Тошкентда «7-автобус саройи»га тегишли 94-сонли йўналишдаги автобусни синган орқа ойналари скотчланган ҳолда йўлга чиқарган механик ишдан бўшатилди. Сарой бош муҳандисига хайфсан берилди.
Тармоқларда электробус ҳайдовчисининг йўловчилар билан қўпол муомалада бўлгани акс этган видео тарқалди. «Тошшаҳартрансхизмат» унга қатъий чора кўрилгани ва меҳнат шартномаси тўхтатилганини маълум қилди.
Тошкентдаги автобус саройлари қисқа фурсатда кам ҳаракатли фуқаролар учун ноқулай бўлган 150 дан ортиқ Isuzu автобуслари билан бойиди. «Тошшаҳартрансхизмат» раҳбари «Газета.uz»га бунинг вақтинчалик ечим эканини маълум қилди. У соҳага ҳуқуқ-тартибот органларининг жалб қилинганига ҳам изоҳ берди.
Пойтахтда ҳаво совуқ, қор ёғиб, автомобиль йўлларида музламалар ҳосил бўлган. «Тошшаҳартрансхизмат» АЖ ҳайдовчилардан зарур бўлмаса шахсий машинада юрмасликни сўради. Пиёдалар йўлдан кесиб ўтаётганда эҳтиёт бўлиши айтилди. Айрим автобусларнинг келиш вақти ҳам чўзилиши мумкин.
1, 2 ва 4 сентябрь кунлари Тошкентда автобуслар якшанбалик, 3 сентябрь куни эса шанбалик жадвал асосида ҳаракатланади.
9 ва 10 июль кунлари пойтахт автобуслари якшанбалик, 11 ва 12 июль кунлари эса шанбалик жадвал асосида ҳаракатланади.
«Тошшаҳартрансхизмат» томонидан 2 май куни Рамазон ҳайити байрамида Тошкентда 98 та масжидга бориб-келиш учун автобуслар йўналиши ташкил қилинди. Автобуслар 03:00 дан 06:00 га қадар ҳаракатланади.
Президент қарорига кўра, 2025 йилгача пойтахтда 1063 та янги автобуслар ҳаракатланишни бошлайди. Улардан 53 таси 2023 йилда ҳаракатга тушириладиган катта сиғимли 18 метрли автобуслар бўлади. Ушбу «гармошкали автобуслар» пойтахтнинг 11 та магистрал йўналишида ҳаракатланади.
Тошкентда 59-рақамли автобус енгил автомобил сиқиб кетиши натижасида йўл четига чиқиб кетган ва устунга бориб урилган. ЙТҲ оқибатида 2 киши енгил жароҳат олган.
Ўзбекистоннинг энг баланд саналган бош Янги йил арчаси «Янги Ўзбекистон» боғида ўрнатилди. Ушбу боғга ташриф буюрувчилар учун 20 декабрдан 10 январгача «Дўстлик метроси — Янги Ўзбекистон боғи» йўналишида махсус бепул автобуслар ишга туширилди.
Учтепа туманида 125 йўналишда ҳаракатланаётган «Mercedes-Benz» автобуси ёниб кетди. ФВВ ёнғин-қутқарув экипажи воқеа жойига 6 дақиқада етиб боргани ва олов 4 дақиқада ўчирилганини маълум қилди.
AARC халқаро консалтинг компанияси «Тошшаҳартрансхизмат» бўйича ҳисоботида Тошкентдаги йўлкира нархлари Нью-Йоркдагидан 20 баробар арзонроқ экани ҳақидаги маълумотни эълон қилди. Иқтисодчи Ботир Қобилов эса Тошкентдаги йўлкира нархи Нью-Йоркдагидан баробар қимматроқ эканини ҳисоблаб берди.
Ўтган беш ой ичида пойтахт кўчаларида автобуслар иштирокида ҳайдовчилари айби билан 35 та ЙТҲ содир бўлган. Уларнинг 21 таси автобус ичида йўловчиларнинг йиқилиб, жароҳат олиши билан боғлиқ. Авариялардан бири эса фуқаро ўлимига олиб келган.
Рамазон ҳайити нишонланиши муносабати билан, Тошкент шаҳрида 13 май куни жамоат транспортлари йўналишлар бўйича соат 4:00 дан иш бошлайди.
Тошкентда 11 май куни Христиан дини «Ота-оналарни хотирлаш» тадбирлари ўтказилиши муносабати билан бир кунлик автобус йўналишлари ташкил этилади
Тошкентда йўловчи автобуси бекат ёнида турган икки пиёдани уриб юборди. Енгил тан жароҳати олган пиёдалар шифохонага етказилиб, тез тиббий ёрдам кўрсатилган.
Тошшаҳартрансхизмат аҳолидан велосипед йўлларини ривожлантириш ва велосипед алмашишни ривожлантириш бўйича таклифлари билан ўртоқлашишини сўради. Мамлакатда ҳукумат қарори билан велосипедчилар учун хавфсиз муҳит яратиш, велосипед маршрутларининг миллий тармоғини ривожлантириш, Франция тажрибасини ўрганиш ва бошқа тадбирлар режалаштирилган.
1 январдан бошлаб, Тошкент шаҳар жамоат транспортларидан фойдаланишда нақд пул орқали тўлов қилиш тизими ўрнига, ягона транспорт картаси жорий этилиши режалаштирилмоқда. Бундан ташқари қоғоз шаклидаги ойлик йўл чипталари ҳам бекор қилинади.
Транспорт вазирлиги Тошкент шаҳри учун 300 дона электробус сотиб олишни таклиф қилди. 3 йил давомида харид қилинадиган транспортларнинг умумий қиймати 1 трлн сўм атрофида бўлади.
Қўшимча имкониятларга эга булиш учун сайтда рўйхатдан ўтинг