«узавтосаноат» тегли мақолалар
Даврон Хидоятов ва Александр Сахапов «Ўзавтосаноат» раҳбари ўринбосарлари бўлди
Даврон Хидоятов «Ўзавтосаноат» бошқарув раисининг инновация ва инвестициялар бўйича ўринбосари, Александр Сахапов эса сотувни ривожлантириш ва маркетинг бўйича ўринбосари этиб тайинланди. Хидоятов ўтган ҳафта 2021 йилдан буён ишлаб келаётган Чирчиқ шаҳри ҳокими лавозимидан кетганди.
Ўзбек-қирғиз автозаводининг ишга туширилиши яна ортга сурилмоқда
Ўзбек-қирғиз қўшма автомобиль заводини ишга тушириш яна ортга сурилди. Қирғизистон иқтисодиёт ва савдо вазирининг сўзларига кўра, бунга об-ҳаво шароити сабаб бўлмоқда. Ишга туширишнинг янги муддати 2024 йилнинг биринчи ярми бўлиши мумкин.
Президент электромобиллар ишлаб чиқаришни ривожлантиришни кечиктирмасликка чақирди
Шавкат Мирзиёев «Ўзавтосаноат»ни трансформация қилишни жадаллаштириш, моделларни кенгайтириш ва маҳсулот сифатини ошириш муҳимлигини таъкидлади. Унинг сўзларига кўра, маҳаллий корхоналар электромобиль ишлаб чиқариш соҳасини ўзлаштириб, талабларга мослашмаса, келажакда бозорда ўрин топишда қийналади.
BYD Жиззах вилоятида гибрид ва электр автомобиллар ишлаб чиқаришни режалаштирмоқда
Хитойнинг BYD компанияси Жиззах вилоятида гибрид ва электр автомобиллар ишлаб чиқаришни йўлга қўйиш, унинг қувватини 300 минг донага етказишни режалаштирмоқда. Шунингдек, Ўзбекистонга электробусларини етказиб бериш ва уларга хизмат кўрсатиш бўйича муҳандислик-сервис марказларини очиш кўзда тутилган.
Ўзбекистон ва Қирғизистон Чуй вилоятида автомобиль заводи қуришни бошлади
«Ўзавтосаноат» акциядорлик жамияти раиси Улуғбек Розуқулов ва Қирғизистон Вазирлар Маҳкамаси раиси Акилбек Жапаров Чуй вилоятида «Алтин тулпар унаа курулуш» автомобиль ҳамда тижорат ускуналарини йиғиш ва ишлаб чиқариш заводи қурилишини бошлаб берди.
Улуғбек Розуқулов яна «Ўзавтосаноат» раҳбари бўлди
Улуғбек Розуқулов яна «Ўзавтосаноат» компанияси бошқаруви раиси бўлди. У аввал бош вазир ўринбосари ва миллий авиакомпания раҳбари лавозимларида ҳам фаолият юритган.
Ўзбек-қирғиз заводида автомобилларни йиғиш июль ойида бошланиши режалаштирилмоқда
Ўзбекистон ва Қирғизистон июль ойида автомобилларни биргаликда йиғишни бошлашни режалаштирмоқда. Завод Чуй вилоятининг Ак-Суу қишлоғида қурилиб, бу ерда 19 русумдаги Chevrolet, Daewoo ва Isuzu автомобилларини йиғиш белгиланган.
UzAuto Motors 2023 йилда ярим миллион автомобиль ишлаб чиқаришни режалаштирмоқда
UzAuto Motors 2023 йилдаёқ 500 мингта автомобиль ишлаб чиқариш, истиқболда эса бу кўрсаткични 1 миллионтага етказишни режалаштирмоқда. «Ўзавтосаноат», UzAuto Motors ва General Motors ўртасида ишлаб чиқаришни кенгайтириш тўғрисидаги шартнома имзоланди.
UzAuto Motors акцияларини биржага жойлаштиришни бошлашини маълум қилди
UzAuto Motors жисмоний ва юридик шахслар сотиб олиши мумкин бўлган акцияларини биржага жойлаштириш бошланганини маълум қилди. Бу Ўзбекистондаги йирик давлат компанияларини амалга оширган илк IPO бўлади.
«Ўзавтосаноат» раиси Ўзбекистон гимнастика федерациясига ҳам раҳбар бўлди
«Ўзавтосаноат» АЖ компанияси бошқарув раиси Шавкат Умурзоқов энди Ўзбекистон гимнастика федерациясига ҳам раҳбарлик қилади. У федерация йиғилишида ўзбек гимнастикаси эски анъаналарини қайта тиклашини маълум қилди.
«Ўзавтосаноат» раҳбари автомобиль сотиб олишдаги навбатларни сотиш схемасини ошкор қилди
Uzauto Motors автомобилларини харид қилишдаги навбатлар бузилиши дилерлар берган ҳисобварақ-фактураларни расмийлаштиришда содир бўлмоқда, дея маълум қилди «Ўзавтосаноат» раҳбари Шавкат Умурзоқов. Унинг сўзларига кўра, компания машина олишдаги навбатларни айланиб ўтиш ҳолатларига йўл қўймаслик мақсадида савдо маълумотлар базасини ЙҲХББ маълумотлар базаси билан интеграциялашни режалаштирмоқда. Ҳозирда машина сотиб олиш учун навбат 52 мингтагача камайган. Шунингдек, у ишлаб чиқариш ҳажми етишмаслигини маҳаллийлаштириш даражасининг пастлиги билан изоҳлади
Миллий автомобиль заводимиз шунчалик ҳимоя қилишга арзийдими?
Автомобилсозлик соҳасида кутилаётган ўзгаришлар истеъмолчиларга фойда келтирадими? «Газета.uz» колумнисти Миркомил Холбоевнинг фикрича, импорт божларининг пасайтирилиши ички бозорга деярли таъсир кўрсатмайди ва фақат энг бой аҳоли манфаатларига хизмат қилади. Иқтисодчи жамият ҳақиқий фойда кўриши учун савдони эркинлаштириш муҳимлигини таъкидлайди.
«Электромобиллар келажаги сари биринчи қадам». «Ўзавтосаноат» ва BYD меморандум имзолади
«Ўзавтосаноат» ва Хитойнинг йирик электромобиль ишлаб чиқарувчиси BYD Auto Industry ўртасида Ўзбекистонда электромобиль ва электробуслар ишлаб чиқариш бўйича ҳамкорлик меморандуми имзоланди. UzAuto раҳбари ўринбосари Азизбек Шукуров буни «электромобиллар келажаги сари биринчи қадам» деб атади.
Президент электромобиллар тармоғини ривожлантириш стратегиясини ишлаб чиқишга кўрсатма берди
Уч ой ичида Ўзбекистонда электромобил тармоғини ривожлантириш стратегияси ишлаб чиқилиши кутилмоқда. Президент электромобиллар учун бутловчи қисмлар ва материаллар ишлаб чиқаришни маҳаллийлаштириш, уларга техник талаб ва стандартларни ишлаб чиқиш бўйича кўрсатмалар берди.
Президент импорт автомобиллар учун божхона божини 2 бараварга пасайтириш бўйича кўрсатма берди
Президент душанба кунги йиғилишда Вазирлар Маҳкамасига 3 кун муддатда импорт автомобиллари учун божхона божи ставкаларини 2 баробарга — 30 фоиздан 15 фоизгача пасайтириш бўйича қарор лойиҳасини киритишга топшириқ берди.
«Қайта кўриб чиқиш мумкин». «Ўзавтосаноат» раҳбари ўринбосари — «иномарка» ларни олиб киришдаги бож ҳақида
«Ўзавтосаноат» раҳбари ўринбосари Азизбек Шукуров Ўзбекистонда хорижий автомобиллар импортига қўйилган божхона божи ўта юқори деган фикрга қўшилишини маълум қилди. Унинг фикрича, божхона тўловини «қайта кўриб чиқиш мумкин». У шунингдек, иқтисодчи Юлий Юсуповнинг автомобиль саноати монополияси ҳақидаги мақоласига муносабат билдирди.
UzAuto Motors Туркманистонда автомобиль ишлаб чиқаришни йўлга қўйиши мумкин
«Ўзавтосаноат» ва «Turkmenistan-Motors» ўртасида имзоланган меморандумга кўра, Туркманистон ҳудудида UzAuto Motors автомобилларини ишлаб чиқариш йўлга қўйилиши мумкин. Туркманистон томони ўзбек товарларини 300 миллион долларга сотиб олишни режалаштирмоқда.
Автомобиль ишлаб чиқарувчиларига жами 2,57 трлн сўмлик имтиёзлар берилган
UzAuto Motors, «Жиззах автомобиль заводи», ADM Jizzakh, Roodell ва бошқа автомобиль ишлаб чиқарувчилар 2021 йилнинг биринчи ярмида жами 2,57 трлн сўмлик (240,9 млн доллар) божхона божлари, ҚҚС ва акциз солиқларини тўлашдан озод қилинган. UzAuto Motors автомобиллари учун бутловчи қисмлар ишлаб чиқарувчи бошқа корхоналар ҳам миллиардлаб сўмлик имтиёзлардан фойдаланган.
Ўзбекистонда автомобиль ишлаб чиқариш ҳажми қарийб 44 минг донага камайди
Ўзбекистонда 7 ой ичида 124,9 минг дона — ўтган йилнинг шу даврига нисбатан 25,9 фоизга кам автомобиль ишлаб чиқарилди. Nexia ва Spark моделларини ишлаб чиқаришда энг кўп тушиш қайд этилди.
«Ҳокимлар таниш-билиш қилиб, шерик бўлиб асл ҳолатни беркитишаяптими?» — Шавкат Мирзиёев
Шавкат Мирзиёев пахтада «приписка» йўқ қилинган булса-да, саноат тармоқларида қўшиб ёзишни йўқ қилиш осон булмаётганлигини таъкидлади. «Ҳокимлар таниш-билиш қилиб, шерик бўлиб асл ҳолатни беркитишаяптими? Прогнозни бажара олмаса, нега раҳбар бўлиб ўтириши керак?» — деди давлат раҳбари. Биринчи чоракда «Ўзавтосаноат»да ишлаб чиқариш ҳажми 40 фоизга, «Ўзбекнефтгаз» — 4,7 фоизга, чарм маҳсулотлари — 10 фоизга пасайгани қайд этиб ўтилди.
Энг кўп ўқилган хабарлар | Сўнгги янгиликлар
- «Боғнинг менежери давлат бўлиши нотўғри. Бутун дунёда шунақа» — Тошкент ҳокими (видео)
- «Тақиқлар амалда ишламаяпти». Ўзбекистонда букмекерлик фаолиятини қонунийлаштиришдан мақсад нима? (1)
- Бош прокуратура Ниғматилла Йўлдошев ва қидирувдаги тадбиркор ўртасидаги суҳбат видеосига изоҳ берди
- Ўзбекистон футболчилари U-23 Осиё кубоги ярим финалига чиқди (+ видео)
- Яккасарой тумани ҳокимияти ҳуқуқшуноси мактаб бассейнида чўмилган вақти вафот этди
Қўшимча имкониятларга эга булиш учун сайтда рўйхатдан ўтинг