YUNEP o‘simlik diyetasiga o‘tishni maslahat bermoqda
Asosan don, dukkakli ekinlar, meva va sabzavotlar kabi mahsulotlarga asoslangan diyetaga o‘tish nafaqat inson salomatligiga, balki atrof-muhitga ham foyda keltiradi. Ammo hozirgi kunga qadar, ovqatlanish bo‘yicha milliy ko‘rsatmalarning aksariyati ushbu yondashuvga amal qilmaydi, deb hisoblaydi YUNEP.
Aholi tomonidan sotilgan valyuta hajmi $2,5 mlrd ga yetdi
Yanvar-iyul oylarida aholi tomonidan banklarga 2,5 mlrd dollar sotildi, bu o‘tgan yilning shu davriga nisbatan 50 foizga ko‘p. Sotib olingan valyutalar hajmi esa 2 mlrd dollarga teng.
3000 dan ortiq dorixonalarga rasmiy ogohlantirish berildi
Koronavirus infeksiyasining tarqalishi oqibatida ko‘pchilik dorixonalarda COVID-19 bilan davolanish uchun zarur bo‘lgan vositalarning tanqisligi va narxlarning oshirilishi kuzatilmoqda. Bu borada 3000 dan ortiq dorixona xodimlari rasmiy ogohlantirilgan. Dorixonalarda hattoki dori vositalarini tovar chekisiz sotish holatlari ham kuzatilgan.
Kun davomida 598 ta koronavirus holati aniqlandi
O‘zbekistonda kun davomida 598 ta koronavirus holati aniqlanib, umumiy ko‘rsatkich 36 mingtaga yaqinlashdi. Kasalxonalarda 4,1 ming bemor qoldi.
Buxoro hokimligi Karim Kamolov o‘limi haqidagi xabarlarni rad etdi
Sog‘liqni saqlash vazirligi va Buxoro viloyati hokimiyati hudud rahbari Karim Kamolovning vafot etgani to‘g‘risidagi xabarlarni inkor etdi. Hokim poytaxtdagi Akfa Medline klinikasida davolanmoqda.
Mehnat migrantlariga past stavkadagi kreditlar ajratiladi
Prezident mehnat migrantlariga yo‘l haqi, patent va sug‘urta xarajatlari uchun 10 million so‘mgacha past stavkada kreditlar ajratish bo‘yicha ko‘rsatmalar berdi. Tashqi mehnat migratsiyasi agentligi filiallari xorijiy ish beruvchilar bilan bevosita shartnoma tuzish, migratsiya xizmatlari bilan muzokaralar o‘tkazish huquqiga ega bo‘ladi.
Sug‘urtasiz avtomobillarni jarima maydoniga qo‘ymaslik to‘g‘risidagi qonun loyihasi ishlab chiqildi
Deputatlar transport vositalari egalarining o‘z fuqarolik javobgarligini majburiy sug‘urta qilmaganligi uchun transport vositasini jarima maydonida majburiy ushlab turish amaliyotini bekor qilishni ko‘zda tutuvchi qonun loyihasini ishlab chiqishdi.
Farg‘ona vodiysida «Technovation Girls» onlayn treninglariga ro‘yxatdan o‘tish boshlandi
«Technovation Girls» xalqaro dasturi O‘zbekiston Yoshlar Ittifoqi va BMTning «Farg‘ona vodiysi yoshlarining ijtimoiy uyg‘unligi» loyihasi bilan birgalikda Andijon, Namangan va Farg‘onadagi qizlar va ularning ustozlari uchun bepul onlayn treninglarida qatnashish bo‘yicha arizalarni 20 avgustga qadar qabul qiladi. Dastur 4 oylik onlayn-mashg‘ulotlardan iborat bo‘ladi.
Fornite asoschisi Apple va Google ni sudga berdi
Ommabop o‘yinlardan bo‘lgan Fortnite App Store va Google Play da blokirovka qilingach, Epic Games kompaniyasi kompaniyalarni sudga berdi. Pavel Durov va Mark Sukerberg Apple ning 30 foizlik komissiyasini tanqid qilib chiqishdi.
Yevropaning neft qazib oluvchi kompaniyalari yangi konlarni o‘zlashtirishdan voz kechmoqda
Yevropaning neft qazib olish sohasidagi mutaxassislari endilikda milliardlab dollarlik neft va gaz zaxiralari hech qachon qazib olinmasligini tan olishdi, deb yozadi Bloomberg. Shu jumladan, Buyuk Britaniyaning BP kompaniyasi avgust oyi boshida mamlakatlarda yangi geologik hududlarni o‘rganishdan butunlay voz kechishini e’lon qildi.
13 yoshli abituriyent yoshini kichraytirganlikda gumon qilinmoqda
Oliy ta’lim muassasalariga kirish uchun bo‘lib o‘tgan onlayn qabulda eng yosh deb tan olingan 13 yoshli abituriyent yoshini kichraytirganlikda gumon qilinmoqda. Uning aslida 16 yosh ekanligi aniqlandi.
Hafta boshida havo bulutli va yomg‘irli bo‘ladi
Haftaning ilk kunlarida O‘zbekistonda qisqa muddatli yog‘ingarchiliklar kuzatilishi va haroratning biroz pasayishi kutilmoqda. Haftaning ikkinchi yarmida havo biroz bulutli bo‘ladi va harorat +37 darajagacha ko‘tariladi.
O‘zbekiston hududida shu yilning o‘zida uch mingdan ortiq YTH sodir etilgan
2020 yilning 7 oyi davomida respublika hududida 3012 ta YTH sodir etilgan. Ularning 808 tasi o‘lim bilan yakunlangan.
Dollarning rasmiy kursi yana ko‘tarildi
Dollarning rasmiy kursi deyarli 15 so‘mga qimmatlab, jami 10 246 so‘m etib belgilandi. Bu AQSH milliy valyutasining uchinchi hafta oshishi. Yevro va rubl kurslari ham ko‘tarildi.
Navoiy hokimi Kobul Tursunov koronavirusdan tuzaldi
Navoiy viloyati hokimi Kobul Tursunov koronavirusdan to‘liq sog‘aydi, hamda o‘z faoliyatini davom ettirish uchun poytaxtdan Navoiyga qaytib keldi.
Surxondaryo hokimi To‘ra Bobolov koronavirusdan tuzaldi
Surxondaryo viloyati hokimi To‘ra Bobolov koronavirusdan to‘liq sog‘ayib, vohaga qaytdi.
«O‘zbekistonda 100 ming aholi soniga 67 nafar mahkum to‘g‘ri keladi» — Ichki ishlar vaziri
Ichki ishlar vaziri Po‘lat Bobojonov hozirda jazoni ijro etish tizimida 22,9 ming nafar mahkum saqlanishini, har 100 ming aholi soniga nisbatan 67 nafar shaxs to‘g‘ri kelishini ma’lum qildi. Jazoni ijro etish tizimidagi koloniyalarning sig‘imiga nisbatan saqlanayotganlar ko‘rsatkichi 56,4 foizni tashkil qilmoqda. Vazir endilikda jazoni ijro etish muassasalari va tergov hibsxonalari soni, ularning yuridik manzillari, saqlanayotgan shaxslar soni to‘g‘risidagi ma’lumotlar endi maxfiy hisoblanmasligini ta’kidladi.
Minskda Belarus tarixidagi eng yirik namoyish bo‘lib o‘tdi
16 avgust kuni Minskda Aleksandr Lukashenko tarafdorlari va uning hokimiyatiga qarshilar ishtirokidagi namoyishlar bo‘lib o‘tdi. Lukashenko tarafdorlari namoyishida bir qismi byudjet tashkilotlari xodimlaridan iborat bo‘lgan 65 ming kishi yig‘ildi. Oppozitsiya tarafdorlari namoyishida esa 200 ming odam qatnashdi — bu Belarus tarixidagi eng yirik namoyish bo‘ldi.
Koronavirus holatlari 35,5 mingdan oshdi
O‘zbekistonda 184 ta yangi koronavirus bilan kasallanish holatlari qayd etildi. 2 nafar koronavirus bemori esa vafot etdi. Hozirda koronavirusdan davolanayotgan 813 nafar bemorning ahvoli og‘ir, 234 nafari o‘ta og‘ir ahvolda.
Video, foto: O‘zbekistonda Havo floti kuni nishonlandi
O‘zbekistonda Havo floti kuni nishonlandi. Xonabod va Chirchiqdagi aerodromlarda Mudofaa vazirligining Havo hujumidan mudofaa va Harbiy havo kuchlari ko‘rgazmali mashg‘ulotlari bo‘lib o‘tdi.
Qo‘shimcha imkoniyatlarga ega bulish uchun saytda ro‘yxatdan o‘ting