«qaror loyihasi» tegli maqolalar
Toshkent viloyatida avariya holatidagi 23 ta “dom” buzilib, o‘rniga yangisi quriladi
Toshkent viloyatida avariya holatidagi 23 ta ko‘p kvartirali uy buzilib, o‘rniga yangisi qurilishi rejalashtirilmoqda. Yangi uylar bitgunga qadar xonadon egalari 11 oy tuman/shahar hokimligi va tashabbuskorlar mablag‘i hisobidan ijarada yashab turadi.
Mahallalarda sport maydonchalarini qurish vazifasi 13-sonli jazoni ijro etish muassasasiga berilishi mumkin
Sport infratuzilmasi rivojlanmagan mahallalarda sport maydonchalarini qurish vazifasi IIV huzuridagi Jazoni ijro etish departamenti 13-sonli jazoni ijro etish muassasasiga yuklatilishi mumkin. Bu bo‘yicha qaror loyihasi muhokamaga qo‘yildi.
Yashash joylaridan tashqaridagi yo‘llarda qoidabuzarlikni aniqlash uchun drondan foydalanilishi mumkin
O‘zbekistonda aholi punktlaridan tashqaridagi yo‘llarda qoidabuzarliklar, qidiruvdagi mashinalarni aniqlash uchun drondan foydalanish va uni saqlash bo‘yicha jahon tajribasini o‘rganish taklif qilindi. IIV va boshqa qator tashkilotlar uni o‘rganib, 1 oktabrgacha Vazirlar Mahkamasiga taklif kiritadi.
Davlat xizmatiga o‘tgan tadbirkorlar faoliyatini to‘xtatish bo‘yicha tartib ishlab chiqildi
Davlat xizmatiga qabul qilingan tadbirkorlar faoliyatini to‘xtatib turishning huquqiy asoslari yaratilmoqda. Bu bo‘yicha Adliya vazirligi tomonidan Vazirlar Mahkamasi qarori loyihasi ishlab chiqildi va jamoatchilik muhokamasiga qo‘yildi.
Hokim yordamchilarini OTMga qabul qilish suhbat asosida bo‘lishi mumkin
Iqtisodiy taraqqiyot va kambag‘allikni qisqartirish vazirligi ishlab chiqqan Vazirlar Mahkamasi qarori loyihasiga ko‘ra, oliy ma’lumotga ega bo‘lmagan hokim yordamchilari suhbat asosida OTMga qabul qilinishi mumkin.
Bir qator tovarlarni olib kirishdagi miqdoriy cheklovlarni bekor qilish taklif etilmoqda
Maishiy, oshxona va kompyuter uskunalari bo‘lmagan tovarlar uchun muddat va miqdor bo‘yicha bojsiz import cheklovini bekor qilish taklif etilyapti (umumiy qiymati bo‘yicha esa cheklovlar saqlanib qoladi). Maqsad — jahondagi oziq-ovqat tanqisligi sharoitida aholini ijtimoiy ahamiyatga ega tovarlar bilan ta’minlash.
Hududlar uchun Damas o‘rniga 5000 ta avtobus va mikroavtobus sotib olish rejalashtirilmoqda — loyiha
Hududlarda jamoat transporti tizimini rivojlantirish uchun Transport vazirligi tomonidan 5000 ta avtobus va mikroavtobus sotib olish, 81 ta avtovokzal qurish va rekonstruksiya qilish hamda Damas mikrovenlaridan foydalanishdan voz kechish taklif etilmoqda.
1 iyuldan elektr energiya va gaz narxini «ijtimoiy norma» asosida oshirish taklif etilmoqda
1 iyuldan elektr energiya va gaz iste’moli uchun narxlarni «ijtimoiy norma» asosida belgilash kutilmoqda. Muhokamaga e’lon qilingan hukumat qarori loyihasiga ko‘ra, amaldagi narxlar oshadi. Shuningdek, belgilangan normadan ko‘proq ishlatganlar har bir qo‘shimcha kVt soat elektr energiya uchun — 2 baravar, har bir qo‘shimcha kub metr gaz uchun esa — 5 baravar miqdorida to‘lov qiladi. Narxlar 2024−2025 yillardan inflyatsiya darajasiga indeksatsiya qilinadi, 2026 yildan esa erkinlashtiriladi.
OTMga qabul uchun davlat buyurtmasini kamaytirish taklif etilmoqda
2022/2023 o‘quv yili uchun OTMlarga qabul kvotalarini belgilashga oid prezident qarori loyihasi jamoatchilik muhokamasiga qo‘yildi. Unga ko‘ra, davlat buyurtmasi sonini kamaytirish taklif etilmoqda. Xususan, bakalavrlarni tayyorlash uchun 110 278 nafar (2021 yilda — 157 755), magistrlarni tayyorlash uchun 11 082 nafar (2021 yilda — 12 900) talabaga o‘rin ajratish ko‘zda tutilmoqda. Moliyaviy mustaqillik berilgan 35 ta OTM esa to‘lov-kontrakt asosidagi kvotani o‘zi belgilaydi.
YPX xodimi suratini uning ruxsatisiz tarqatishni taqiqlash taklif etilmoqda
IIV YPX xodimining foto va videosini uning ruxsatisiz tarqatishni taqiqlashga oid taklif nazarda tutilgan Vazirlar Mahkamasi qarori loyihasini e’lon qildi. Jamoatchilik vakillari esa bunga qarshi munosabat bildirdi, jumladan, Davletovuz yozishicha, «bu yopiqlikka, orqaga tashlangan qadam». Nurbek Alimov esa bu bilan jamoatchilik nazorati yo‘qolishini ta’kidladi. Xushnudbek esa VMning bunday cheklov o‘rnatishga vakolati yo‘qligini eslatib o‘tdi.
Toshkent shahridagi avtobus bekatlari dizaynini o‘zgartirish taklif etilmoqda
Poytaxt hokimining qarori loyihasiga ko‘ra, shahardagi avtobus bekatlarini namunaviy dizayn asosida qayta qurish rejalashtirilmoqda. Unda nogironligi bo‘lgan shaxslar uchun maxsus pandus, 4G Wi-Fi, elektron tablo, kuzatuv kamerasi, chiqindi qutisi va LED ekran o‘rnatilishi ko‘zda tutilgan. Bekatlarni tadbirkorlarga vaqtincha foydalanishga berish ko‘zda tutilgan. Shu kabi takliflar 2020 yildan beri kiritiladi.
Xususiy sektorga valyuta ayirboshlash xizmatlarini ko‘rsatishga ruxsat berilishi mumkin
Monopoliyaga qarshi kurashish qo‘mitasi norasmiy valyuta operatsiyalarining oldini olish uchun xususiy valyuta shoxobchalarining ishlashiga ruxsat berish taklifini ilgari surdi.
«Avtomobil tarixi»da transportda sodir etilgan huquqbuzarliklar ham aks etishi mumkin
«Avtomobil tarixi» bo‘yicha davlat xizmatini ko‘rsatishning ma’muriy reglamentiga oid hukumat qarori loyihasi ishlab chiqildi. Unga ko‘ra, endilikda avtomobilning tarixida nafaqat unga tegishli umumiy ma’lumotlar balki, unda sodir etilgan huquqbuzarlik va YTHlar, taqiq mavjud yoki yo‘qligi kabi axborotlar aks etadi.
Respublika bo‘ylab 60 dan ortiq bozor va majmualarning xususiylashtirilishi kutilmoqda
Davlat aktivlarini boshqarish agentligi 60 dan ortiq bozor va savdo majmualarida davlat ulushlarini sotish bo‘yicha hukumat qarori loyihasini e’lon qildi. Ular orasida Toshkentdagi Mirobod, Farhod, O‘rikzor va Oloy dehqon bozorlari, «Ippodrom» va «Bek to‘pi» savdo komplekslari mavjud. Qarorga ko‘ra, hokimlar boshchiligida hududiy komissiyalar tashkil etilib, bozorlardagi davlat ulushi hokimliklarga o‘tkazilishi kutilmoqda. Iqtisodchi Otabek Bakirov ushbu qaror loyihasini tanqid qildi.
Apostilni elektron tarzda olish va tekshirish imkoniyati yaratiladi
Apostilni elektron tarzda olish va tekshirish imkoniyatini yaratishga oid Hukumat qarori loyihasi ishlab chiqildi. Unga ko‘ra, apostil qo‘yishning yagona tizimini yaratish taklif etilmoqda. Yangi tartib bilan xizmatdan onlayn foydalanish imkoniyati yaratiladi, ortiqcha vaqt va mablag‘ tejaladi. Qolaversa, apostilning haqiqiyligini onlayn tekshirib olish mumkin bo‘ladi.
Yo‘llarga sarflanayotgan mablag‘lar ustidan jamoatchilik nazoratini o‘rnatish taklif etilmoqda
Adliya vazirligi avtomobil yo‘llarini qurish va ta’mirlash borasidagi barcha ma’lumotlar joylashtiriladigan ochiq platformani ishga tushirishni taklif qildi. Uning yordamida yo‘l infratuzilmasiga yo‘naltirilgan mablag‘larning sarflanishini nazorat qilish va yo‘llardagi nosozliklar haqida xabar berish mumkin bo‘ladi.
Elektr energiyasini faqat oldindan to‘lov asosida yetkazib berish taklif etildi
2021 yildan barcha elektr energiyasi iste’molchilariga elektr energiyasini yetkazib berish faqat oldindan to‘lov asosida amalga oshirilishi taklif etilmoqda. To‘lovni amalga oshirmagan iste’molchilarga nisbatan elektr tarmoqlaridan to‘liq uzish chorasi ko‘rilishi mumkin.
Mardikorlar uchun Kunlik mehnat markazlari tashkil etilishi mumkin
Kunlik mehnat markazlarini tashkil etish bo‘yicha qaror loyihasi muhokama uchun e’lon qilindi. Ushbu markazlarda bir martalik ishga yollanuvchilarga mehnat qurollari va maxsus kiyimlar beriladi, ularning manfaati himoya qilinadi va ish topishda ko‘maklashiladi. Ishchi va ish beruvchining onlayn muloqoti uchun «Mening ishim» buyurtmalar birjasini yaratiladi.
Eski va avariyaviy uylarni ta’mirlash va qayta qurish bo‘yicha renovatsiya dasturlari qabul qilinishi mumkin
Respublika bo‘yicha 260 ta eski ko‘p qavatli uylarni ta’mirlash hamda 193 ta avariya holatidagi ko‘p qavatli uylarni buzib, ular o‘rniga yangi uy-joylarni qurish taklif etilmoqda. Bu haqdagi hukumat qarori loyihasi jamoatchilik muhokamasiga taqdim etildi.
Sementni “yashil yo‘lak” tizimi orqali import qilish rejalashtirilmoqda
Monopoliyaga qarshi kurashish qo‘mitasi sementni import asosida respublikaga “yashil yo‘lak” tizimi orqali olib kirishni taklif qildi. Ko‘zlangan tartibga ko‘ra, olib kirilayotgan sementni sertifikatlashtirish, laboratoriya sinovidan o‘tkazish belgilangan. Nomuvofiq sement olib kirgan tadbirkorga javobgarlik tartibi ham belgilangan.
ENG KO‘P O‘QILGAN XABARLAR
- “Antistrumin” ishlab chiqaruvchi Samo va uning sobiq ta’sischisi Nodir Yunusov haqida nimalar ma’lum?
- Sergelidagi holatdan foydalanib, aholidan pul undirmoqchi bo‘lganlar aniqlandi
- Nima tayyorlaymiz: “Dangasa taomlar”
- O‘zbekiston futbolchilari 1994-yildan buyon ilk bor Osiyo o‘yinlari yarim finaliga yo‘l oldi
- O‘zbekistondagi 500 ta maktabda mezonga asoslangan (100 ballik) baholash tizimi joriy etildi. Nima o‘zgaradi?
Qo‘shimcha imkoniyatlarga ega bulish uchun saytda ro‘yxatdan o‘ting