Toshkent metrosining poyezdlarida vagonlar soni ko‘paytiriladi
Toshkent metropolitenining to‘rtta poyezdiga bittadan vagon qo‘shildi. Bunday poyezdlar o‘rtacha 1300 nafar yo‘lovchini tashishi mumkin. Tez orada besh vagonli poyezdlar soni 12 taga yetkaziladi.
FVV Andijondagi uchta xonadonda portlash yuz berganini rad etdi
FVV Andijon tumandagi uchta xonadonda portlash sodir bo‘lganini inkor etib, faqat xonadonlarning birida yong‘in kelib chiqqanini ma’lum qildi. Buning oqibatida uyning 50 kv. metr maydoniga zarar yetgan, jarohatlangan va halok bo‘lganlar yo‘q.
Fujairah Open-2023: o‘zbekistonlik taekvondochilar 6 ta oltin medal oldi
BAAda taekvondo bo‘yicha o‘tayotgan Fujairah Open-2023 musobaqasining kattalar o‘rtasidagi bahslarida O‘zbekiston terma jamoasi 9 ta medal oldi. Ularning 6 tasi oltin (ilk bor), 2 tasi kumush va bittasi bronza.
O‘zbekiston va Ispaniya o‘rtasida to‘g‘ridan-to‘g‘ri aviaqatnovlar yo‘lga qo‘yilishi mumkin
O‘zbekistonning Madriddagi elchixonasida Ispaniya sayyohlik kompaniyalaridan biri bilan ikki davlat o‘rtasida to‘g‘ridan-to‘g‘ri va charter reyslarini yo‘lga qo‘yish muhokama qilindi. Bu bo‘yicha bir necha soha vakillari uchun infotur tashkillashtirish masalasini ham ko‘rib chiqildi.
O‘zbekistonning Istanbuldagi Bosh konsulxonasi Turkiyadagi fuqarolarga murojaat yo‘lladi
O‘zbekistonning Istanbul shahridagi Bosh konsulxonasi Turkiyaning janubiy viloyatlarida bo‘lib turgan fuqarolarga murojaat qildi. Ko‘chada qoling, lekin binolar yonida turmang, ochiq joyga o‘ting, — deyiladi xabarda.
12 yoshli qizning jasadi topilgan hududda obodonlashtirish ishlari boshlandi
Yangihayot tumanida 12 yoshli qizning jasadi topilgan tashlandiq hududni obodonlashtirish ishlari boshlandi. Hududdagi daraxtlarning ortiqcha shoxlari olinib, yo‘llar ochiladi, chiroqlar o‘rnatiladi. Avvalroq marhumaning buvisi ko‘chalar yoritilmasligi, kameralar yo‘qligidan shikoyat qilgandi.
«Bu bankni obro‘sizlantirish hisoblanadi». «Agrobank» Qashqadaryo viloyati prokuraturasi tarqatgan xabarga munosabat bildirdi
«Agrobank» ATB Qashqadaryo viloyati prokuraturasi tarqatgan bankning Qamashi filiali tomonidan 4 mlrd so‘m talon-toroj qilingani haqidagi xabarga munosabat bildirdi. «OAV orqali ma’lumot tarqatish shaxsning huquqini poymol qilish va bankni obro‘sizlantirish deb hisoblanadi», — deyiladi xabarda.
«Bemor bergan mablag‘ni e’tirof etish mamlakat siyosatiga zid». Antikorrupsiya agentligi jamoatchilik kengashi SSV rahbarining taklifi haqida
SSV rahbari oyligi xarajatlariga yetmayotgan shifokorlarga «bemorga mehr bilan yondashsangiz, o‘zi sizga berib ketadi» mazmunida taklif bildirgandi. Antikorrupsiya agentligi huzuridagi jamoatchilik kengashiga ko‘ra, bu mamlakat siyosatiga zid harakat va tizimga xalqning ishonchi kamayishiga sabab bo‘ladi.
Nukus voqealari bo‘yicha yangi sud jarayoni boshlandi. 39 nafar sudlanuvchiga ayblov e’lon qilindi
O‘tgan yozda Qoraqalpog‘istonda sodir bo‘lgan voqealarda ishtirok etganlikda gumon qilingan yana 39 nafar fuqaro ustidan Buxoroda sud jarayoni boshlandi. Ular orasida bank huquqshunosi, advokat, jurnalistlar, haydovchilar, ishsizlar va boshqalar bor. Ularga nisbatan jinoiy ish qo‘zg‘atildi.
O‘zbekiston Turkiyaga gumanitar yordam va qutqaruvchilarni jo‘natadi
O‘zbekiston Turkiyaga zilziladan jabr ko‘rganlar uchun gumanitar yordam va Favqulodda vaziyatlar vazirligining bir guruh qutqaruvchilarini jo‘natadi.
O‘zbekistonda «Tashabbusli budjet»ning yangi mavsumi boshlandi
Iqtisodiyot va moliya vazirligi tashabbusli budjetlashtirishning yangi mavsumi boshlanganini e’lon qildi. Unda fuqarolar infratuzilma, yo‘l, maktab va boshqa obyektlarni yaxshilash bo‘yicha loyihalarni taklif etib, mahalliy budjetning bir qismini taqsimlashda ishtirok etadi. Takliflar 26 fevralgacha qabul qilinadi.
Toshkent va Jizzaxda sodir bo‘lgan 4 ta YTHda 4 kishi vafot etdi
27−30 yanvar kunlari oralig‘ida Toshkent shahri va Jizzax viloyatida odam o‘limi bilan bog‘liq 4 ta yo‘l-transport hodisasi sodir bo‘lgan. Oqibatda 4 nafar fuqaro vafot etgan, 2 nafari jarohatlangan.
Fransiya kompaniyasi Toshkentdagi obyektlarga quyosh panellari o‘rnatadi
Toshkent shahri hokimi o‘rinbosarlari Fransiya kompaniyasi vakillari bilan uchrashuv o‘tkazdi. Unda poytaxtdagi qator obyektlarga quyosh panellarini o‘rnatishga qaratilgan loyiha muhokama qilindi. «Loyihaning texnik, iqtisodiy va huquqiy hujjatlari takomiliga yetkazilmoqda», — deyiladi axborotda.
Hafta yarmidan havo yana soviy boshlaydi
O‘zbekistonda 6−8 fevral kunlari havo iliq bo‘ladi. Harorat +20 darajagacha ko‘tariladi. Biroq hafta o‘rtasida mamlakatga Rossiyadan sovuq antitsiklon kirib keladi. Kunduzi harorat −2 daraja, kechasi -12 darajagacha pasayishi mumkin.
Shavkat Mirziyoyev Turkiya prezidentiga hamdardlik yo‘lladi
Turkiyada 7 balli zilzila ro‘y berib, oqibatda ko‘plab odamlar halok bo‘ldi. Shavkat Mirziyoyev prezident Rejep Tayyip Erdog‘anga hamdardlik yo‘lladi. O‘zbekiston TIV hozircha zilzilada o‘zbekistonliklar jabrlangani bo‘yicha murojaat kelib tushmaganini ma’lum qildi.
O‘zbekistondan AQSh vizasi uchun berilgan arizalarning 47 foizi rad etildi
AQSh 2022 yilda turistik va ishbilarmonlik vizasi uchun o‘zbekistonliklar topshirgan arizalarning 47 foizini rad etdi, bu 2021 yilga nisbatan yomonroq, biroq avvalgi yillarga qaraganda yaxshiroq ko‘rsatkich sanaladi.
Namanganda fuqaro ekstremistik g‘oyalarni targ‘ib qiluvchi virtual guruh ochganlikda gumonlanmoqda
Namanganda fuqaro Telegram`da ekstremistik g‘oyalarni targ‘ib qiluvchi 9 kishilik guruh ochib, unda Suriyadagi «Tavhid va jihod katibasi» terroristik tashkiloti safiga qo‘shilishga da’vat qilib kelgani aytilmoqda. Holat bo‘yicha jinoyat ishi ochildi.
Banklarda dollarning sotish kursi 11 375 so‘mgacha oshdi
Tijorat banklari 6 fevral kuni aholidan 1 AQSh dollarini 11 240 — 11 335 so‘mdan sotib olmoqda, sotish kursi esa aksariyat banklarda 11 375 so‘m.
Qashqadaryoda «Agrobank» filiali mansabdorlari salkam 4 mlrd so‘mni talon-toroj qilgani aytilmoqda
«Agrobank» ATB Qamashi tumani filiali mansabdor shaxslari salkam 4 mlrd so‘mni o‘zlashtirish va rastrata qilish yo‘li bilan talon-toroj qilganlikda gumonlanmoqda. Tergov davomida ularning 3 nafariga qamoqqa olish ehtiyot chorasi qo‘llanildi.
O‘zbekistonlik dzyudochilar «Katta dubulg‘a» turnirini 2 ta bronza medali bilan yakunladi
Fransiyada o‘tgan dzyudo bo‘yicha «Katta dubulg‘a» turnirida 7 nafar bo‘lib qatnashgan O‘zbekiston terma jamoasi 2 ta bronza medalni qo‘lga kiritdi. Birinchi bronzaga Kamoliddin Baxtiyorov, ikkinchi medalga o‘zaro vatandoshi bilan kurashgan Alisher Yusupov ega chiqdi.
Qo‘shimcha imkoniyatlarga ega bulish uchun saytda ro‘yxatdan o‘ting