Shavkat Mirziyoyev buxorolik mehnat faxriysi xonadonida mehmon bo‘ldi
Prezident buxorolik mehnat faxriysi Ne’mat ota Xotamov xonadonida mehmon bo‘ldi. O‘tgan yili bu yerda 7 qavatli zamonaviy uylar, savdo va xizmat ko‘rsatish shoxobchalari barpo etilgandi. Shu bilan davlat rahbarining safariga yakuniga yetib, Toshkentga qaytib keldi.
Tojikistonda Millat yetakchisi muzeyi ochildi
Tojikiston milliy universitetida Prezident Emomali Rahmon sharafiga «uning xalq va davlat oldidagi xizmatlarini abadiylashtirish uchun» muzey ochildi.
Toshkentda 4 ta avtomashina ishtirokida YTH ro‘y berdi
Toshkentning Yashnobod tumanidagi Ashxabod bog‘i yaqinida to‘rtta mashina to‘qnashib, besh kishi, jumladan, bir bola jarohatlandi.
O‘zbekiston bo‘ylab 550 mingdan ortiq iste’molchi elektrsiz qoldi
Noqulay ob-havo sharoiti sababli 110 kV kuchlanishli 7 dona havo liniyalarida va 6−10 kV kuchlanishli 476 dona havo liniyalarida uzilishlar vujudga kelgan, trasformator punktlariga shikast yetkazilgan. 550 mingdan ortiq iste’molchi elektrsiz qoldi. Hozirda ularning deyarli 60% tarmoqqa qayta ulangan.
Toshkentda avtobus va maxsus transport uchun alohida yo‘laklar tashkil etiladi
Poytaxtning bir nechta ko‘chalarida avtobus, yo‘nalishli taksi, tez tibbiy yordam, o‘t o‘chiruvchi mashinalar harakati uchun alohida ajratilgan yo‘laklar tashkil etilishi rejalashtirilmoqda.
Yangi-Angren IESdagi portlash bo‘yicha jinoyat ishi ochildi
Yangi-Angren issiqlik elektr stansiyasidagi portlash natijasida uch kishi vafot etgan edi, yana uch nafari kuyish tan jarohatlari bilan shifoxonaga yotqizilgan. Holat yuzasidan jinoyat ishi ochildi.
Kanadaning general-gubernatori iste’foga chiqdi
Kanada ijrochi hukumati boshqaruvchisi Juli Peyett ish joyida «zaharli muhit» yaratganlikda ayblanganidan so‘ng iste’foga chiqishini e’lon qildi. Uning idorasidagi xodimlar jamoat oldida haqorat qilishlar va kamsitilishlar bo‘lganidan shikoyat qilishgan.
170 dan ortiq madaniyat ob’ektlari xususiy boshqaruvga o‘tkaziladi
Madaniyat va san’at sohasidagi 170 dan ortiq davlat ob’ekti faoliyat turini saqlab qolish sharti bilan xususiy boshqaruvga o‘tkaziladi.
Prezident: Shuhrat G‘aniyev va Jamshid Xo‘jayev tizimni to‘g‘ri yo‘lga qo‘ymasa, ishdan ketadi
Prezident Buxoroda Xalq deputatlari viloyat kengashining yig‘ilishida qishloq xo‘jaligi juda orqada qolayotganini ta’kidladi. Tizimni to‘g‘ri yo‘lga qo‘ymasa bosh vazir o‘rinbosari Shuhrat G‘aniyev hamda qishloq xo‘jaligi vaziri Jamshid Xo‘jayevni ishdan bo‘shatishini aytdi.
Dam olish kunlari sovuq havo saqlanib turadi
Dam olish kunlari sovuq ob-havo davom etadi. Kechasi havo harorati 10 darajagacha sovuq bo‘ladi, kunduzi esa noldan yuqori bo‘lmaydi, faqat yakshanba kuni havo biroz isiydi.
«Buxoro boshqa viloyatlardan 10 yil orqada qolyapti» — prezident
Shavkat Mirziyoyev Buxorodagi tashrifi doirasida viloyatning ijtimoiy-iqtisodiy sohalarini rivojlantirish bo‘yicha topshiriqlar berdi. «Buxoroning bugungi rivoji ma’qulmi, degan savolga mening javobim: yo‘q. Korrupsiya, poraxo‘rlik barham topmayapti», — dedi davlat rahbari. Prezident muammolarni bartaraf etishda mahallaning roli oshirilishiga to‘xtaldi.
Sirdaryo, Andijon va Buxoroda ham elektr ta’minotida uzilishlar kuzatilmoqda
Sirdaryo, Andijon va Buxoro viloyatlaridagi bir qancha hududlar ham elektr ta’minotidan uzildi. Viloyatlardagi Favqulodda vaziyatlar boshqarmalari va Hududiy elektr tarmoqlari xodimlari tomonidan tezkor ishlar amalga oshirilayotgani ma’lum qilindi.
Jizzax viloyati hokimining sobiq o‘rinbosari va boshqalarga nisbatan jinoyat ishi qo‘zg‘atildi
Jizzax viloyati hokimining sobiq o‘rinbosari Akram Rahmonqulov, tender komissiyasi mansabdorlari va qurilish kompaniyalari rahbarlariga nisbatan jinoyat ishi qo‘zg‘atildi. Ular o‘zlashtirish, mansab vakolatini suiiste’mol qilish va mansab soxtakorligida ayblanmoqda.
Kollejlar tizimi to‘lig‘icha Mehnat vazirligiga o‘tkaziladi — Shavkat Mirziyoyev
Hozirda Oliy va o‘rta maxsus ta’lim vazirligi tasarrufida bo‘lgan kollejlar Bandlik va mehnat munosabatlari vazirligiga o‘tkaziladi. «Kollejlarning joyi shu vazirlikda, oliy ta’limda emas», — dedi prezident.
Botir Zaripov Buxoro viloyati hokimi etib tasdiqlandi
Buxoro viloyati xalq deputatlari Kengashining yig‘ilishida Botir Zaripov viloyat hokimi lavozimiga tasdiqlandi. «Buxoroning suvini ichib, changini yutib ulg‘aygan yigit viloyat sharoitini yaxshi biladi. Eng muhimi, buxoroliklarni yaxshi ko‘radi», — dedi Shavkat Mirziyoyev viloyat Xalq deputatlari kengashida.
Fuqarodan 30 ming AQSH dollari talab qilgan hokimiyat xodimlariga jinoyat ishi qo‘zg‘atildi
Samarqand viloyatining Urgut tumanida hokimiyat xodimlari erkin iqtisodiy zonadan 1 gektar yerni fuqaroga berish evaziga 30 ming AQSH dollarini talab qilgani aniqlandi. Xodimlarga nisbatan jinoyat ishi qo‘zg‘atildi.
«Tannarxni yana pasaytirsa bo‘ladi» — prezident to‘qimachilik korxonasida bo‘ldi
Prezident Buxorodagi 65 mlnlik to‘qimachilik korxonasi faoliyati bilan tanishdi. Korxonaning Buxoro, Toshkent, Samarqand va Namangan shaharlarida savdo dokonlari bor, mamlakatda yana 50 tasini ochish ko‘zlangan. Xorijdagi O‘zbekiston elchixonalari yordamida chet elda ham savdo nuqtalarini ochish reja qilingan.
Xorazm va Qashqadaryoning ko‘pgina hududlari elektr energiyasiz qoldi
Horazm va Qashqadaryo viloyatining bir qancha tumanlarida elektr ta’minoti to‘xtatildi. Uzilishlar noqulay ob-havo sharoiti tufayli kelib chiqqanligi aytilmoqda.
AQSH Xonobod bazasida xizmat qilgan harbiylarni tibbiy ko‘rikdan o‘tkazadi
AQSHning sobiq prezidenti Donald Tramp 19 yanvar kuni Qarshi-Xonobod bazasida xizmat qilgan barcha faxriy harbiylarni tibbiy ko‘rikdan o‘tkazish to‘g‘risida farmonni imzoladi. Ma’lum qilinishicha, ushbu zona kimyoviy qurol qoldiqlari, qayta ishlangan uran va boshqa xavfli moddalar bilan zaharlangan bo‘lgan.
Jahon yangiliklari dayjesti
Mo‘g‘uliston bosh vazirining ko‘zi yorigan ayol bilan bog‘liq janjaldan so‘ng iste’fosi, Buyuk Britaniya fuqarolari uchun Yevropa Ittifoqiga kirishga taqiq ko‘yilishi mumkinligi, AQSHning JSST va Parij iqlim kelishuviga qaytgani va boshqa yangiliklar — «Gazeta.uz»ning jahon yangiliklari dayjestida.
Qo‘shimcha imkoniyatlarga ega bulish uchun saytda ro‘yxatdan o‘ting