Kogon tumanida tabiiy gazdan noqonuniy ravishda foydalanib, 26,1 mlrd so‘m zarar yetkazgan tadbirkorlar aniqlandi. Ular 11 va 9 yilga ozodlikdan mahrum etildi.
Buxoro viloyatida Spark avtomobilida 25 nafar yosh bolani mindirib olib ketayotgan haydovchi to‘xtatildi. Haydovchi bog‘cha mudirasi bo‘lib, bolalarni uyiga shunday tarzda olib ketayotgani ma’lum bo‘ldi.
2025-yil oxirigacha Buxoro viloyatini aholisi to‘liq ish bilan ta’minlangan hududga aylantirish rejalashtirilmoqda. Viloyatda 1 milliondan ortiq mehnatga layoqatli aholi istiqomat qiladi. Rasmiy ravishda 76 ming kishi ishsiz hisoblanadi.
Prezident Shavkat Mirziyoyev ikki kun davomida Buxoro viloyatida bo‘ladi. Tashrif davomida O‘zbekistonda tabiiy gaz va elektr energiyasidan oqilona foydalanish, oziq-ovqat xavfsizligini ta’minlash hamda inflyatsiyani jilovlash masalalari bo‘yicha videoselektor o‘tkazilishi kutilmoqda.
Tunda Buxoro shahridagi ikki qavatli savdo majmuasida sodir bo‘lgan yong‘in sabab 15 ta do‘kon va majmua yaqinidagi bozorning 8 ta do‘koni yonib ketdi. Hodisa oqibatida jabrlanganlar yo‘q.
Buxoro viloyatida shamol elektr stansiyasi qurilishi doirasida balandligi 100 metr, parraklari 84 metr bo‘lgan ilk turbina o‘rnatildi. Bu qurilmadan yana 157 ta o‘rnatilishi kerak. Stansiyalarning ilk quvvatlari 2024-yilda ishga tushiriladi.
Qurilish ishlari tezlashishi oqibatida Toshkent shahrining qator tumanlarida va Buxoro shahrida yashillik darajasi 2022-yilda 2017-yilga nisbatan 33−37 foizgacha qisqardi. Xususan, ko‘rsatkich Shayxontohur tumanida 26 foizga, Yakkasaroyda 23 foizga, Olmazorda 33 foizga, Mirzo Ulug‘bekda 18 foizgacha kamaygan.
Tarmoqlarda Buxorodagi “Poyi Kalon” yodgorligi fonida qiz va yigitning raqsi aks etgan video tarqaldi. Video bir yil muqaddam tasvirga olingan, viloyat IIB ularning harakatlarini “madaniyatsizlik” deb atadi. Yoshlarga mayda bezorilik bo‘yicha ma’muriy bayonnoma rasmiylashtirildi.
Buxoro shaharida fuqaro 16 tup daraxtni kesib tashlab tabiatga 259 mln so‘m zarar yetkazdi. Unga nisbatan ish ochilib, sudga yuborildi.
Buxoroda Osiyo xalqaro universiteti talabasi ijarada yashagan uyning 6-qavatidan o‘zini tashlab, halok bo‘ldi. 18 yoshli qizning o‘z joniga qasd qilishi sabablari bo‘yicha taxminlar ishlab chiqilib, tekshirilmoqda.
Buxoroda savdo rastasi oldida savdolashib turgan 65 yoshli ispaniyalik erkak hushidan ketib, vafot etdi. Holat bo‘yicha shahar prokuraturasi tergovga qadar tekshiruv olib bormoqda.
Kogon shahrida er xotinini rashk sabab pichoqlab o‘ldirdi. Janjalni ajratmoqchi bo‘lgan erkakning onasi ham jarohat oldi.
Romitan tumanidagi 5 ta arxeologiya yodgorligiga jami 291,4 mlrd so‘mlik jiddiy shikast yetkazilgan. Ularda noqonuniy qazish va buzish ishlari olib borilgan. Yodgorliklar orasida eng katta zarar o‘rta asrlarga oid Tepa-9 obyektiga yetgan.
Qorako‘l tumanida akasi vasiyligida qolgan qiz yangasining majburlovi bilan zo‘rlangani aytilmoqda. Hozirda Buxoro viloyati IIB tomonidan JKning 14 yoshga to‘lmagan shaxsning nomusiga tegish moddasi bo‘yicha 4 kishi qamoqqa olingan. Tergov harakatlari davom etmoqda.
Buxoro shahridagi avtoustaxonada 50 litrli suyultirilgan maishiy gaz balloni portladi. Oqibatda 90−95 foiz kuyish jarohati bilan shifoxonaga yotqizilgan 2 bemorning ahvoli og‘irligicha qolmoqda.
Buxoroda erkak soxta pasport va shartnomani ko‘rsatib, birovning do‘konini ikki ayolga 50,8 ming dollarga sotmoqchi bo‘ldi.
Qorako‘l tumanidagi maktablardan birining direktori 900 ming so‘m pora bilan ushlangani aytilmoqda. U bu pulni fuqarolarni farrosh va qorovul lavozimiga ishga qabul qilgani evaziga olayotganda qo‘lga tushgan.
Peshku tumanida qo‘shnisiga tegishli eshakning quloqlarini kesib tashlagan erkak 15 sutkaga qamaldi. Jonivor ko‘p qon yo‘qotishi oqibatida nobud bo‘lgan.
Buxorolik fuqaro o‘z uyining yerto‘lasida yashirin mayning fermasini ochgani aniqlandi. U yuqori kuchlanishli elektr tarmog‘iga o‘zboshimchalik bilan ulanib, davlatga 93 mln so‘mlik zarar yetkazgan. Holat yuzasidan jinoyat ishi qo‘zg‘atildi.
Peshku tumanida fuqaro qo‘shnisining eshagi tomorqaga zarar yetkazgani uchun uning quloqlarini kesib tashladi. Jonivor ko‘p qon yo‘qotishi oqibatida nobud bo‘ldi. Fuqaro 3 mln so‘mgacha jarimaga tortilishi mumkin.
Qo‘shimcha imkoniyatlarga ega bulish uchun saytda ro‘yxatdan o‘ting