиб олди. Харидорга дарахтларни кесишга жорий этилган мораторий талабларига риоя қилиш мажбурияти ҳам юклатилган.
Ҳалол ишлаган тадбиркорга солиқ юки камайиши керак — Шерзод Қудбиев
Давлат солиқ қўмитаси раиси Шерзод Қудбиев мол-мулк солиғининг 2 фоиздан 1,5 фоизга туширилиши ҳалол ишлаб келган тадбиркорлар манфаати учун хизмат қилишини таъкидлади. У айрим тадбиркорлар камроқ солиқ тўлаш учун объект нархини паст кўрсатгани, эндиликда улар ҳам белгиланган суммадан кам бўлмаган миқдорда солиқ тўлашларини таъкидлади.
Quadro IH DMCC «Пойтахт» бизнес маркази эгасига айланди
Бирлашган Араб Амирликларининг Quadro IH DMCC компанияси «Пойтахт» бизнес марказини сотиб олиш бўйича танловда ғолиб бўлди. Битим нархи — 164 млрд сўмни ташкил этди. Компания шунингдек, 6 млн доллардан кам бўлмаган миқдорда инвестиция киритиш мажбуриятини ҳам олган.
Хусусий тиббиёт муассасалари ҳам айланма, фойда ва ер солиғидан озод этилди
Солиқ кодексига киритилган ўзгаришларга кўра, тиббиёт муассасалари тиббий хизматларни (бундан косметологик хизматлар мустасно) реализация қилиш бўйича айланма солиқ солишдан озод қилинди. Қолаверса, тиббиёт муассасалари эгаллаб турган ерлар солиқ солинмайдиган ер участкалари рўйхатига киритилди, фойда солиғи эса 0% ставкада қўлланиши белгиланди.
«Малика» савдо мажмуасини Premium Prime Service қўлга киритди
Premium Prime Service компанияси оммавий савдо якунлари бўйича Тошкент шаҳридаги «Малика» савдо мажмуасини қўлга киритди. Инвесторга 100 млрд сўм сармоя киритиш ва 250 та янги иш ўрни яратиш мажбурияти ҳам юклатилган.
Ўзбекистонликлар харид чекини рўйхатдан ўтказиш орқали 7 млрд сўмдан ортиқ кешбэк йиғди
Давлат солиқ қўмитаси раиси Шерзод Қудбиев 17 кун ичида «Soliq» мобил иловасида қарийб 38 минг истеъмолчи харид чекларини рўйхатдан ўтказганини маълум қилди. Бу орқали ўзбекистонликлар 7 млрд 12 млн сўмдан кўпроқ кешбэкни қўлга киритган. Бундан ташқари, қўмита раҳбари харид чеки бермаётган табиркорлик субъектлари жаримага тортилишини эслатиб ўтди.
Долларнинг расмий курси яна пасайди
Долларнинг сўмга нисбатан расмий курси 15,00 сўмга пасайиб, 10 824,97 сўм этиб белгиланди. Шунингдек, евро ва рубль курслари ҳам пасайди.
«Малика» савдо мажмуаси, Пойтахт бизнес маркази ва Билдирсой оромгоҳи сотилди
«Малика» савдо мажмуаси — 125 млрд сўмга, Пойтахт бизнес маркази — 164 млрд сўмга, «Билдирсой оромгоҳи» канат йўли билан бирга — 107 млрд сўмга, қолаверса, «No'kis vinozavodi» АЖнинг 51% улуши — 17,5 млрд сўмга сотилди. Харидорларга белгиланган миқдорда инвестиция киритиш ҳамда дарахтларни кесишга жорий этилган мораторийга риоя қилиш талаби қўйилган.
UzAuto Motors акциялари биржада сотувга қўйилади
Президент қарорига асосан UzAuto Motors ва UzAuto Motors Powetrain жамиятларининг 100 фоиз акцияси фонд биржасида сотувга чиқарилади. Шунингдек, яна 6 та акциядорлик жамиятидаги давлат улуши сотувга қўйилиши режалаштирилмоқда.
Ўзбекистонга чартер рейсларни амалга оширувчиларга тўланадиган субсидия миқдори камайтирилди
Президент фармони билан 2022 йилда бошқа мамлакатлардан чартер рейсларни ташкил этувчи туристик компаниялар ва авиаташувчиларга ҳар бир хорижий сайёҳ учун тўланадиган компенсация миқдори камайтирилди.
Офшор компаниялар «Оҳангаронцэмент» заводидаги акциялари сотилишини эълон қилди
Кипрнинг Lamanka Enterprises Limited ҳамда Буюк Британиянинг Виржиния оролларидаги Giacinttar Limited компаниялари «Оҳангаронцэмент» заводидаги улушлари сотувга чиқарилганини маълум қилди. Акциялар пакети 1,88 трлн сўмга баҳоланмоқда.
2022 йилда маҳаллаларда камбағалликни қисқартириш учун жами 12,5 трлн сўмлик кредит ва субсидиялар ажратилади
Президент видеоселектор йиғилишида маҳаллалардаги ҳоким ёрдамчилари одамларни тадбиркорлик ва деҳқончиликка ўргатиш орқали уларни камбағалликдан чиқариши лозимлигини таъкидлади. Ушбу мақсадларга эса шу йилнинг ўзида 10 трлн сўм имтиёзли кредит ва 2,5 трлн сўм субсидия ажратилади, ҳар бир маҳаллага ўртача 1,3 млрд сўмдан тўғри келади.
Долларнинг расмий курси пасайди
Долларнинг сўмга нисбатан расмий курси 12,07 сўмга пасайиб, 10 839,97 сўм этиб белгиланди. Шунингдек, евро ва рубль курслари ҳам пасайди.
Тошкент вилоятида қуввати 240 МВт бўлган янги ИЭС фойдаланишга топширилди
Тошкент вилоятида Туркиянинг Aksa Enerji компанияси томонидан қурилган 240 МВт қувватли янги иссиқлик электр станцияси электр энергиясини етказиб беришни бошлади.
2021 йилда онлайн аукцион орқали қарийб 300 млрд сўмлик авторақамлар сотилди
Ўзбекистон республика товар-хом ашё биржасининг avtoraqam.uzex.uz вебсайтида 2021 йил давомида 298,8 млрд сўмлик 139,4 мингдан зиёд авторақамлар онлайн-аукционлар орқали сотилди. Авторақамларнинг 48 фоизи Тошкент шаҳри ва Тошкент вилоятида харид қилинган.
Энг кўп ўқилган хабарлар | Сўнгги янгиликлар
- Нега турар жой мажмуалари қурувчи ташкилотлар тақдим этган лойиҳага мос келмайди? Архитектор фикри
- «Вақт ўтиши билан прогрессив солиқ шкаласи ҳақида ўйлаш мумкин бўлади» — Cолиқ қўмитаси вакили
- «Шунақаси ҳам бўлган». Энергетика вазири — нефть ва газ саноатида инвесторлар билан шартномаларни қайта кўриб чиқиш ҳақида
- Ўзбекистон Афғонистондан 1 млн тоннадан ортиқ кўмир импорт қилишни режалаштирмоқда
Қўшимча имкониятларга эга булиш учун сайтда рўйхатдан ўтинг