21 sentabr kuni O‘zbekistonda 522 kishida koronavirus aniqlandi
Kecha kun davomida O‘zbekistonda 522 kishida koronavirus infeksiya qayd etildi. 6 nafar COVID-19 bemori vafot etdi. Shuningdek, seshanba kuni 103 kishida pnevmoniya qayd etildi, 2 nafar pnevmoniya bemori vafot etdi.
Toshkentda «Tungi velosayr» festivali o‘tkaziladi
Toshkentda chorshanba kuni kechqurun tungi «Tungi velosayr» festivali bo‘lib o‘tadi. Sayr Mahtumquli va Mirzo Ulug‘bek ko‘chalari kesishmasidan boshlanib, «Yangi O‘zbekiston» bog‘igacha davom etadi. Barcha velosport ishqibozlari ishtirok etishi mumkin.
Valday ekspertlari: Afg‘onistondagi transport loyihalari u yerda to‘laqonli hukumat paydo bo‘lishiga bog‘liq
Afg‘onistonda transport va infratuzilma loyihalarini amalga oshirish ushbu mamlakatning to‘laqonli va barqaror hukumati irodasiga bog‘liq, deyiladi «Valday» klubining yangi hisobotida. O‘zbekiston Transafg‘on temir yo‘li qurilishi orqali Pokiston portlariga chiqishga intilmoqda, biroq hisobot mualliflari dengiz savdo yo‘llariga chiqish barcha muammolarga yechim bo‘lmaydi, deb hisoblamoqda.
«Afg‘onistonni yakkalab qo‘yish mumkin emas» — Shavkat Mirziyoyev
Shavkat Mirziyoyev BMT Bosh Assambleyasi 76-sessiyasidagi chiqishida «hozirgi qiyin davrda Afg‘onistonni yakkalab, uni muammolar girdobiga tashlab qo‘yish mumkin emas"ligini ta’kidladi. Davlat rahbarining so‘zlariga ko‘ra, afg‘on masalasida «BMTning ta’siri va ovozi har qachongidan ham kuchliroq yangrashi lozim».
Prezident Shavkat Mirziyoyev BMT Bosh Assambleyasi 76-sessiyasida nutq so‘zladi
Prezident Shavkat Mirziyoyev BMT Bosh Assambleyasi 76-sessiyasi umumiy munozaralarining birinchi kunida videomurojaat bilan so‘zga chiqdi. Davlat rahbari xalqaro hamjamiyatga mintaqa va global kun tartibidagi dolzarb masalalar, BMTning zamonaviy tahdid va xatarlarga qarshi birgalikda chora ko‘rishdagi roli yuzasidan o‘z nuqtai nazarini taqdim etdi hamda qator taklif va tashabbuslarni ilgari surdi.
«Doing business» mualliflari «O‘zbekiston protokoli»dan bexabar — JB
Jahon bankining O‘zbekistondagi vakolatxonasining ma’lum qilishicha, «Biznes yuritish» hisoboti mualliflari va bankning mintaqadagi vakillari 2018 va 2020 yillarda reyting ma’lumotlaridagi nomuvofiqlik bo‘yicha surishtiruvda tilga olingan «O‘zbekiston protokoli»dan xabardor emas.
21 sentabr kuni O‘zbekistonda sodir bo‘lgan eng muhim xabarlar dayjesti
Shavkat Mirziyoyevning Qoraqalpog‘istonda saylovchilar bilan uchrashuvi, Jahongir Ortiqxo‘jayevning Toshkentning uchta tumani hokimiga “hayfsan” berishi, bolalarni poliomelitga qarshi ommaviy emlash boshlanishi — “Gazeta.uz"ning 21 sentabrdagi eng muhim xabarlari dayjestida.
Jahon yangiliklari dayjesti
Sudanda davlat to‘ntarishiga urinishning muvaffaqiyatsiz tugagani, Afg‘oniston muvaqqat hukumatida yangi tayinlovlar, Qozog‘istonning 2023 yildan boshlab yangi telefon kodiga o‘tayotgani va boshqa yangiliklar — «Gazeta.uz»ning jahon yangiliklari dayjestida.
Qishloq xo‘jaligi vazirligi uzum ko‘chatlarini yetkazib berish bo‘yicha tender yakunlarini o‘rganadi
1 mln dona uzum ko‘chatini yetkazib berish bo‘yicha 9,9 mlrd so‘mlik tender yakunlari Qishloq xo‘jaligi vazirligi komissiyasi tomonidan o‘rganiladi. «Gazeta.uz» savdolarda qishloq xo‘jaligi vaziri o‘rinbosarining o‘g‘liga tegishli kompaniya g‘olib bo‘lgani haqida yozgandi.
Qashqadaryoda bolalarni polga o‘tqazib dars o‘tgan o‘qituvchilarga hayfsan berildi
Qashqadaryo viloyatining Yakkabog‘ tumanidagi maktabning ikki o‘qituvchisiga bolalarni polda o‘tqazib dars o‘tgani uchun hayfsan berildi. Viloyat prokuraturasi o‘qituvchilarning jihozlangan xonalarda dars o‘tish imkoniyati bo‘la turib, maktab ma’muriyati kamchiliklarini bo‘rttirib ko‘rsatish maqsadida shu ishga qo‘l urganini ma’lum qildi. Maktab rahbariyatiga nisbatan ham intizomiy javobgarlik to‘g‘risida ish qo‘zg‘atildi.
«Bizda sitilarga ruju qo‘yilib, sog‘liq uchun foydali manbalardan voz kechilmoqda» — «Adolat» nomzodi
«Adolat» partiyasidan prezidentlikka nomzod Bahrom Abduhalimov shaharlarda «siti» qurishga ruju qo‘yilganligini tanqid qildi. Partiya rahbari havodagi changga qarshi kurashishda foyda berishi mumkin bo‘lgan sun’iy ko‘llar respublikada birin-ketin yo‘q qilinayotganligini taassuf bilan qayd etgan.
Jahongir Ortiqxo‘jayev Toshkentning uchta tumani hokimiga «hayfsan» berdi
Toshkent hokimi poytaxtning uch tumani hokimlariga «hayfsan» e’lon qildi. Bunga ularning birinchi yarim yillikda sanoat mahsulotlari ishlab chiqarish hajmlarini kamaytirishga yo‘l qo‘yganliklari sabab bo‘lgan.
Dollarning rasmiy kursi yana ko‘tarildi
Dollarning so‘mga nisbatan rasmiy kursi 1,40 so‘mga ko‘tarilib, 10 688,10 so‘m etib belgilandi. Shuningdek, yevro va rubl kursi ham ko‘tarildi.
Toshkent shahar IIBB boshlig‘iga yangi o‘rinbosar tayinlandi
Toshkent shahar IIBB boshlig‘ining o‘rinbosari — IIBB huzuridagi tergov boshqarmasi boshlig‘i vazifasini bajaruvchisi lavozimiga Dilmurod Mirsodiqov tayinlandi.
Qoraqalpog‘istonni rivojlantirish uchun 43 trln so‘m yo‘naltiriladi — Shavkat Mirziyoyev
O‘zLiDePning prezidentlikka nomzodi Shavkat Mirziyoyev kelgusi 5 yilda Qoraqalpog‘istonni rivojlantirish uchun 43 trln so‘m yo‘naltirilishini ta’kidladi. Ushbu mablag‘lar davlat budjeti, xalqaro moliya tashkilotlari va bank kreditlari hisobidan ajratiladi.
Kelgusi yilda Qoraqalpog‘istonda 1−4 sinf o‘quvchilari uchun bepul tushlik beriladi — prezident
Shavkat Mirziyoyev Qoraqalpog‘istonda saylovchilar bilan uchrashuvda kelgusi yildan boshlab 1−4 boshlang‘ich sinf o‘quvchilari uchun bepul tushlik berish yo‘lga qo‘yilishini ta’kidladi.
Shavkat Mirziyoyev Qoraqalpog‘istonda kelgusi 5 yilda ish o‘rinlari qanday yaratilishi bo‘yicha ma’lumot berdi
Prezident Shavkat Mirziyoyev Qoraqalpog‘istonda saylovchilar bilan uchrashuvda 6 ming nafar ishsiz aholi uchun, ixcham issiqxonalar qurib berilishini ma’lum qildi. Aholi tomorqalarining suv ta’minotini yaxshilash orqali, 12 ming fuqaroning bandligi ta’minlanadi.
BMT Afg‘onistondagi gumanitar inqirozni bartaraf etish sa’y-harakatlari mas’uliyatini olishi mumkin — Abdulaziz Kamilov
Birlashgan Millatlar Tashkiloti Afg‘onistondagi gumanitar inqirozni bartaraf etish bo‘yicha xalqaro sa’y-harakatlarni muvofiqlashtirish uchun mas’uliyatni o‘z zimmasiga olishi mumkin, deb hisoblaydi tashqi ishlar vaziri Abdulaziz Kamilov.
«Rossiyaning Markaziy Osiyo bo‘yicha hech qanday maxfiy kun tartibi yo‘q» — Rossiya TIV rahbari o‘rinbosari
Moskvada O‘zbekiston prezidentining joriy yilda kutilayotgan davlat tashrifiga tayyorgarlik ko‘rilmoqda, deya ma’lum qildi Rossiya tashqi ishlar vaziri o‘rinbosari Andrey Rudenko Toshkentda bo‘lib o‘tgan anjumandagi nutqida. Uning aytishicha, «juda jiddiy hujjatlar to‘plami» tayyorlangan, shu jumladan mudofaa sohasida. U Rossiyaning Markaziy Osiyo bo‘yicha hech qanday maxfiy kun tartibi hamda mintaqa davlatlarini kim bilan bo‘lish borasidagi geosiyosiy tanlov qarshisida qoldirish rejasi yo‘qligini aytdi.
Farhod Arziyev: Rossiya bilan do‘stona munosabatlarni rivojlantirish — O‘zbekiston tashqi siyosatining ustuvor yo‘nalishlaridan biri
Rossiya bilan yaqin sheriklik va do‘stlik aloqalarini rivojlantirish O‘zbekiston xalqaro hamkorligining ustuvor yo‘nalishlaridan biridir, dedi mamlakat tashqi ishlar vazirining birinchi o‘rinbosari Farhod Arziyev Toshkentda o‘tkazilgan «Valday» klubi konferensiyasida.
Qo‘shimcha imkoniyatlarga ega bulish uchun saytda ro‘yxatdan o‘ting