«ўзбекистон» тегли мақолалар
Абдулла Арипов Россия бош вазири билан учрашди
Ўзбекистон бош вазири Абдулла Арипов Москвада Россия ҳукумати раҳбари Михаил Мишустин билан учрашди. Россия бош вазири Ўзбекистоннинг ЕОИИда тўлақонли иштирок этиши иқтисодиёт ўсиши учун қўшимча имкониятлар яратишини таъкидлади. Учрашувда, янги ўқув йилидан Ўзбекистонда Россия олийгоҳларининг яна учта филиали очилиши, Россиядан яна 200 нафар ўқитувчилар Ўзбекистонга юборилиши маълум қилинди.
Ўзбекистонда қозонхоналар модернизациясига «КЭР-Ҳолдинг» жалб қилинади
Ўзбекистонда қозонхоналарни модернизация қилиш жараёнига Татаристоннинг «КЭР-Ҳолдинг» компанияси жалб қилинади. Уй-жой коммунал хизмат кўрсатиш вазири Шерзод Хидоятовнинг сўзларига кўра, 1970 йилларда қурилган мамлакатдаги кўплаб қозонхоналар аллақачон эскирган. Биринчи лойиҳа доирасида Тошкентдаги «Водник» қозонхонаси 42 млн долларга модернизация қилинади.
Тожикистонда қуриладиган иккита ГЭСнинг қиймати 550 млн долларга баҳоланмоқда — Алишер Султонов
Энергетика вазири Алишер Султоновнинг хабар беришича, Тожикистон ва Ўзбекистон президентлари қурилиши ҳақида келишиб олган иккита гидроэлектростанциянинг қиймати 550 млн доллардан ошиши кутилмоқда. Вазирнинг сўзларига кўра, ГЭСлар Ўзбекистон эҳтиёжи учун 1,4 миллиард кВт/соат экологик тоза электр энергиясини ишлаб чиқаради.
Ўзбекистон ва Қатар ўзаро авиақатновларни йўлга қўйиш бўйича келишувга эришди
Ўзбекистон ва Қатар «Доҳа-Тошкент-Доҳа» йўналишида тўғридан-тўғри авиа қатновларни йўлга қўйишни назарда тутувчи битимни имзолади.
Ўзбекистон ва Тожикистон биргаликда автомобиль ишлаб чиқаришни кўзламоқда
Биринчи Ўзбекистон — Тожикистон инвестициявий форуми Бохтарда бўлиб ўтди. Унда 50 млн долларлик устав капиталига эга Ўзбекистон — Тожикистон жамғармаси ташкил этилгани маълум қилинди. Форум якунида автомобиль ва маиший техника ишлаб чиқариш бўйича битимлар ҳам имзоланди.
Ўзбекистон ва Тожикистон ўртасида автобус қатнови тикланиши кўриб чиқилмоқда
Ўзбекистон ва Тожикистон ҳуқумат вакиллари Тошкент, Самарқанд, Термиз, Душанбе, Хўжанд, Пенжикент ва бошқа шаҳарлар ўртасида автобус қатновини тиклаш истиқболларини кўриб чиқдилар.
Ўзбекистон 103 млн долларлик маҳсулотларни офшор ҳудудларга пул ўтказиш орқали импорт қилган
Тўрт ой ичида оффшор ҳудудларга пул ўтказиш орқали Ўзбекистон корхоналари 103 млн долларлик маҳсулотни импорт қилдилар. Маблағнинг асосий қисми Тошкентга тўғри келади — 33 млн доллар. Компаниялар Гонконг, Кипр, Маршалл ва Багама оролларига тўловларни амалга ошириб, дори-дармонларни, махсус жиҳозларни, ускуналарни, нефть маҳсулотлари ва бошқа товарларни олиб киришган.
Ўзбекистон ва Жаҳон банки янги ҳамкорлик дастурини тайёрлашади
Президент Шавкат Мирзиёев ва Жаҳон банки делегацияси янги беш йиллик ҳамкорлик дастурини тайёрлашга келишиб олдилар. Ҳамкорлик кун тартибига қашшоқликни камайтиришни қўллаб-қувватлаш, жадаллаштирилган саноатлаштириш ва коррупцияга қарши кураш каби йўналишлар киради.
Қозоғистон ва Ўзбекистон ягона сайёҳлик визасини ишга туширишга тайёр
Қозоғистон ва Ўзбекистон ҳукумати ягона сайёҳлик визасини ишга туширишга тайёр, деди туризм ва спорт вазири Азиз Абдуҳакимов. Лойиҳани амалга ошириш учун чет элликлар ариза юбориши мумкин бўлган портал ишга туширилади. Ҳозирда «Осиё Шенгенига» Қирғизистон, Мўғулистон ва бир қатор Кавказорти мамлакатлари қўшилиши мумкинлиги маълум қилинди.
Ўзбекистон Афғонистонда Рамазон Ҳайити муносабати билан уч кунлик сулҳ эълон қилинганини олқишлайди
Ўзбекистон муқаддас Рамазон Ҳайити — Ийд ал-Фитр байрами муносабати билан Афғонистонда уч кунлик сулҳ эълон қилинганини олқишлайди. Муборак кунларда ўт очишнинг тўхталиши Афғонистонда сиёсий тинчлик жараёнини илгари суриш бўйича зарур шарт-шароитларни яратишига умид билдирилди.
Ўзбекистон AҚШ учун муҳим мамлакат саналади — Дэниел Розенблюм
AҚШ Ўзбекистондаги элчиси Дэниел Розенблюм AҚШ учун Ўзбекистон қандай стратегик аҳамиятга эгалиги тўғрисида фикр билдирди. «Ўзбекистон AҚШ учун муҳим мамлакат саналади», — дейди у. AҚШ элчиси бу фикрини асослаш учун учта сабабни келтириб ўтди.
Шавкат Мирзиёев ва Владимир Путин Ғалабанинг 76 йиллиги муносабати билан бир-бирларини қутлади
Шавкат Мирзиёев Россия Федерацияси президенти Владимир Путин билан телефон орқали мулоқот қилди. Давлат раҳбарлари МДҲ, Шанхай ҳамкорлик ташкилоти ва Евроосиё иқтисодий иттифоқи доирасидаги шерикликнинг долзарб масалалари юзасидан фикр алмашдилар.
Ўзбекистон Туркияга гуманитар ёрдам юборди
Туркияда COVID-19 инфекциясининг тарқалиши олдини олиш учун Ўзбекистондан бир марталик респиратор Ecos N 95 тиббий ниқоблари инсонпарварлик ёрдами сифатида юборилди.
Визасиз саёҳат қилиш рейтингида Ўзбекистоннинг ўрни бир поғонага яхшиланди
Визасиз саёҳат қилиш рейтингида Ўзбекистон 85-ўринни эгаллади. Унга кўра, Ўзбекистон фуқаролари 57 та давлат ҳудудига визасиз саёҳат қилишлари мумкин. Биринчи ўринда Япония бўлиб, ушбу мамлакат паспорти фуқароларга 193 та давлатга визасиз саёҳат қилиш имконини бермоқда.
Шавкат Мирзиёев Имрон Хон билан онлайн учрашув ўтказди
Ўзбекистон президенти Покистон бош вазири Имрон Хон билан видеоанжуман шаклида учрашув ўтказиб, икки давлат ўртасида авиақатновларни қайта тиклаш, имтиёзли савдо тўғрисидаги битимни имзолаш, виза режимини соддалаштириш, транспорт-транзит ва бошқа масалаларни муҳокама қилди. Покистоннинг Serene Air компанияси Ўзбекистонга чартер рейсларини бошлашни режалаштирмоқда.
Россия 1 апрелдан Ўзбекистон билан авиақатновларни қайта тиклайди
Россия 1 апрелдан бошлаб Ўзбекистон билан ҳафтасига бир маротаба Москва-Тошкент йўналишида авиақатновларни қайта тиклайди. Бу бўйича Россия тезкор штабининг йиғилиши ўтказилди.
«Термиз» полигонида ўзбек-турк ҳарбийлари ўқув машғулотлари ўтказилмоқда
«Термиз» полигонида Ўзбекистон ва Туркия Республикалари Қуролли Кучларининг махсус бўлинмалари махсус-тактик ўқув машғулотларини бошлади.
Ўзбекистонда инсон ўзини бахтли ҳис қилиши учун йилига 21 минг доллар керак бўлади
Ўтказилган тадқиқотларга кўра, ўзбекистонликлар ўзларини бахтли ҳис қилишлари учун йилига 21 960 доллардан кўпроқ маблағ топишлари керак. Бахт учун энг кам пул «талаб қилинадиган» мамлакатлар деб Суринам (6 799 доллар), Аргентина (8 788 доллар), Ангола (8 921 доллар) ва Қирғизистон (8 997 доллар) топилди.
Сан-Марино Ўзбекистон билан дипломатик алоқалар ўрнатган 136-давлатга айланди
3 февраль куни Ўзбекистон ва Сан-Марино мамлакатлари ўртасида дипломатик алоқалари ўрнатилди ва икки мамлакат ўртасида савдо-иқтисодий муносабатларни ривожлантириш режалари муҳокама қилинди.
The Guardian: 7 нигериялик Ўзбекистонга футбол ўйнаш учун алдов йўли билан олиб келинган
The Guardian нашри маълумотига кўра, нигериялик 7 нафар ёш йигит ўзини футбол агенти деб таништирган шахс томонидан Ўзбекистонга алдов йўли билан олиб келинган. Уларга профессионал футболда фаолият бошлашлари учун ёрдам бериш ваъда қилинган.
Энг кўп ўқилган хабарлар | Сўнгги янгиликлар
- Қисқа ёмғирдан сўнг Тошкент кўчаларини сув босди (видео)
- Қозоғистонда Россия қонунчилигини бузган Ўзбекистон фуқароларини ҳибсга олиш бошланди
- Дам олиш кунлари Тошкентда қаерларга бориш мумкин? (18−19 май)
- Тошкентда фуқарони 2 млн сўм эвазига ишга жойлаб қўймоқчи бўлган метрополитен ходимаси ушланди
- Малайзия бош вазири Ўзбекистонга келди (фото)
Қўшимча имкониятларга эга булиш учун сайтда рўйхатдан ўтинг