Qashqadaryo viloyatida «Matiz» avtomashinasi nosoz yo‘lni aylanib o‘tish chog‘ida qarama-qarshi yo‘nalishga chiqib ketib, «Cobalt» avtomashinasi bilan to‘qnashuv sodir etdi. Mazkur YTH oqibatida ikki kishi vafot etgan.
Dam olish kunlari antitsiklon periferiyasi kuchayib, havo harorati odatdagidan biroz past bo‘ladi. Kunduzi havo harorati 4−7 daraja iliqqacha ko‘tarilib, kechalari 4−7 daraja sovuqqacha, shimolning eng chekkasida ba’zi joylarda 17−20 daraja sovuqqacha bo‘ladi.
O‘zbekistonga Rossiyaning koronavirusga qarshi «Sputnik V» vaksinasi olib kelindi. Preparat namunalari O‘zbekiston hududida vaksinani ro‘yxatdan o‘tkazish va sanoat ishlab chiqarishni yo‘lga qo‘yish uchun zarur bo‘lgan sinovlar uchun yetkazildi.
Prezident Shavkat Mirziyoyev Toshkent metallurgiya zavodini ishga tushirdi. Mazkur majmuada birinchi bosqichda 400 mln dollarga yaqin mablag‘ tejaladi, yiliga 90 mln dollarlik mahsulot eksport qilinadi. Davlat rahbari ushbu majmua ochilishini «tarixiy voqea» deb atadi. «Harakatlarimizning asosiy maqsadi yaqin yillarda yaxlit, „noldan tayyor mahsulotgacha“ bo‘lgan metall ishlab chiqarish klasterini yaratishdan iborat», — dedi prezident.
Fayzulla Mamanov Surxondaryo viloyati hokimi birinchi o‘rinbosari lavozimiga tayinlandi. U Toshkent tumani hokimining moliya-iqtisodiyot va kambag‘allikni qisqartirish masalalari bo‘yicha birinchi o‘rinbosari — Iqtisodiy taraqqiyot va kambag‘allikni qisqartirish bo‘limi boshlig‘i sifatida faoliyat yuritib kelgan.
Prezident Shavkat Mirziyoyev rossiyalik hamkorlar bilan muzokaralarda TAPOiCh aviazavodining taqdiri muhokama qilinganini ma’lum qildi. «Meni ham alamim bor. Dunyoda sanoqli samolyot chiqaradigan davlatlar bor edi, biz uni o‘z qo‘limiz bilan yopdik, ming afsus. Lekin baribir biz uni tiklashga juda ko‘p harakat qilayapmiz», — dedi davlat rahbari.
Prezident Shavkat Mirziyoyev Rossiya Federatsiyasi sanoat va savdo vaziri Denis Manturov boshchiligidagi delegatsiyani qabul qildi. Muzokaralar davomida metallurgiya mahsulotlari ishlab chiqarish bo‘yicha yirik va zamonaviy korxonani tashkil etish loyihasi ikki davlat o‘rtasidagi samarali hamkorlikning namunasi ekani qayd etildi.
Prezident mamlakatdagi ilm-fan sohasidagi yutuq va kamchiliklar haqida nutq so‘zlab, OTMlarda ilmiy tadqiqotlar darajasi o‘ta past, ilm va innovatsiya masalalari bo‘yicha mas’ul prorektorlar umuman ishlamayotganini qayd etdi. Bundan tashqari, hududlardagi suv xo‘jaligi sohasidagi muammolarga ham to‘xtalib o‘tildi.
O‘zbekistondan Rossiyaga yetib borgan 1 tonna quritilgan o‘riklar orasida karantin ahamiyatiga ega bo‘lgan zararli organizm — kapr qo‘ng‘izi (Trogoderma granarium Ev.) aniqlangan. Ushbu partiya Rossiya fitosanitariya talablariga muvofiqligini tasdiqlovchi o‘zbekcha sertifikat bilan Rossiyaga olib kirilgan. Kapr qo‘ng‘izi O‘zbekistonda rasmiy ravishda yo‘q qilingan ob’ekt hisoblanadi.
Andijon viloyati prokuraturasi bloger Otabek Nuritdinovga qarshi qo‘zg‘atilgan jinoyat ishini bekor qildi. Avvalroq Andijon shahridagi 25-maktab direktori o‘rinbosari Gulchehra Mirzayevaning shikoyatidan so‘ng ish ochilgan edi.
Xelga Shmid YeXHTning yangi bosh kotibi, Tereza Ribeyru OAV erkinligi bo‘yicha vakili, Matteo Mekachchi DIIHB direktori bo‘ladi.
Monopoliyaga qarshi kurashish qo‘mitasining sud qarori ustidan apellyatsiya shikoyati qabul qilindi. Sud 11 dekabr kuni UzAuto Motors ishini qayta ko‘rib chiqadi.
Natasha va Lyuda — Smolensk viloyatidan bo‘lgan opa-singillar. 2019 yilda ular ishdan bo‘shash uchun ariza yozib, iti Yuni o‘zlari bilan olib, Markaziy Osiyo bo‘ylab ko‘p oylik velosayohatiga chiqdilar. Ularni barqaror ish joyini velosiped egariga, issiq orom ko‘rpalarni sayyohlik chodiriga almashtirishga nima majbur qildi va uyni yo‘lda his qilish nima ekanligi haqida — “Gazeta.uz” materialida.
BMTning O‘zbekistondagi doimiy koordinatori Xelena Frayzer inson huquqlari doirasida so‘z erkinligining ahamiyati haqida so‘zladi. Shuningdek, u blogerlar, jurnalistlar, OAV xodimlari faoliyatini erkin olib borishlariga ta’qiqlar qo‘yilmasligini va bunday vaziyatlarda ximoya choralari ko‘rilishi mumkinligini ta’kidlab o‘tdi.
3 dekabr kuni qabul qilingan prezident farmoniga ko‘ra, 2021 yilda 2−3 sentyabr kunlari qo‘shimcha dam olish kunlari etib belgilandi.
Toshkent shahrida Yaponiya raqamli universiteti tashkil etildi. Universitet axborot-kommunikatsiya texnologiyalari va axborot tizimi kabi sohalarda mutaxassislarni tayyorlashga ixtisoslashadi. O‘qitish yapon va o‘zbek tillarida to‘lov-kontrakt asosida amalga oshiriladi.
Senat raisining birinchi o‘rinbosari Sodiq Safoyev koronavirus pandemiyasi davridagi so‘z erkinligining ahamiyati haqida so‘zladi. «So‘z erkinligi, matbuot erkinligi — demokratiyaning qon aylanish tizimidir, usiz bu tushunchalar faoliyat ko‘rsata olmaydi», — deya ta’kidladi u.
Koronavirusga chalinish holatlari kamaygani sababli COVID-19 bemorlarini davolashga ixtisoslashgan yana 3 ta shifoxona — Toshkent shahar tez tibbiy yordam klinik shifoxonasi, Toshkent shahar perinatal markazi va Toshkent shahar 3-son yuqumli kasalliklar shifoxonalari o‘z yo‘nalishi bo‘yicha odatiy ish faoliyatiga qaytdi.
Xalqaro nogironligi bo‘lgan insonlar kuniga bag‘ishlab «Gazeta.uz» YUNISEF tomonidan tayyorlangan oddiy maktabga boruvchi, tengdoshlari bilan oson do‘stlashuvchi va doimo kulib turuvchi Daun sindromi mavjud bo‘lgan 8 yoshli bola haqidagi hikoyani taqdim etadi.
Savdo-sanoat palatasi viloyat hududiy boshqarmasi boshlig‘i Vahob Qahhorov Buxoro viloyatining Peshko‘ tumaniga, Jarqo‘rg‘on tumani hokimi lavozimida faoliyat yuritib kelayotgan Ziyodulla Davlatov esa Surxondaryo viloyatining Sherobod tumaniga hokim etib tasdiqlandi.
Qo‘shimcha imkoniyatlarga ega bulish uchun saytda ro‘yxatdan o‘ting