Iqtisodiyot
Dilshod Ikromov Uzcard rahbari bo‘ldi
Ilgari Markaziy bankning Axborot texnologiyalari departamenti direktori bo‘lib ishlagan Dilshod Ikromov Axror Mahmudov o‘rniga Uzcard kompaniyasining rahbari bo‘ldi.
UzAuto Motors avtomobillari narxi arzonlashtiriladi
UzAuto Motors avtomobillar narxlarini 3 mln so‘mdan 19 mln so‘mgacha asossiz oshirgani aniqlandi. Kompaniyaga narxlarning asossiz oshirilgan qismlarini bekor qilish va avtomobillarni kamaytirilgan narxlarda sotish bo‘yicha ko‘rsatma berildi.
Hojatxonasi yo‘q AYOQSHlarga neft mahsulotlari va gaz yetkazib berish to‘xtatilishi mumkin
1 sentyabrdan hojatxonalar bilan ta’minlanmagan AYOQSHlarga neft mahsulotlari va gaz yetkazib berish to‘xtatilishi, ular litsenziyasi bekor qilinishi mumkin. Ular ushbu talabni 1 martga qadar bajarishlari kerak edi, biroq muddat uzaytirildi.
Aholi tomonidan sotilgan valyuta hajmi $2,5 mlrd ga yetdi
Yanvar-iyul oylarida aholi tomonidan banklarga 2,5 mlrd dollar sotildi, bu o‘tgan yilning shu davriga nisbatan 50 foizga ko‘p. Sotib olingan valyutalar hajmi esa 2 mlrd dollarga teng.
Dollarning rasmiy kursi yana ko‘tarildi
Dollarning rasmiy kursi deyarli 15 so‘mga qimmatlab, jami 10 246 so‘m etib belgilandi. Bu AQSH milliy valyutasining uchinchi hafta oshishi. Yevro va rubl kurslari ham ko‘tarildi.
Bo‘stonliqda «Bildirsoy-Chimyon-Nanay» xalqaro kurorti tashkil etiladi
Toshkent viloyatining Bo‘stonliq tumanida fransuz kompaniyasi konsorsiumi bo‘yicha «Bildirsoy-Chimyon-Nanay» xalqaro kurorti tashkil etiladi. Loyihaning umumiy qiymati 480 mln dollar bo‘lib, shundan 280 mln dollari to‘g‘ridan-to‘g‘ri investitsiyalar hisoblanadi.
Davlat byudjetidan 706 mlrd so‘m optimallashtiriladi
Koronavirusga qarshi kurashish uchun zahira yaratish maqsadida 2020 yildagi davlat byudjetidan 706 mlrd so‘m mablag‘ni maqbullashtirish taklif etildi. Hukumat qarori loyihasiga ko‘ra, byudjet tashkilotlari xodimlariga rejalashtirilgan moddiy rag‘batlantirish maxsus jamg‘armasi hamda direktor jamg‘armasi mablag‘lari hisobidan to‘lovlar hisoblanishi oktyabr-dekabr oylari uchun to‘xtatib turiladi.
Hududlarda «sanoat klasterlari» tashkil etiladi
Prezident bosh vazir o‘rinbosariga har bir hududda «sanoat klasterlari» tashkil etish bo‘yicha topshiriq berdi. Xususan, Namanganda to‘qimachilik, Navoiyda qurilish materiallari, Toshkent viloyatida farmatsevtika, poytaxtda elektronika va mebel bo‘yicha «sanoat klasterlari»ni tashkil etish mumkinligi ta’kidlandi.
Yanvar-iyun oylarida 1 trln so‘mlik bitimlarga oldindan rozilik berildi
Yarim yil davomida Monopoliyaga qarshi kurashish qo‘mitasiga sub’ektlarni qo‘shib yuborish, qo‘shib olish yoki ularning aksiyalarini olish bo‘yicha bitimlarga oldindan rozilik berish bo‘yicha jami 64 ta murojaat kelib tushgan. Umumiy hajmi 1 trln so‘mga teng bo‘lgan ushbu bitimlarning 47,3 foizi xorijiy investorlar hissasiga to‘g‘ri keladi.
Inqirozga qarshi kurashish jamg‘armasining daromad va xarajatlari ma’lum qilindi
Inqirozga qarshi kurashish jamg‘armasi hisobiga 10 trln so‘m kelib tushdi, jamg‘arma xarajatlari esa 7,8 trln so‘mga teng bo‘ldi. Eng ko‘p mablag‘ — jami 4,56 trln so‘m ijtimoiy soha va iqtisodiyotni qo‘llab-quvvatlash sohasiga yo‘naltirildi.
Kambag‘al va ishsiz aholini kasb-hunarga o‘rgatish tizimi joriy etiladi
O‘zbekistonda kambag‘al va ishsizlarni kasb-hunarga va tadbirkorlikka o‘qitish tizimi joriy etiladi. Bu tizim viloyat, tuman (shahar) va mahallalar darajasidagi kasb-hunarga o‘qitish muassasalari hamda nodavlat kasb-hunarga o‘qitish muassasalarini o‘z ichiga oladi.
Xorijga hech qanday hujjatlarsiz olib chiqish mumkin bo‘lgan naqd valyuta miqdori oshadi
1 sentyabrdan boshlab O‘zbekistondan ruxsatnomasiz 100 mln so‘mgacha (9750$), deklaratsiyasiz esa 70 mln so‘mgacha (6800$) ekvivalentidagi naqd chet el valyutasini olib chiqish va mamlakatga olib kirish mumkin bo‘ladi.
OTB vitse-prezidenti — investitsiyalarning to‘rtta yo‘nalishi haqida
Osiyo taraqqiyot banki vitse-prezidenti Shisin Chen Osiyo mamlakatlariga pandemiya sababli yuzaga kelgan inqirozni yengishda yordam beradigan to‘rtta yo‘nalishni taklif qildi. Ular orasida sog‘liqni saqlash va ijtimoiy himoya sohalari ham bor.
Uzcard kompaniyasinig ta’sischilari o‘zgardi
Oldinroq Uzcard kompaniyasining 75 foiz aksiyasiga ega bo‘lgan Oybek Tursunov hozirda kompaniya ta’sischilarining ro‘yxatida yo‘q. Endilikda aksiyalarning 51 foizi «O‘zmilliybank»ga, 6 foizdan aksiya «O‘zsanoatqurilishbank», «Asaka» bank, Ipoteka-Bank va «Aloqabank» banklariga tegishli bo‘lsa, qolgan 25 foiz aksiyalar jismoniy shaxslarga tegishli.
1 mln so‘mgacha maosh oladiganlar soni ko‘paydi
Koronavirus pandemiyasi davrida iqtisodiy faollikning sekinlashuvi ish haqi miqdorlarining pasayishiga olib keldi. Jumladan, 1 mln so‘mgacha maosh oladiganlar soni 100 ming kishiga ko‘payib, 1,77 mln nafarga yetdi.
Yarim yilda Davlat byudjeti defitsiti 6,7 trln so‘mni tashkil etdi
2020 yilning birinchi yarmi yakunlari bo‘yicha Davlat byudjeti ijrosi to‘g‘risida ma’lumot berildi. Unga ko‘ra, yanvar-iyun oylarida Davlat byudjeti daromadlari 58,2 trln so‘mni, xarajatlari esa 64,8 trln so‘mni tashkil etib, defitsit 6,7 trln so‘mga teng bo‘ldi.
Dollarning rasmiy kursi yana ko‘tarildi
Dollarning rasmiy kursi deyarli 22 so‘mga qimmatlab, jami 10 231 so‘m etib belgilandi. Bu AQSH milliy valyutasining ikkinchi hafta oshishi. Yevro va rubl kurslari ham ko‘tarildi.
Sanitariya-epidemiologiya xizmati mutasaddilari 1 mlrd 750 mln so‘mdan ortiq mablag‘ni talon-taroj qilishgan
Andijon, Buxoro, Qashqadaryo, Navoiy, Namangan viloyatlaridagi Sanitariya-epidemiologiya xizmati mutasaddilari tomonidan Inqirozga qarshi kurash jamg‘armasining 1 mlrd 750 mln so‘mdan ziyod mablag‘i talon-taroj qilingan, deya ma’lum qildi senat raisi Tanzila Norbayeva. U shuningdek «Jamoatchilik nazorati to‘g‘risida"gi qonun ishlamayotganiga e’tibor qaratdi.
Qishloq xo‘jaligini rivojlantirish xalqaro jamg‘armasi O‘zbekistonga $47 mln ajratadi
Qishloq xo‘jaligini rivojlantirish xalqaro jamg‘armasi Farg‘ona vodiysida loyihalarni amalga oshirishga $47 mln ajratadi. Ushbu loyiha hududdagi 375 mingdan ortiq aholi daromadlarining o‘sishiga xizmat qilishi kutilmoqda.
UzAuto Motors deputatning fikrlarini populizm va haqiqatni buzib ko‘rsatish deb atadi
UzAuto Motors deputat Rasul Kusherbayevning Monopoliyaga qarshi kurashish qo‘mitasi tomonidan olib borilgan tekshiruvlar haqidagi bergan xabarlariga «populistik fikr-mulohazalar» deb baho berdi hamda «qo‘mita tezislari ochiq-oydin buzilgan» deya munosabat bildirdi.
Eng ko‘p o‘qilgan xabarlar | So‘nggi yangiliklar
- “Men buni eshitmadim”. Energetika vaziri — “O‘ztransgaz”ning ishonchli boshqaruvga berilgani yo yo‘qligi haqida
- To‘qimachilik va tikuv-trikotaj yo‘nalishidagi tadbirkorlarda soliq tekshiruvlari o‘tkazilmaydi
- Gaz va elektr tariflarining oshishi inflyatsiyaga qanday ta’sir qiladi?
- Toshkent-Andijon pulli yo‘li 4,6 mlrd dollarga baholanmoqda — transport vaziri o‘rinbosari
Qo‘shimcha imkoniyatlarga ega bulish uchun saytda ro‘yxatdan o‘ting