15 декабрь куни Бухоро, Наманган ва Хоразм вилоятларида умумий қуввати 500 МВт бўлган 3 та қуёш фотоэлектр станциясини қуриш ва улардан фойдаланиш бўйича ўтказилган тендер танловларида ғолиб инвесторлар аниқланди, дея хабар бермоқда Энергетика вазирлиги матбуот хизмати.
Танлов натижаларига кўра, Masdar компанияси Бухоро вилоятида 250 МВт қувватга эга лойиҳани қуриш ва унда ишлаб чиқарилган электр энергиясининг бир киловатт-соати учун 30,44 АҚШ доллари миқдорида таклифи билан ғолиб бўлди. Мазкур лойиҳа Ўзбекистонда биринчи марта қуввати 62 МВтлик энергия сақлаш батареяси билан амалга оширилади.
Шунингдек, GD Power — Powerchina консорциуми (Хитой) Наманган вилоятида 150 МВт қувватга эга лойиҳа учунунда ишлаб чиқарилган бир киловатт-соат электр энергиясини 4,828 АҚШ центида етказиб бериш таклифи билан ғолиб деб топилди.
Бундан ташқари, Voltalia компанияси Хоразм вилоятида 100 МВт қувватга эгалойиҳа учун ишлаб чиқарилган бир киловатт-соат электр энергиясини 2,888 АҚШ центида етказиб бериш таклифи билан ғолиб деб топилди.
