«adliya vazirligi» tegli maqolalar
Andijon tibbiyot institutida shanbalik uchun xodimlardan ushlab qolingan 150 mln so‘m qaytarildi
Andijon tibbiyot instituti xodimlari shanbalik uchun maoshidan pul ushlab qolinishiga o‘z ixtiyori bilan rozi bo‘lgani haqidagi xabarlar institut tomonidan “feyk xabar” deya aytilgan edi. Viloyat adliya boshqarmasi tomonidan holat o‘rganish natijasida 150 mln so‘m pul mablag‘lari institut xodimlariga to‘liq qaytarildi.
Aholidan ortiqcha hujjat talab qilgan 9 ta vazirlik va idora rahbar xodimlari javobgarlikka tortildi
Adliya vazirligi davlat xizmatlarini ko‘rsatishda aholidan ortiqcha hujjat talab qilgan — Bandlik va mehnat munosabatlari, Innovatsion rivojlanish hamda Oliy va o‘rta maxsus ta’lim vazirliklari, Davlat ekologiya qo‘mitasi, 3 ta agentlik va 2 ta inspeksiyaning rahbar xodimlarini jarimaga tortdi. Qolaversa, davlat idoralarning 38 nafar ma’sul xodimiga intizomiy jazo qo‘llanildi.
Transparency Uzbekistan tahliliy markazi tashkil etildi
Adliya vazirligi korrupsiya va ochiqlikni o‘rganuvchi birinchi nodavlat notijorat tashkilot — “O‘zbekistonda ochiqlik va shaffoflik” tahlil markazini ro‘yxatdan o‘tkazdi.
«O‘zbekistonda diniy qarashlarni majburan singdirishga yo‘l qo‘yilmaydi» — Adliya vazirligi
Adliya vazirligining ma’lum qilishicha, diniy mavzuda chiqishlar qiladigan ayrim shaxslar tomonidan ayollarning huquqlarini cheklash, hech qaysi dinga e’tiqod qilmaydiganlarga nisbatan nafrat uyg‘otish, dunyoviylik prinsipidagi qonunlarni shubha ostiga olish holatlari aniqlangan. «Insonlar xulq-atvoriga alohida shaxslarning axloqiy-diniy qarashlari bilan emas, balki amaldagi qonunchilik nuqtai nazaridan baho berilishi lozim», — deya ta’kidladi vazirlik.
Fermerlarni qanday muammolar qiynamoqda — Adliya vazirligi monitoringi
Fermer va sotib oluvchi tashkilotlar, klasterlar va yetkazib beruvchilar o‘rtasidagi shartnomalarda yo‘l qo‘yilayotgan xatolar, fermer xo‘jaliklarining 180 mlrd so‘mdan ko‘proq qarzga botgani va boshqalar — Adliya vazirligi «Fermerga madad» aksiyasi doirasida fermerlar manfaatlariga eng ko‘p zarar yetkazayotgan holatlarni o‘rganmoqda. Vazirlik ushbu sohadagi muammolarni bartaraf etish uchun bir qancha choralarni taklif qilmoqda.
Yo‘llarga sarflanayotgan mablag‘lar ustidan jamoatchilik nazoratini o‘rnatish taklif etilmoqda
Adliya vazirligi avtomobil yo‘llarini qurish va ta’mirlash borasidagi barcha ma’lumotlar joylashtiriladigan ochiq platformani ishga tushirishni taklif qildi. Uning yordamida yo‘l infratuzilmasiga yo‘naltirilgan mablag‘larning sarflanishini nazorat qilish va yo‘llardagi nosozliklar haqida xabar berish mumkin bo‘ladi.
Adliya vazirligi bir qator huquqbuzarliklar bo‘yicha jarimalar miqdorini kamaytirishni taklif etdi
Yangi qonun loyihasida Adliya vazirligi pasport tizimi qoidalarini buzish, noqonuniy valyuta operatsiyalari va yo‘lovchilarni litsenziyasiz tashish uchun jarimalarni sezilarli darajada kamaytirishni taklif qilmoqda.
Mashina boshqarayotganda telefondan foydalanishga ruxsat berish taklif qilinmoqda
Adliya vazirligi haydovchilarga quloqchin va boshqa uskunalar orqali telefondan foydalanishga ruxsat berishni taklif qilmoqda. Salonga monitor o‘rnatganlik uchun jarimani bekor qilish ham taklif etilmoqda. Bundan tashqari, haydovchilik guvohnomasi, sug‘urta polisi va texpasport olib yurmasdan avtomobildan foydalanishga ruxsat berish rejalashtirilmoqda.
Adliya vazirligi O‘zbekiston gerbi va bayrog‘i tasvirlangan oyoq kiyimini «davlat ramzlariga hurmatsizlik» deb baholadi
Italiyalik dizayner Stefano Richchi O‘zbekiston gerbi va bayrog‘i aks etgan 18 mln so‘mlik poyabzallar taqdim etdi. Adliya vazirligi buni «davlat ramzlariga hurmatsizlik» deb baholadi. Shuningdek, Toshkent adliya boshqarmasi poytaxtdagi davlat organlarida davlat ramzlaridan foydalanishda 363 ta qonunbuzilish holatlarini aniqlagan. Natijada, 55 nafar shaxs intizomiy javobgarlikka tortilgan.
Notariuslar faoliyati «Sirli mijoz» orqali tekshiriladi
Hukumat qarori bilan notariuslarning qonun hujjatlariga rioya etishi ustidan nazorat qilish, jumladan, rejali, qisqa muddatli, kameral tekshiruvlar o‘tkazish tartibi belgilandi. Shu bilan birga, notariuslar adliya organi rahbarining buyrug‘i asosida «Sirli mijoz» tadbiri yordamida tekshiriladi.
Adliya vazirligi «Gazeta.uz» va boshqa OAVlar bilan memorandum imzoladi
Adliya vazirligi «Gazeta.uz» va boshqa to‘rtta onlayn OAVlar bilan memorandum imzoladi. Hamkorlik huquqiy ma’lumotlarning tarqalishini kengaytirishga qaratilgan.
Idoraviy normativ huquqiy hujjatlarni tayyorlash va qabul qilish qoidalari o‘zgardi
Idoraviy normativ huquqiy hujjatlarni tayyorlash va qabul qilish qoidalariga o‘zgartishlar kiritildi. Endilikda hujjatlar loyihasining korrupsiyaga qarshi ekspertizasi natijalari yuzasidan korrupsiyaviy omillarni aniqlash bo‘yicha cheklist to‘ldiriladi, bir nechta idoralar faoliyatiga taalluqli NHH loyihasi esa ular o‘rtasida yagona elektron tizim orqali kelishiladi.
«Haqiqat va taraqqiyot» sotsial-demokratik partiyasi davlat ro‘yxatidan o‘tkazilmadi — Adliya vazirligi
Adliya vazirligi «Haqiqat va taraqqiyot» sotsial-demokratik partiyasini davlat ro‘yxatidan o‘tkazishni rad etdi. Vazirlik arizalar va ilova hujjatlari tegishli qonun talablariga rioya qilinmagan holda taqdim qilinganligini ta’kidladi. O‘zbekistonda partiyani ro‘yxatdan o‘tkazish uchun 20 ming fuqaro imzosi talab qilinsa, «Haqiqat va taraqqiyot» partiyasi 9,8 ming imzo yig‘gan.
18 turdagi ma’lumotnomalardan voz kechish yiliga 15 mln dollarni tejash imkonini beradi — adliya vaziri
Raqamli yechimlarni joriy etish hisobiga Adliya vazirligi o‘tgan yili 100 tonna qog‘ozni iqtisod qildi. Litsenziyalar va ruxsatnomalarning maxsus blankalarda rasmiylashtirilishidan voz kechilishi va elektron hujjatlar berishga to‘liq o‘tilishi natijasida 1,5 mln dollardan ziyod mablag‘ iqtisod qilindi.
Andijonlik deputatni ayblash uchun asoslar yetarli — Bosh prokuratura
Bosh prokuratura dahlsizlik huquqidan mahrum qilingan andijonlik deputat Shuhratbek Karimovning kompaniyasi harakatlari oqibatida bir nechta fuqarolarning yerdan foydalanish huquqlari buzilganini aytmoqda. Adliya vazirligi «deputatni tintuv qilish va o‘z vakolatlarini amalga oshirishga monelik qilish noqonuniy» ekanligini ta’kidladi. Vazirlik deputatlar daxlsizligini buzganlarga chora ko‘rish kerakligini ta’kidladi.
Adliya vazirligi: O‘zbekiston shubhasiz fuqarolik jamiyatini rivojlantirish sohasida olg‘a qadam tashlamoqda
Adliya vazirligi «Bir qadam oldingami? O‘zbekistonda fuqarolik jamiyati rivojlanishini qanday baholash mumkin» maqolasiga o‘z izohlarini e’lon qildi.
Jamoat ehtiyojlari uchun yer uchastkalarini olib qo‘yish tartibini murakkablashtirish taklif etilmoqda
Adliya vazirligi «Yer uchastkalarini kompensatsiya evaziga jamoat ehtiyojlari uchun olib qo‘yish tartib-taomillari to‘g‘risida"gi qonun loyihasini taqdim etdi. «Davlat ehtiyojlari» tushunchasidan voz kechish, yer uchastkalari olib qo‘yilishi mumkin bo‘lgan aniq holatlarning tugal ro‘yxati keltirilib, jarayonlarni murakkablashtirish va «misli ko‘rilmagan shaffoflik standartlari» ni o‘rnatish taklif etilmoqda.
Elektr ta’minotiga ulanish uchun yig‘im joriy qilish taklifi Monopoliyaga qarshi kurashish qo‘mitasi bilan kelishilmagan
Monopoliyaga qarshi kurashish qo‘mitasi Energetika vazirligining tadbirkorlarning elektr tarmog‘iga ulanishi uchun bir martalik 14,7 mln so‘mgacha bo‘lgan to‘lovni joriy etish to‘g‘risidagi hujjat loyihasini kelishilmaganini ma’lum qildi. Loyihaning dastlabki versiyasida to‘lovlar kamroq miqdorda bo‘lgan, qolaversa, unda maishiy iste’molchilarning ham to‘lov qilishi nazar tutilgan edi.
Qoidabuzarlarni tasvirga olayotganlar sotqinmi yoki yo‘q — Adliya vazirligi Kusherbayevga javob qaytardi
Adliya vazirligi mutaxassisi qoidabuzar haydovchilarni tasvirga olib, pul ishlayotganlarni vatanni ham sotishga tayyorlikda ayblagan Qonunchilik palatasi deputati Rasul Kusherbayevning mulohazalariga javob qaytardi. «Huquqbuzarlikning oldini oluvchilarga „sotqin“ deya tamg‘a bosiladigan bo‘lsa, men ularga qarshi „sotqin“ bo‘lishga tayyorman va bundan g‘ururlanaman», — dedi Adliya vazirligining Huquqiy targ‘ibot va ma’rifat boshqarmasi boshlig‘i Shoxidaxon Yuldasheva
Niqobsiz yurganlik uchun jarima bekor qilingani yo‘q — Adliya vazirligi
O‘zbekistonda koronavirus pandemiyasi munosabati bilan joriy etilgan niqobli tartib bekor qilinmagan. Karantinli sharoitda niqobsiz bo‘lganlik uchun bazaviy hisoblash miqdorining 5 baravarigacha (1 mln 225 ming so‘m) miqdorda jarima solinadi, deb ogohlantirdi Adliya vazirligi matbuot kotibi.
ENG KO`P O`QILGAN XABARLAR
- Shavkat Mirziyoyev YeOII va MDH sammitlarida nutq so‘zlaydi
- Jahon yangiliklari dayjesti
- Toshkentda uch kunlik chaqalog‘ini 18 ming dollarga sotayotgan ayol 5 yilga qamaldi
- «Qodirov ochko yo‘qotish uchun atay shunaqa gapirtirilganmi?» Twitter va Telegram foydalanuvchilari migrantlardan ham soliq undirish taklifi haqida
- O‘zbekiston qamoqxonalarida 2000 dan ziyod diniy va siyosiy mahbus bor - AQSh komissiyasi hisoboti
"Gazeta.uz"da ro`yxatdan o`tish
Qo`shimcha imkoniyatlarga ega bulish uchun saytda ro`yxatdan o`ting