Сиёсат

Сирдарё вилояти ҳокимига янги ўринбосар тайинланди

Бобур Худжамов Сирдарё вилояти ҳокимининг ўринбосари — инвестиция ва ташқи савдо бошқармаси бошлиғи лавозимига тайинланди.

Президент Ўзбекистонга ташриф буюрган БМТ Терроризмга қарши кураш бошқармаси раҳбарини қабул қилди

Президент ва БМТ Терроризмга қарши кураш бошқармаси раҳбари Тошкентда ёшларни экстремизм ва терроризм ғоялари таъсиридан ҳимоя қилиш бўйича қўшма чора-тадбирлар, шунингдек, ёш мутахассисларнинг ташкилот институтларида стажировка ўташини ташкил этиш масалаларини муҳокама қилди.

Иқтисодиёт

«Даромадларни декларациялаш тизимини жорий этишни тезлаштириш». ХВЖ миссияси Ўзбекистонга қатор тавсиялар берди

Халқаро валюта жамғармаси миссияси Ўзбекистон билан 2024 йилги маслаҳатлашув якунлари бўйича баёнотни эълон қилди. Миссия, жумладан, мамлакатга манфаатлар тўқнашуви тўғрисидаги қонунни қабул қилиш ва даромадларни декларациялашнинг самарали тизимини жорий қилишни тезлаштиришни тавсия қилди.

Йилнинг биринчи чорагида уй-жой нархлари қандай ўзгарди? Марказий банк шарҳи

Биринчи чоракда иккиламчи уй-жой нархлари ўсиши секинлашди, лекин бирламчи бозорда юқори ўсиш суръатлари сақланиб қолди, дея хабар берди Марказий банк. Мамлакат бўйлаб ижара нархи (долларда) бироз ошди (+1,4 фоиз), Тошкентда эса 9,2 фоизга пасайди. Пойтахтда ер нархи сотихига 364 млн сўмга етди.

Тожикистон шу ойда Марказий Осиё ягона энергетика тизимига қўшилади — Ўзбекистон энергетика вазири

Ўзбекистон энергетика вазири Жўрабек Мирзамаҳмудовнинг маълум қилишича, Тожикистон Марказий Осиё ягона энергетика тизимига май ойи охиригача қўшилиши кутилмоқда.

Термиз эркин савдо зонасида 15 кунлик визасиз режим жорий этилади

«Термиз халқаро савдо маркази» эркин савдо зонасида визасиз режим жорий этилади. Шунингдек, Афғонистон ва Покистон фуқароларига ҳудуд ичида дўкон ва бинолар сотиб олишга рухсат берилди. Савдода сўм билан бирга доллар, рубль, евро ва юань валюталарини қабул қилишга рухсат берилади.

Коммунал хизматлари нархлари кўтарилиши фонида ўзбекистонликларнинг инфляцион кутилмаси кескин ошди

Ўзбекистон аҳолисининг йиллик инфляцион кутилмаси коммунал хизматлар нархлари кўтарилишидан сўнг кескин ошди, дейилади Марказий банкнинг мартда ўтказган сўрови натижасида. Корхоналар ҳам бу омилни қайд этган, аммо улар валюта курси ўзгаришининг инфляцияга таъсиридан кўпроқ ташвишланмоқда.

Апрелда сезилган инфляция даражаси бироз тезлашди. Дорилар нархи ошганини қайд этганлар кескин кўпайди

Апрель ойида аҳоли томонидан сезилган инфляция даражаси ўтган ойга нисбатан бироз тезлашиб, 13,7 фоизни (+1 фоиз) ташкил этди. Респондентлар орасида дорилар ва тиббий хизматлар нархи кескин ошганини қайд этганлар сони сезиларли даражада кўпайди.

Президент Coca Cola компаниясининг истиқболли лойиҳаларини қўллаб-қувватлади

Президент Coca Cola компанияси раиси ва бош директори Жеймс Куинсини қабул қилди. Инвестициялар ҳажмини кенгайтириш, маҳсулот турларини кўпайтириш ва кадрлар тайёрлаш масалалари муҳокама қилинди. Чоршанба куни компания мамлакатдаги тўртинчи заводини очди. Бешинчиси келаси йили очилиши кутилмоқда.

«Термиз халқаро савдо маркази» ҳудудида тўловларни доллар, евро, юань ва рублда амалга оширишга рухсат берилди

Президент қарори билан «Термиз халқаро савдо маркази» эркин савдо зонасида улгуржи ва чакана савдо учун тўлов сифатида АҚШ доллари, евро, Россия рубли ва юань валюталарини қабул қилишга рухсат берилди.

Жамият

Ногиронлиги бўлган шахслар учун давлат хизматларидан фойдаланиш қанчалик имконли?

Мониторинг ДХМларнинг ногиронлиги бўлган шахсларга хизмат кўрсатишга шайлик даражаси турлича эканини кўрсатди. Нима учун бир шаҳарда давлат хизматлари турлича тақдим этилади? «Газетa.uz» колумнисти Дилмурод Юсупов ягона стандартларни жорий этиш орқали муаммони ҳал қилиш мумкин, деб ҳисоблайди.

Қашқадарёда отасининг тазйиқларига учраган қизларга холаси васий бўлди

Қашқадарёда отасининг зўравонлигига учраган 16 ва 14 ёшли қизларнинг вазияти болалар омбудсмани назоратига олинганди. Сурайё Раҳмонованинг маълум қилишича, Қарши шаҳри ҳокими қарори билан уларга холаси васий этиб тайинланган.

Тўққизта ҳудудда сел келиши кутилмоқда

Ўзбекистоннинг 9 та вилоятидаги тоғли жойларда 16−22 май кунлари сел-сув тошқини ҳодисалари юзага келиши мумкин. Ёмғир сувлари тўпланиши оқибатида ҳудудларни сув босиши эҳтимоли бор.

Сурхондарёда турар жой ва мактаб ҳудудига кирган айиқ отиб ўлдирилди

Сариосиё туманидаги маҳаллага келиб қолган айиқ отиб ўлдирилди. Экология вазирлиги ҳайвон ИИБ ходимига жароҳат етказгани, мактабга кириб, ўқувчилар ҳаётига хавф солгани учун «тезкор чора кўриш талаб қилинганини» билдирди.

Хоразмда 17 ёшли йигит 5-қаватдан тушиб кетди

Урганч шаҳрида 17 ёшли йигит 5-қаватдан автомашина устига қулади. Жабрланувчи шифохонага ётқизилди. Ҳодиса сабаблари аниқланмоқда.

Фарғонада 200 долларга қалбаки ҳайдовчилик гувоҳномасини ясаб берган шахслар ушланди

Олтиариқ туманида 200 АҚШ доллари эвазига қалбаки ҳайдовчилик гувоҳномаси ясаб берган шахслар қўлга олинди. Уларга нисбатан жиноят иши қўзғатилди.

ЯИДХП ногиронлиги борлар учун порталдан фойдаланиш имконини яхшилаш мақсадида сўровнома ўтказмоқда

Ягона интерактив давлат хизматлари портали ишлаб чиқувчилари ногиронлиги бўлган шахслар учун қўшимча қулайликлар яратиш мақсадида сўровнома ўтказмоқда.

Фарғонадаги «заправка»да 3,6 млрд сўмлик электрдан ноқонуний фойдаланилгани аниқланди

Риштон туманидаги автомобилларга газ қуйиш шохобчаси компрессор агрегатларига ноқонуний уланиб, 2,7 млн кВт соат электр энергиясини ишлатгани маълум бўлди. Бу 3,6 млрд сўмга тенг. Ҳолат юзасидан жиноят иши қўзғатилди.

Фарғонада диний экстремистик оқим аъзоси 12 йилга қамалди

Олтиариқ туманида «Ҳизб ат-таҳрир ал-исломий» диний экстремистик оқими аъзоси қўлга олинди. У Россиядан қайтиб, Telegram`даги турли гуруҳларда ақидапарастлик ғояларини тарқатиб келган. Бағдод тумани суди уни 12 йил муддатга озодликдан маҳрум этди.

Самарқандда хандақ қазилгани ортидан қўшни уй қулаб тушди (видео)

Самарқанд вилояти Пастдарғом туманидаги нотурар жойда хандақ қазилиши оқибатида қўшни уй қулаб тушди. Келтирилган зарар ёки жабрланиш ҳолатлари ҳақида маълумот берилмади.

Спорт

Шахмат: Нодирбек Абдусатторов Варшавадаги турнирда олтинчи ўринни эгаллади

Ўзбекистонлик гроссмейстер Нодирбек Абдусатторов Grand Chess Tour`нинг биринчи босқичи — Superbet Rapid & Blitz Poland 2024 турнирида олтинчи ўринни эгаллади ва 11 минг доллар мукофот пули олди. Ғолиб Магнус Карлсен бўлди.

Жаҳон

«Барча молдоваликлар каби яшайман» — Молдова президенти Майя Санду

Молдова президенти Майя Санду россиялик журналист Юрий Дуднинг «вДудь» лойиҳасига интервью берди. Суҳбат давомида Санду президентлик ҳаёти, Молдова коррупцияни енгишга ва Евроиттифоққа киришга қандай уринаётгани, Украинадаги уруш, Россия билан муносабатлар, цензура ҳақида фикр билдирди.

Венесуэла барча музликларини йўқотган илк давлатлардан бири бўлди

Венесуэла замонавий тарихда барча музликларини йўқотган биринчи давлатлардан бири бўлди. Иқлим ўзгариши туфайли унинг охирги музлиги — Ла Корона кутилганидан тезроқ эриб, муз майдонига айланиб қолди.

Словакия бош вазири Роберт Фицога суиқасд уюштирилди

Словакия бош вазири Роберт Фицонинг ҳаётига суиқасд уюштирилди — унга ҳукумат мажлисидан чиққан пайти ўқ узилди. Сиёсатчининг аҳволи оғир, ҳужумчи қўлга олинди.

Яқин ойлар Украинадаги урушда ҳал қилувчи бўлиши мумкин — NYT

Оқ уй Россия Украинадаги уруш траекториясини ўзгартириш учун куч олаётганидан хавотирда. Улар яқин ойлар томонлар учун ҳал қилувчи бўлиши мумкинлигини кутмоқда, деб ёзди New York Times.

Бизни ўқиётганингиз учун раҳмат!