«korrupsiyaga qarshi kurashish agentligi» tegli maqolalar
Madaniyat va turizm vaziri Ozodbek Nazarbekov kompaniya ta’sischisi ekani aniqlandi
Madaniyat va turizm vaziri Ozodbek Nazarbekov Koba san’at majmuasi mas’uliyati cheklangan jamiyati ta’sischisi ekani haqida xabarlar paydo bo‘lgach, ta’sischi o‘zgartirildi. Korrupsiyaga qarshi kurashish agentligi vazirlikka kelgusida qonunlarga qat’iy rioya qilish borasida taqdimnoma kiritdi.
Ostonada Alisher Navoiy haykalini o‘rnatish bo‘yicha tender: Dastlabki noqonuniy tender g‘olibi yana yutib chiqdi
O‘zbekiston Badiiy akademiyasi Alisher Navoiy haykalini Ostona shahrida o‘rnatishga oid tenderni qaytadan o‘tkazdi. Unda ilk tenderda noqonuniy ravishda g‘olib bo‘lgan kompaniya yana yutib chiqdi. Antikorrupsiya agentligi birinchi tenderda manfaatlar to‘qnashuvi va boshqa qonunbuzarliklarni aniqlagandi.
Antikorrupsiya agentligi 2023-yilgacha kimlardan va qanday sovg‘alar olganini ochiqladi
Korrupsiyaga qarshi kurashish agentligida Sovg‘alar reyestrini shakllantirish boshlandi. Agentlik shu vaqtgacha xalqaro tashkilotlardan jami 14,5 mln so‘mlik 8 ta sovg‘a qabul qilib olganini ma’lum qildi. Ularning barchasi tashkilot direktoriga berilgan.
Toshkentda korxona ishtirokidagi 3,2 mlrd so‘mlik davlat xaridi natijalari soxtalashtirilgani aniqlandi
“Toshkent xalqa avtomobil yo‘llaridan foydalanish uchastka boshqarmasi” unitar korxonasi buyurtmachiligida o‘tgan 3,2 mlrd so‘mlik davlat xaridida qonunbuzilish holatlari aniqlandi. Xarid natijalari komissiya ishtirokisiz, boshqa shaxs tomonidan ularning elektron raqamli imzolari orqali baholanib, imzolangan.
Davlat xaridlarida fevral oyida 25 mlrd so‘mlik qonunbuzilish holatlari aniqlandi — Antikorrupsiya agentligi
Antikorrupsiya agentligi fevralda davlat xaridlarida 25 mlrd so‘mlik qonunbuzilish holatlarini aniqladi. Xususan, Uzbekistan Airports, “Hududiy elektr tarmoqlari” Xorazm filiali, Toshkent viloyati Bolalar ko‘p tarmoqli tibbiyot markazi qonunbuzilishiga yo‘l qo‘ygan. Buyurtmachilarga taqdimnoma kiritildi.
Korrupsiyaga qarshi kurashishda qoniqarsiz ishlagan davlat idoralari ma’lum qilindi
Ekspertlar Suv xo‘jaligi, Energetika vazirligi hamda Surxondaryo va Andijon viloyatlari hokimliklarining korrupsiyaga qarshi kurashish ishlarini qoniqarsiz deb baholadi. Bunga rahbarlarning ushbu yo‘nalishda shaxsiy tashabbusi yetarli emasligi ham sabab bo‘lgan. Eng yaxshi natija Soliq qo‘mitasida qayd etildi.
Navoiyda tuman xalq ta’limi bo‘limi mansabdorlariga jinoyat ishi qo‘zg‘atildi
Xatirchi tumani xalq ta’limi bo‘limi mansabdorlariga jinoyat ishi qo‘zg‘atildi. Ular 43,6 mln so‘m miqdoridagi rag‘batlantirish va ish haqlarini noqonuniy hisoblab, budjet mablag‘larini talon-toroj qilganlikda gumonlanmoqda.
Farmatsevtika agentligining sobiq direktori Sardor Kariyev qamoqqa olindi
«Dok-1 Maks» va «Ambronol» siropining nojo‘ya ta’siri sababli bolalar vafoti bo‘yicha qo‘zg‘atilgan jinoyat ishi tergovi doirasida Farmatsevtika tarmog‘ini rivojlantirish agentligi sobiq direktori Sardor Kariyev qamoqqa olindi.
«Bemor bergan mablag‘ni e’tirof etish mamlakat siyosatiga zid». Antikorrupsiya agentligi jamoatchilik kengashi SSV rahbarining taklifi haqida
SSV rahbari oyligi xarajatlariga yetmayotgan shifokorlarga «bemorga mehr bilan yondashsangiz, o‘zi sizga berib ketadi» mazmunida taklif bildirgandi. Antikorrupsiya agentligi huzuridagi jamoatchilik kengashiga ko‘ra, bu mamlakat siyosatiga zid harakat va tizimga xalqning ishonchi kamayishiga sabab bo‘ladi.
Davlat xizmatchilarining daromadini deklaratsiyalash to‘g‘risidagi qonun loyihasi atrofida nimalar bo‘lmoqda?
O‘zbekistonda davlat xizmatchilarining daromadlari va mol-mulkini deklaratsiyalash tizimi 2022 yil 1 yanvardan ishga tushishi kerak edi, biroq qonun haligacha qabul qilinmadi. Noyabrda qonun loyihasi Vazirlar Mahkamasiga ko‘rib chiqish uchun berilgan, lekin hukumat hujjatni haligacha parlamentga taqdim etmadi.
Sobiq Jismoniy tarbiya va sport vazirligi mansabdorlari budjet mablag‘larini talon-toroj qilishda ayblanmoqda
Korrupsiyaga qarshi kurashish agentligi sobiq Jismoniy tarbiya va sport vazirligi mansabdorlariga nisbatan jinoiy ish qo‘zg‘atilganini ma’lum qildi. Ular budjetdan ajratilgan juda ko‘p miqdordagi pullarni rastrata yo‘li bilan talon-toroj qilganlikda ayblanmoqda.
Poraxo‘r shaxslar suvaraklarga o‘xshaydi — Akmal Burxonov
Korrupsiyaga qarshi kurashish agentligi rahbari Akmal Burxonov korrupsionerlarni suvaraklarga o‘xshatib, ularni yegulik ko‘p joyda bo‘lishini aytdi.
«Senat „adi-badi“ aytishib o‘tiradigan joy emas». Tanzila Narbayeva agentlik direktori va vazir debati haqida
Senatda Antikorrupsiya agentligi rahbari Akmal Burxonov 2021 yilda sog‘liqni saqlash tizimi eng korrupsiyalashgan soha bo‘lganini ma’lum qildi. SSV rahbari esa buni «katta raqamlar ortidan quvish» deb atadi va sudda o‘z tasdig‘ini topganini shubha ostiga oldi. Tanzila Narbayeva bahsga aralashishga majbur bo‘ldi.
Hokim yordamchilari uchun halollik bo‘yicha kurslar o‘tkazilmoqda
Prezident tanqididan so‘ng, hokim yordamchilari uchun halollik va korrupsiyaga qarshi kurashish bo‘yicha maxsus kurslar tashkil etildi. Seminarlarda korrupsiyaga qarshi kurashish bo‘yicha normativ-huquqiy hujjatlar, korrupsiyaning oldini olish mexanizmlari va boshqalar tahlil qilinmoqda.
O‘zbekistonda Ochiqlik indeksi joriy etiladi
Prezident farmoni bilan Ochiqlik indeksi joriy etiladi. Unga ko‘ra, 8 ta indekator bo‘yicha eng yuqori ball to‘plagan tashkilotlar rag‘batlantiriladi, salbiy ko‘rsatkich qayd etganlar esa javobgarlikka tortiladi. Qolaversa, ochiqlikni ta’minlash borasida Antikorrupsiya agentligiga qo‘shimcha vakolatlar berilmoqda.
O‘zbekistonda qaysi kompaniyalarga eng katta soliq imtiyozlari taqdim etilgan?
Korrupsiyaga qarshi kurashish agentligi O‘zbekistonda korxonalarga berilgan soliq imtiyozlari va preferensiyalarini tahlil qildi. Uch oyda tadbirkorlik subyektlariga 9 trln so‘mdan ortiq imtiyozlar berildi, ularning aksariyati QQS bo‘yicha. Eng katta soliq imtiyozlarini oladigan kompaniyalar ro‘yxati.
Korrupsiya bo‘yicha eng ko‘p shikoyat Andijon viloyatidan tushayotgani ma’lum qilindi
Prezident virtual qabulxonasi va Xalq qabulxonalariga aholisi korrupsiya bo‘yicha eng ko‘p murojaat qiladigan hududlar ichida Andijon 1-o‘rinni egalladi, deya ma’lum qildi Antikorrupsiya agentligi. 2021 yilda o‘zlashtirish, mansab vakolatini suiiste’mol qilish, pora olish kabi jinoyatlarni sodir etganlarning 4 nafarini viloyat hokimligi, 18 nafarini tuman va shahar hokimliklari xodimlari tashkil qilgan.
Antikorrupsiya agentligi Turizm vazirligidan madaniy meros obyektlariga zarar yetkazilishi sabablarini bartaraf etishni so‘radi
Antikorrupsiya agentligi «Kultepa», «Vardonze yodgorligi» va «Quloqtepa» madaniy meros obyektlariga yetkazilgan zarar sabablarini bartaraf etishni so‘rab, Turizm va madaniy meros vazirligiga taqdimnoma kiritdi. Agentlikning ta’kidlashicha, qonunbuzarliklarga Madaniy meros agentligi va uning hududiy boshqarmalari tomonidan qonunchilik hujjatlariga rioya qilinmagani va yetarli nazorat o‘rnatilmagani sabab bo‘lgan.
Akmal Burxonov Antikorrupsiya agentligi devoriga chizilgan graffitini qo‘llab-quvvatladi
Rassom Inkuzart Korrupsiyaga qarshi kurashish agentligi hovlisining tashqi devoriga «Korrupsiya» mavzusidagi graffitini chizdi. Agentlik direktori Akmal Burxonov art-obyektni qo‘llab-quvvatlab, uni «murosasiz kreativ yondashuv» deb atadi va aholini korrupsiyaga qarshi faol kurashishga chaqirdi.
Davlat organlari 2021 yilda ko‘pincha davlat xaridlari bo‘yicha ma’lumotlarni ochiqlamagan
Antikorrupsiya agentligi rahbari Akmal Burxonov davlat organlari ochiqligining monitoringi yuzasidan ma’lumot berdi. Uning so‘zlariga ko‘ra, 135 ta davlat organidan 80 tasi (60 foizi) 2021 yilning IV choragidagi davlat xaridlariga oid ma’lumotlarni e’lon qilmagan. 204 ta tuman va shahar hokimliklarining 43 tasida esa veb-saytning o‘zi umuman ishlamaydi.
ENG KO‘P O‘QILGAN XABARLAR
- UzAuto Motors aprelda minglab Cobalt, Lacetti, Damas ishlab chiqargan. Biroq bu avtomobillar sotuvda yo‘q
- O‘zbekistonga benzin qayerdan keladi? Uning hajmi va narxi haqida
- XDP O‘zbekiston prezidentligiga nomzod va uning dasturini tasdiqladi
- Juma tabrigi va diniy masalalarni tarqatishga hech qanday ta’qib yo‘q — Musulmonlar idorasi
- 1-iyundan nimalar o‘zgaradi?
Qo‘shimcha imkoniyatlarga ega bulish uchun saytda ro‘yxatdan o‘ting