«тендер» тегли мақолалар
Антикоррупция агентлиги ССВнинг 435 млн сўмлик тендерида қонун талаблари бузилганини аниқлади
Коррупцияга қарши курашиш агентлиги Соғлиқни сақлаш вазирлигининг 435 млн сўмлик тендерида қонун талаблари бузилганини аниқлади. Аввалроқ «Газета.uz» мазкур тендер бир корхона таъсисчилари иштирокида ўтказилгани ҳақида ёзганди.
ССВ бир корхона таъсисчилари иштирокида 435 млн сўмлик тендер ўтказди
Соғлиқни сақлаш вазирлиги ўз эҳтиёжлари учун ҳамда тиббиёт форумларига ташриф буюрадиган меҳмонларга совға сифатида тендер орқали 435 млн сўмлик кундалик, блокнот, ручка ва бошқаларни харид қилди. Тендер бир корхонанинг таъсисчилари ўртасида ўтказилган.
Тошкентдаги Матбуот уйи ўрнида медиа шаҳарча ташкил этилади. Тендер ғолиби — Yangi Zamon Bino
Қурилиш вазирлиги Матбуот уйи мажмуасини («Газета корпуси») реконструкция қилиш ҳамда унинг ўрни ва туташ ҳудудда медиа шаҳарча қуриш бўйича ўтказилган тендер натижаларини эълон қилди. Тендерда 98,8 млрд сўм таклиф қилган Yangi Zamon Bino ғолиб бўлди.
Остонада Алишер Навоий ҳайкалини ўрнатиш бўйича тендер: Дастлабки ноқонуний тендер ғолиби яна ютиб чиқди
Ўзбекистон Бадиий академияси Алишер Навоий ҳайкалини Остона шаҳрида ўрнатишга оид тендерни қайтадан ўтказди. Унда илк тендерда ноқонуний равишда ғолиб бўлган компания яна ютиб чиқди. Антикоррупция агентлиги биринчи тендерда манфаатлар тўқнашуви ва бошқа қонунбузарликларни аниқлаганди.
Қашқадарёда қурилиш фирмаси вакилидан 370 млн сўм «откат» олаётган ҳокимлик ходими ушланди
Яккабоғ тумани ҳокимлиги ходими 5 млрд сўмлик тендерда ютиши учун қурилиш фирмаси вакилидан 370 млн сўм олаётган вақтда ушланди. Тезкор суриштирув ҳаракатлари давомида ишга алоқадор бўлган мактабгача таълим бўлими ходими ҳам қўлга олинди.
Тошкент ва Сирдарё вилоятларида турк ҳамда хитой компаниялари электр узатиш тармоқларини қуради
Туркиянинг «ŞA-RA ENERJĪ» ва Хитойнинг «Xian Electric Engineering» компаниялари Энергетика вазирлигининг Тошкент ҳамда Сирдарё вилоятларида 213 километр ва 72 километр узунликдаги юқори кучланишли электр узатиш тармоқларини қуриш тендерларида ғолиб бўлди.
Ўзбекистонда учта қуёш фотоэлектр станциясини қуриш бўйича тендер ғолиблари аниқланди
Ўзбекистонда учта қуёш фотоэлектр станциясини қуриш бўйича тендер ғолиблари аниқланди. Хусусан, Бухорода Masdar компанияси, Наманганда GD Power — Powerchina консорциуми ва Хоразмда Voltalia компанияси умумий қуввати 500 МВт бўлган станцияларни қуриб, электр энергиясини етказиб бера бошлайди.
Қашқадарёда 3 кунлик фирма 2,6 млрд сўмлик тендерни ноқонуний ютгани аниқланди
Қашқадарёда ташкил этилганига 3 кун бўлган фирма жами 2 601 000 000 сўмлик иссиқхоналар ўрнатиш бўйича танловда ноқонуний равишда ғолиб бўлгани аниқланди. Монополияга қарши курашиш қўмитаси ҳолат юзасидан иш қўзғатилиб, қайта танлов ўтказилишини маълум қилди.
Тошкент шаҳар ҳокимлиги — музейларни реконструкция қилиш учун лойиҳачи ва пудратчи тендерсиз танлангани тўғрисида
Тошкент ҳокимлиги Туркиянинг Outdoor Factory компанияси нима учун пойтахтдаги учта давлат музейини реконструкция қилиш лойиҳаси доирасида лойиҳа ҳужжатларини ишлаб чиқиш ва пудратчилик ишларини бажариш ҳуқуқини тендерсиз олганини тушунтирди.
Андижонда 600 млн сўмлик тендер қариндошлар ўртасида ўтказилган бўлиши мумкин
14 март куни Андижон вилояти кўп тармоқли тиббиёт маркази ўз бўлимларини капитал таъмирлаш учун қиймати 621 млн сўм бўлган тендер ўтказди. Ушбу тендерда қатнашган икки корхона раҳбарлари ўзаро қариндош бўлиши мумкин. «Газета.uz» тендер иштирокчиларининг ўзаро боғлиқлигини ўрганиб чиқди.
Молия вазирлиги ўқув маркази ўтказган қарийб 700 млн сўмлик тендерда ака-укага тегишли иккита фирма қатнашди
Молия вазирлиги қошидаги ўқув маркази «Молиячи маълумотномаси» бюллетенини чоп этиш учун қарийб 700 млн сўмлик тендер эълон қилди. Унда ака-укага тегишли иккита фирма қатнашган, холос. Молия вазирлиги «Газета.uz» тақдим этган маълумотларни ўрганиб чиқиб, улар тасдиғини топган тақдирда, тендер бекор қилинишини билдирди.
Қурилиш учун пудратчиларни аниқлаш тендер орқали амалга оширилади
Ҳукумат қарори билан БҲМнинг 6000 бараваридан (1 млрд 620 млн сўм) ортиқ бўлган қурилиш ишларига пудратчи ташкилотларни аниқлаш электрон тендер орқали амалга оширилади. Қолаверса, БҲМнинг 200 000 бараваригача (54 млрд сўм) бўлган лойиҳалар учун танловларда эса фақат қурилиш амалга ошириладиган ҳудудда рўйхатдан ўтган ташкилотларгина қатнаша олади.
Буюк Британия компанияси Наманганда 90 млн долларга канализация тизимини қуради
Буюк Британиянинг Metito Utilities Limited компанияси Наманган шаҳрида оқова сувларни тозалаш иншоотларини қуриш бўйича тендерда ғолиб чиқди. Лойиҳа қиймати 90 млн долларга баҳоланмоқда. Объектдан эркин фойдаланиш учун давлат йилига 9 млн доллар тўлайди.
Ўзбекистонда учта қуёш электр станциясини қуришга 15 та халқаро компания қизиқиш билдирди
Энергетика вазирлиги учта қуёш фотоэлектр станциясини қуриш бўйича тендернинг илк босқичида 15 та халқаро компаниядан ариза келиб тушганини маълум қилди. Лойиҳа Наманган, Бухоро ва Хоразм вилоятларида умумий қуввати 500 МВтгача бўлган станцияларни қуришни назарда тутади.
Сирдарёда ИЭС қурилиши бўйича тендер ғолиби эълон қилинди
Франция, Қатар ва Япониянинг «EDF, Nebras Power, Sojitz Corporation» компаниялари консорциуми Сирдарёда 1600 МВт қувватга эга иссиқлик электр станциясини қуради. ИЭС 2025 йил ўрталарида ишга туширилиши режалаштирилган. Жалб қилинган инвестициялар ҳажми 1,2 миллиард долларга баҳоланмоқда.
Миллатлараро муносабатлар қўмитаси биноси 35,4 млрд сўмга реконструкция қилинади
Миллатлараро муносабатлар ва хорижий мамлакатлар билан дўстлик алоқалари қўмитаси биноси реконструкцияси тендерида Discover Invest компанияси ғолиб бўлди. Лойиҳа қиймати 35,4 млрд сўмга баҳоланмоқда.
Қишлоқ хўжалиги вазирлиги узум кўчатларини етказиб бериш бўйича тендер якунларини ўрганади
1 млн дона узум кўчатини етказиб бериш бўйича 9,9 млрд сўмлик тендер якунлари Қишлоқ хўжалиги вазирлиги комиссияси томонидан ўрганилади. «Газета.uz» савдоларда қишлоқ хўжалиги вазири ўринбосарининг ўғлига тегишли компания ғолиб бўлгани ҳақида ёзганди.
Қишлоқ хўжалиги вазири ўринбосари ўғлининг компанияси 9,9 млрд сўмлик тендерда ғолиб бўлди
1 млн дона узум кўчатларини етказиб бериш бўйича 9,95 млрд сўмлик тендерда қишлоқ хўжалиги вазири ўринбосари, Қишлоқ хўжалигида миллий билим ва инновациялар маркази (буюртмачи) раҳбари Алишер Тўраевнинг ўғлига тегишли компания ғолиб бўлди.
500 МВт қувватли учта қуёш фотоэлектр станцияларини қуриш бўйича тендер эълон қилинди
Энергетика вазирлиги Наманган, Бухоро ва Хоразм вилоятларида умумий қуввати 500 МВтга тенг бўладиган учта фотоэлектростанциялар қуриш бўйича тендерни эълон қилди.
Давлат харидлари бўйича яна бир электрон платформа пайдо бўлди
Электрон танловлар ва электрон тендерларни ташкил этиш бўйича яна бир муқобил электрон платформа — tender.mf.uz яратилди. Эндиликда буюртмачилар электрон сайтни танлаш имкониятига эга бўлишди.
Энг кўп ўқилган хабарлар | Сўнгги янгиликлар
- Тўлдирилди: Давлат идоралари ўз автопаркини электромобиллар билан янгиламоқда
- Paynet`нинг таъсисчиси ўзгарди. Тўлов хизматининг янги эгаси ким?
- «Муваффақият жинсга эмас, билим ва қобилиятларга боғлиқ». Мактабда ўқийдиган дастурчи қизлар — лойиҳалари, орзулари ва стереотиплар ҳақида (2)
- Ўзбекистон Афғонистонга 169 тоннадан ортиқ инсонпарварлик ёрдамини юборди (фото)
- Тошкентда навбатдаги «Автомобилсиз кун» акцияси — фото, видео
Қўшимча имкониятларга эга булиш учун сайтда рўйхатдан ўтинг