«ukraina» tegli maqolalar
Rossiya Ukraina energetika obyektlariga keng miqyosli zarbalar berdi
Rossiya armiyasi Ukraina hududiga yuzdan ortiq raketa va dronlar uchirdi, asosiy zarba energetika obyektlariga berildi. Ukraina prezidenti Vladimir Zelenskiy hujumni urush davridagi eng yirik hujumlardan biri deb atadi va mamlakat energetika sektoriga “katta zarar yetkazilganini” ta’kidladi.
Ukraina va Rossiyaning Kursk viloyati chegarasida janglar bo‘lmoqda. Nimalar ma’lum?
Ukraina qo‘shinlari 6-avgust kuni ertalab Rossiyaning Kursk viloyatiga kirdi va, ehtimol, 10 kilometr oldinga siljidi. Rossiya Mudofaa vazirligi yurish to‘xtatilganini ma’lum qildi. Vladimir Zelenskiy esa “Rossiyaga qanchalik ko‘p bosim o‘tkazilsa, tinchlik shunchalik yaqin bo‘lishini” aytdi.
Polshada O‘zbekiston fuqarosi ukrainalik o‘smirlarga hujum qilmagan, o‘zini himoya qilgan — elchixona
O‘zbekiston fuqarosi Polshada 15 yoshli ukrainalik o‘smirlarga hujum qilgani yo‘q, u o‘zini himoya qilgan, deya xabar qildi O‘zbekistonning Varshavadagi elchixonasi. Yigit firibgarlar unga bosqinchilik uyushtirganini aytdi. Fuqaroga nisbatan qamoqqa olish tarzidagi ehtiyot chorasi bekor qilindi.
YI Ukraina va Moldova bilan a’zolik bo‘yicha muzokaralarni boshladi
Yevropa Ittifoqi Ukraina va Moldovaning ittifoqqa qo‘shilishi bo‘yicha rasmiy muzokaralarni boshladi. “Oldindagi yo‘l oson bo‘lmaydi. Ammo u ulkan imkoniyatlarga ham to‘la”, — dedi Yevrokomissiya rahbari Ursula fon der Lyayen.
Rossiya Ukrainaga urushda yetkazilgan zarar uchun 486 mlrd dollar to‘lashi kerak — G7 yetakchilari
G7 mamlakatlari yetakchilari Rossiya urushni to‘xtatishi va Ukrainaga yetkazilgan 486 mlrd dollarlik zararni qoplashi kerakligi haqida bayonot berdi. Shuningdek, ular yadroviy, kimyoviy, biologik yoki radiologik qurollardan istalgan ko‘rinishda foydalanish jiddiy oqibatlarga olib kelishidan ogohlantirdi.
AQSh va Ukraina 10 yillik xavfsizlik shartnomasini imzoladi
AQSh va Ukraina prezidentlari Jo Bayden va Vladimir Zelenskiy G7 sammiti doirasida ikki tomonlama xavfsizlik shartnomasini imzoladi. U 10 yilga mo‘ljallangan va Ukrainaning NATOga a’zo bo‘lishida “ko‘prik” sifatida ko‘rilmoqda.
AQShning manfaatlari Ukraina va Isroilnikidan farq qiladi — NYT
AQSh Ukraina va Isroilni “qancha kerak bo‘lsa, shuncha” qo‘llab-quvvatlashga va’da bergan, biroq ular aralashgan mojarolar keskin nuqtaga yetgani sababli uch davlatning milliy manfaatlari bir-biridan farq qilmoqda, deb yozmoqda New York Times.
AQSh va Ukraina xavfsizlik shartnomasini imzolashga yaqin — FT
AQSh va Ukraina iyun oyida Italiyada bo‘lib o‘tadigan G7 sammiti doirasida xavfsizlik bo‘yicha ikki tomonlama bitim imzolashi kutilmoqda. Bu Kiyevning NATO davlatlari bilan tuzgan ikki tomonlama kelishuvlari ichida eng muhimiga aylanadi, deb yozmoqda Financial Times.
Ukraina havo hujumidan mudofaa kuchlarining samaradorligi keskin pasaydi — WSJ
O‘tgan oyda Ukraina havo mudofaasi kuchlari Rossiya tomonidan uchirilgan raketalarning atigi 30 foizini urib tushirdi, deb yozdi The Wall Street Journal. Ko‘rsatkich so‘nggi yarim yilda 46 foiz, undan avvalgi mos davrda 73 foiz bo‘lgan. Nashr mamlakatda Patriot tizimi uchun o‘q-dorilar tugayotganini qayd etdi.
Rossiya IIV Zelenskiyni qidiruvga berdi
Rossiya Ichki ishlar vazirligi Ukraina prezidenti Vladimir Zelenskiyni qidiruvga bergani ma’lum bo‘ldi. Uning qachondan beri qidiruvdaligi va qanday jinoyatda ayblanayotgani noma’lum. Shuningdek, Ukrainaning sobiq prezidenti Pyotr Poroshenko ham qidiruvga berilgan.
AQSh Kongressi nihoyat Ukraina, Isroil va Tayvan uchun yordam paketlarini tasdiqladi. Asosiy ma’lumotlar
AQSh Senati Vakillar palatasidan so‘ng Ukraina, Isroil va Tayvanga 95 mlrd dollarlik yordam ajratish to‘g‘risidagi qonun loyihasini ma’qulladi. Loyiha yuzasidan kelishib olishga salkam olti oy vaqt ketdi. Prezident Bayden hujjatni darhol imzolashga va’da berdi.
Kiyevda urushdan zarar ko‘rgan Ukraina korxonalarini O‘zbekistonga ko‘chirish bo‘yicha takliflar muhokama qilindi
Kiyev shahrida O‘zbekiston tomonidan tadbirkor Zafar Hoshimov raisligida O‘zbekiston-Ukraina biznes kengashining yig‘ilishi bo‘lib o‘tdi. Unda ikki davlat ishbilarmon doiralarining o‘zaro hamkorligi, urushdan jabr ko‘rgan Ukraina korxonalarini O‘zbekistonga ko‘chirish bo‘yicha takliflar muhokama qilindi.
“Hech kim tinchlikni Ukrainachalik xohlayotgani yo‘q. Ammo muammo bizda emas” — Ukrainaning Toshkentdagi elchisi
Ukraina elchisi Nikolay Doroshenko mamlakatning Rossiya bosqiniga ko‘rsatgan 2 yillik qarshiligini sarhisob qildi. U Rossiyada “sun’iy ravishda yaratilgan davlat” haqidagi ritorika faqat uning davlatiga qaratilmaganini ta’kidladi. “Rossiyaning agressiv rejalari Ukrainadan ancha uzoqqa cho‘ziladi”, dedi u.
Ukraina elchisi — xavfli va xavfsiz mehnat migratsiyasi, gumanitar loyihalar va O‘zbekiston bilan siyosiy muloqotni qayta tiklash haqida
Ukraina elchisi Nikolay Doroshenko O‘zbekiston bilan 2024-yilgi hamkorlik haqida gapirdi. Mamlakatlar iqtisodiy “yo‘l xaritasi”ni shakllantirish niyatida, Toshkentda Ukraina farmatsevtika kompaniyalari loyihalari davom etmoqda, Kiyevda esa ukrainalik rassomlarning O‘zbekiston haqidagi suratlari namoyish etiladi.
AQSh Senati Ukraina, Tayvan va Isroilga yordam ko‘rsatish to‘g‘risidagi qonun loyihasini ma’qulladi
AQSh Senati Ukraina, Tayvan va Isroilga 95 milliard dollarlik yordam ko‘rsatish to‘g‘risidagi qonun loyihasini qo‘llab-quvvatladi. Hujjat endi respublikachilar nazoratidagi Vakillar palatasi tomonidan ko‘rib chiqiladi. Palata spikeri Mayk Jonson allaqachon loyihani ovozga qo‘ymasligini aytib ulgurdi.
Yevropa Ittifoqi Ukrainaga 50 mlrd yevrolik yordam paketi berishga kelishib oldi
Yevropa Ittifoqining barcha 27 davlati Ukrainaga 50 mlrd yevro miqdoridagi yordam paketini berishga rozi bo‘ldi. “Biz nima xavf ostida turganini bilamiz”, — dedi Yevrokengash rahbari Sharl Mishel. Avvalroq Vengriya bosh vaziri Viktor Orban paketga qarshi chiqqan edi, biroq YeI u bilan murosaga erisha oldi.
Belgorodda asirlarni olib ketayotgan Il-76 harbiy samolyoti qulab tushdi. Asosiy ma’lumotlar
Belgorod viloyatida Rossiyaning Il-76 harbiy samolyoti qulab tushdi. Uning bortidagi 74 kishi, xususan, almashish uchun olib ketilayotgan 65 nafar ukrainalik harbiy halok bo‘lgani aytilmoqda. Rossiya holatni terakt deb atadi va bunda Ukrainani ayblamoqda. Zelenskiy esa xalqaro tergov o‘tkazishni talab qildi.
Yevroittifoq Ukraina uchun 20 mlrd yevrodan ortiq yangi harbiy yordam fondi yaratishni reja qilmoqda
Yevropa Ittifoqi Ukrainaga harbiy yordam bo‘yicha yangi rejani ko‘rib chiqadi. Buning uchun maxsus fond tashkil etilishi, unga Yevropa tinchlik fondidan 6,5 mlrd yevro ajratilishi, 2024−2027-yillarda esa yiliga 5 mlrd yevrodan o‘tkazib borilishi rejalashtirilmoqda.
Ukraina va Britaniya xavfsizlik bitimini imzoladi
Buyuk Britaniya G7 davlatlaridan birinchi bo‘lib Ukraina bilan xavfsizlik bo‘yicha bitim tuzdi. Britaniyaning ushbu hujjatda keltirilgan majburiyatlari Ukraina NATOga qo‘shilguncha o‘z kuchida qoladi, dedi Ukraina prezidenti.
Ukraina Rossiyaning Belgorod shahriga zarba berdi. Asosiy ma’lumotlar
Rossiyaning Belgorod shahri markazi Ukraina tomonidan o‘qqa tutildi, 20 dan ortiq odam halok bo‘ldi, 100 dan ortiq kishi jarohatlandi. Ukraina OAV buni bir kun avval Rossiyaning Ukraina shaharlariga bergan yirik raketa zarbasiga javob deya izohladi. BMT har ikki tomonga qilingan hujumlarni qoraladi.
Eng ko‘p o‘qilgan xabarlar | So‘nggi yangiliklar
- Paralimpiya o‘yinlari: 8-kunda O‘zbekistondan 9 nafar sportchi qatnashadi
- Futbol bo‘yicha JCh-2026 saralashi: O‘zbekiston Shimoliy Koreyani mag‘lub etdi
- “Vodorod sulfid chiqishda davom etmoqda, ko‘pchilik uyini vaqtinchaga tark etdi”. Aholi — Surxondaryodagi gaz konidagi vaziyat haqida
- Toshkent viloyatining Sirdaryo va Namangan viloyatlari bilan chegarasiga o‘zgartirish kiritilmoqda
- Toshkentdagi musiqa festivalida ommaviy janjal yuz berdi (video)
Qo‘shimcha imkoniyatlarga ega bulish uchun saytda ro‘yxatdan o‘ting