Buxoroga poyezdda yo‘l olgan kishi uning “yo‘ldoshi” — Kogonga borib tushadi. Vokzaldan chiqishingiz bilan, sizni Buxoro amiri qurdirgan uch qavatli muhtasham majmua — Kogon saroyi qarshi oladi. “Gazeta.uz” muxbiri saroyda bo‘lib, uning o‘tmishi va hozirgi ahvoli bilan tanishdi.
DXX Toshkent viloyatining Toshkent, O‘rta Chirchiq va Ohangaron tumanlari hamda Buxoro viloyatining Buxoro tumanida yer maydonlarini noqonuniy sotishga urinishlarni aniqladi. Bunda fuqarolardan 50 mingdan 100 ming dollargacha pul so‘ralgan.
Ijtimoiy tarmoqlarda Xoliqjon Vines taxallusi bilan tanilgan vayner Xoliqjon Samadov 7 sutkaga, uning sheriklari esa 5 sutkaga qamaldi. Ular Buxoroda avtomobilda yo‘l belgisiga qasddan shikast yetkazish holati tasvirlangan video tarqatgan.
Prezident topshirig‘iga ko‘ra Samarqand shahrida Ipak yo‘li davlat muzeyini tashkil etish, Amir Temur bog‘larini qayta tiklash, Bibixonim majmuasini restavratsiya qilish, shuningdek, Buxoroning tarixiy markazini muhofaza qilish to‘g‘risida master va menejment rejalari bo‘yicha qarorlar loyihalari ishlab chiqiladi.
Jizzax viloyatining Zafarobod tumani hokimi yo‘l qo‘ygan kamchiliklari, Buxoro tumani hokimi esa sog‘lig‘idagi muammo tufayli lavozimidan ozod etildi. Ularning o‘rniga yangi hokimlar tasdiqlandi.
Buxoroning tarixiy qismi bilan chegaradosh hududda “Boqiy Buxoro” loyihasini amalga oshirish boshlandi. Hozirda markaziy stadion, shahar hokimligi binosi va musiqa maktabini buzish qizg‘in kechmoqda. “Gazeta.uz” muxbirlari “snos”ga tushgan va buzilishini kutayotgan binolarning ayrimlarini kadrlarga muhrladi.
Buxoro shahrining tarixiy qismiga tutash hududda “Boqiy Buxoro” sayyohlik majmuasining qurilishi ortidan o‘nlab davlat obyektlari buzilishi boshlandi. Bu jamoatchilik tomonidan muhokama qilinmoqda. “Gazeta.uz” muxbirlari Buxoroda bo‘lib, ayni paytda buzish ishlari ketayotgan obyektlardan fotoreportaj tayyorladi.
Buxoro shahridagi avtomobil ehtiyot qismlari do‘konining yerto‘lasida gaz portladi. Hodisa oqibatida 1-qavatning 2 dona beton plitasi qulab tushdi, bir kishi voqea joyida halok bo‘ldi, yana bir fuqaro shifoxonaga yuborildi.
Buxoroda turistik markaz qurish uchun shahar hokimligi va san’at maktabi binolarini buzishga kirishildi. Maktab-internat o‘quvchilari sharoiti bo‘lmagan sobiq paxta zavodi yotoqxonasiga vaqtincha ko‘chirildi. Motamsaro ona haykalini Kogonga ko‘chirishga qaror qilishdi.
Buxoroning tarixiy qismi bilan chegarada etnografik sayyohlik markazi qurilishi 470 mln dollarga baholanmoqda. Hokimlik YUNESKO xulosasini olgandan keyingina yakuniy qaror qabul qilib, qurilish ishlarini boshlashini bildirgandi, biroq stadionni buzish ishlari allaqachon boshlab yuborilgan.
Buxoro viloyatida qurilayotgan 2 ta shamol elektr stansiyasiga 73 turbina o‘rnatib bo‘lindi. Ularning balandligi 100 m, parraklarining har biri 84 metr. Saudiya Arabistonining ACWA Power kompaniyasi loyiha doirasida yana 85 ta turbina o‘rnatadi. Energetika vazirligi turbinalarning suratlarini taqdim qildi.
Shofirkonda Taftish.uz internet nashri muxbiri tanishi bilan kelishmovchilik paytida pichoqlandi. Jabrlanuvchi shifoxonaga yotqizildi, gumonlanuvchiga nisbatan esa jinoyat ishi qo‘zg‘atildi.
Buxoro viloyatida 15-yanvardan sovuq suv va oqova suv xizmatlari narxi oshadi.
Tarmoqlarda Buxoro shahrida qurilishi taxmin qilingan turizm markazi kompleksi surati tarqaldi. Shahar hokimligi surat e’lon qilingan xabar “hech qanday qonuniy asosga ega” emasligini ta’kidladi. Hokimlik, shu bilan birga, shunday sayyohlik kompleksi qurilishi rejalashtirilganini tasdiqladi.
Buxoro shahriga Xitoyning 20 ta yangi Zhang Tong avtobusi keltirildi, ular 5-dekabrdan yo‘nalishlarga chiqariladi. 2024-yil iyuligacha yana 80 ta shunday avtobus yetkazib berish bo‘yicha muzokaralar olib borilmoqda.
Buxoro shahrida chiqindi tashuvchi mashina haydovchisi axlat tashlash uchun yaqinlashgan 18 yoshli talaba qizni payqamay, avtomobilni uning ustiga haydab yubordi. Qiz olgan jarohatlari tufayli voqea joyida vafot etdi.
YUNESKO Buxoroni “Ijodkor shaharlar tarmog‘i”ga kiritdi. 2025-yilda shaharda birinchi zamonaviy dizayn va hunarmandchilik biyennalesi bo‘lib o‘tadi, unda mahalliy hunarmandlar va rassomlar xorijlik hamkasblari bilan tajriba almashishlari mumkin bo‘ladi.
Buxoro shahri markazidagi binolar va stadion o‘rniga turistik markaz qurilishi loyihasi yil boshida e’tirozlar sabab to‘xtab qolgandi. Kun.uz`ning yozishicha, masala yana ko‘tarilgan, shahar hokimligi boshqa hududga ko‘chirilgan, shahar markazi “snos”ga tayyorlanayotgan bo‘lishi mumkin. Hokimlik vakili buni rad etdi.
Buxoroning cho‘l hududlariga noyob va yo‘qolib ketish xavfi ostida turgan 1500 bosh yo‘rg‘a tuvalog‘i qo‘yib yuborildi. Qushlar BAA moliyalashtiruvchi “Amirliklarning yo‘rg‘a tuvaloqni asrash markazi” tomonidan yetishtirilgan.
Buxoroda xorazmlik 23 yoshli erkak o‘zini avtobus g‘ildiraklari ostiga tashlab, voqea joyida vafot etdi. Marhum Toshkentda IELTS imtihonini topshirib, uyiga qaytayotgan bo‘lgan.
Qo‘shimcha imkoniyatlarga ega bulish uchun saytda ro‘yxatdan o‘ting