«док-1 макс» тегли мақолалар
66-ўлим ҳам бор — «Док-1 Макс» ҳақида биринчи бўлиб хабар берган шифокор Маматқул Азизов
«Док-1 Макс» сиропидан болалар ўлаётгани ҳақида биринчи хабар берган Самарқанд Болалар кўп тармоқли тиббиёт маркази бош шифокори Маматқул Азизов судда кўрсатма берди. Адвокат саволига жавобан мутахассис сиропдан вафот этганлар рўйхатида 66-ўлим ҳам борлигини таъкидлади.
«Док-1 Макс» билан заҳарланиш энг ёш болаларда этиленгликолнинг парчаланиш даражаси пастлиги сабабли оғирроқ кечган — гувоҳ шифокор
«Док-1 Макс» ичган болалар ўлими ҳақида биринчи бўлиб хабар берган Самарқанд вилояти болалар кўп тармоқли тиббиёт маркази бош шифокори судда гувоҳлик берди. У этиленгликолнинг болалар организмига таъсири ҳамда шифохонага эртароқ ётқизиш соғайиш имкониятларини қандай оширганини сўзлади.
«Док-1 Макс»ни беморларга тавсия қилиш учун шифокор ва дорихоначиларга пул тўлаб келинган
«Док-1 Макс» иши бўйича суд мажлисида Солиқ қўмитаси вакили сиропни беморларга тавсия қилган ва унинг кўпроқ сотилишига ҳисса қўшган шифокорлар, ҳамширалар, шунингдек, дорихона сотувчилари ва раҳбарларини мукофотлаш учун миллиардлаб пул тўлаб келинганини маълум қилди.
«Док-1 Макс» сиропи қайта рўйхатдан ўтказилаётганда GMP сертификати бўлмаса ҳам, сотувига рухсат берилган
«Док-1 Макс» сиропи 2021 йилда қайта рўйхатдан ўтаётганда GMP сертификати бўлмаса-да, 2 ой мобайнида сотуви давом этган. Бу даврда заҳарли моддаси бўлган 40 мингга яқин флакон мамлакатга кирган. Фармацевтика агентлиги собиқ раҳбари буни дорилар сертификат бор пайтда ишлаб чиқарилгани билан изоҳлади.
«Док-1 Макс» иши: Ўзбекистонлик мансабдор Ҳиндистоннинг яна 11 та дорисини қайта рўйхатдан ўтказиш учун 88 минг доллар сўрагани айтилди
«Док-1 Макс» иши бўйича судда ўзбекистонлик амалдорлар ҳиндистонлик яна бир ишлаб чиқарувчининг 11 та дори воситасини қайта рўйхатдан ўтказиш учун 88 минг доллар талаб қилиб, олдиндан 50 минг доллар олгани маълум қилинди.
2021 йилда Ўзбекистонга келтирилган «Док-1 Макс» сиропи партиясида ҳам заҳарли моддалар бўлган
2021 йилда Ўзбекистонга олиб келинган асал таъмли «Док-1 Макс» сиропи таркибида ҳам заҳарли этиленгликоль моддаси бўлган. Бу Marion Biotech дориларини қабул қилган камида 65 боланинг ўлими бўйича суд мажлисида маълум қилинди.
«Бу биринчиси эмас». «Док-1 Макс» иши бўйича судланувчи адвокатларига босим ўтказилаётгани айтилмоқда
«Док-1 Макс» иши бўйича судланувчи, Фармацевтика агентлигининг собиқ раҳбари С.К.нинг адвокатлари уларга терговчи томонидан босим бўлаётганини айтиб, суддан уларни ҳимояга олишни сўради. С.К.га унинг ҳимоя позициясига таъсир қиладиган ҳолатлар бўлса, мурожаат қилиши мумкинлиги билдирилди.
«Док-1 Макс» иши бўйича судланувчи вафот этган болаларнинг яқинларига таъзия билдирди
«Док-1 Макс» иши бўйича айбланувчилардан бири суд мажлисидаги нутқини марҳум 65 нафар боланинг оила аъзоларига ҳамдардлик билдиришдан бошлади. У пора олди-бердисида воситачилик қилганини тан олди ва ҳинд ишлаб чиқарувчисидан бошлиғига 33 минг долларни қандай етказиб берганини айтиб берди.
Самарқанд Соғлиқни сақлаш бошқармасининг собиқ бошлиғи «Док-1 Макс» иши бўйича ҳибсга олинди
«Док-1 Макс» иши бўйича Тошкентда ўтаётган суд мажлисида судья Мусо Юсуповнинг маълум қилишича, Самарқанд вилояти Соғлиқни сақлаш бошқармасининг собиқ бошлиғига нисбатан қамоққа олиш эҳтиёт чораси қўлланилган ва қўшимча жиноят иши доирасида тергов қилинмоқда.
«Ўлим ҳолатига олиб келишини билмаганмиз». Судланувчи — «Док-1 Макс» сиропи лабораториядан ўтказилмагани ҳақида
«Док-1 Макс» иши бўйича судланувчи сироп лаборатория текширувларидан ўтказилмаганини тан олди. Унинг айтишича, 12 йиллик фаолияти давомида Дори воситалари экспертизаси давлат марказида бирор марта ҳам дорилар текширилмаган, Адлия вазирлиги ва бошқа ташкилотлар эса эътироз ҳам билдирмаган.
«Док-1 Макс» қонуний рўйхатдан ўтганда ҳам, ундаги заҳарли моддаларни аниқлаб бўлмасди — судланувчи
Фармацевтика агентлигининг собиқ раҳбари С.К. «Док-1 Макс» сиропи қонуний ҳужжатлар билан рўйхатдан ўтганда ҳам, ундаги заҳарли моддаларни аниқлаб бўлмаслигини таъкидлади. У Ўзбекистонда дори ишлаб чиқариш ва текшириш бўйича белгиланган амалдаги тартибнинг ишончсизлигига шаъма қилди.
«Док-1 Макс» иши. Судланувчи — $33 минг пора ҳақида
Фармацевтика агентлигининг собиқ ходими «Док-1 Макс» иши бўйича судда агентлик собиқ раҳбари иккита компанияга тайинланган инспекцион текширувни бекор қилиш бўйича топшириқ берганини айтди. Амалдор эса буни инкор қилиб, ҳужжатга билмасдан имзо қўйиб юборган бўлиши мумкинлигини таъкидлади.
«Док-1 Макс» иши бўйича судни жонли эфирда узатиш тақиқланди
16 август куни «Док-1 Макс» иши доирасида бўлиб ўтаётган судда аввалига «Qalampir.uz» ҳамда «Kun.uz» нашрларини айбсизлик презумпциясига амал қилмаганликда айблаган судланувчиларнинг адвокатлари тушдан кейин «Газета.uz»нинг жонли эфирини тўхтатишни сўради. Суд уларнинг сўровини қаноатлантирди.
Дорилардан вафот этган ўнлаб болалар хотираси учун мотам эълон қилиниши керак
65 боланинг доридан вафот этиши — умуммиллий фожиа. Кучли ва ғамхўр давлат хатоларни тан олиб, бундай фожиа такрорланмаслиги учун хулосалар чиқаради. Ҳалок бўлган болалар хотираси ва уларнинг яқинларини қўллаб-қувватлаш учун Ўзбекистонда мотам эълон қилиниши зарур. «Газета.uz» нуқтаи назари.
«Болам юра ва гапира олмайди» — «Док-1 Макс»дан заҳарланган боланинг отаси
Суд Marion Biotech дорилари, жумладан, «Док-1 Макс» сиропини ичиши оқибатида 65 бола вафот этгани билан боғлиқ ишни кўриб чиқишни бошлади. Жабрланганлардан бирининг отаси фарзанди ногирон бўлиб қолгани, юра ва гапира олмаслигини айтди. Дори-дармонларни ўз пулимизга олдик, дейди у.
Ўзбекистонда Marion Biotech дорилари 65 боланинг ўлимига сабаб бўлган
Ўзбекистонда Док-1 Макс дорисини қабул қилган 65 нафар бола вафот этган. Бу бўйича Quramax Medikal ва Фармацевтика агентлиги ходимларига нисбатан айблов хулосасида сўз боради. Расмийлар берган сўнгги маълумотларда қурбонлар сони 20 киши экани айтилганди.
Болалар ўлимига сабаб бўлган Marion Biotech сиропларига саноат пропиленгликоли қўшилган бўлиши мумкин
Ҳиндистоннинг Marion Biotech компанияси ўз маҳсулотларида ювиш воситалари, антифриз, бўёқлар ва бошқа маҳсулотларда қўлланадиган заҳарли модда — саноат пропиленгликолидан фойдаланган бўлиши мумкин. Мазкур компания дорилари аввалроқ Ўзбекистонда камида 19 нафар боланинг вафотига сабаб бўлганди.
Ҳиндистондаги «Док-1 Макс» сиропи ишлаб чиқарувчиси лицензиядан маҳрум қилинди
Ҳиндистоннинг Уттар-Прадеш штати расмийлари Marion Biotech фармацевтика компаниясининг ишлаб чиқариш лицензиясини бекор қилди. Компаниянинг «Док-1 Макс» сиропи Ўзбекистонда камида 20 нафар боланинг ўлимига сабаб бўлган. Илгарироқ лицензиянинг амал қилиш муддати тўхтатилганди.
Ҳиндистонда Marion Biotech компаниясининг уч ходими ҳибсга олинди
Ҳиндистон полицияси Ўзбекистонда 20 нафар боланинг ўлимига сабабчи бўлган «Док-1 Макс» йўталга қарши сиропини ишлаб чиқарган Marion Biotech фармацевтика компанияси ходимларини ҳибсга олди.
ЖССТ мамлакатларни ўлимга сабаб бўлувчи сиропларга қарши чора кўришга чақирди
Жаҳон соғлиқни сақлаш ташкилоти мамлакатларни Гамбия, Индонезия ва Ўзбекистонда 300 дан ортиқ бола ўлимига сабаб бўлган сиропларга қарши курашишга чақирди. Ўзбекистонда «Док-1 Макс» сиропидан камида 20 нафар бола вафот этган.
Энг кўп ўқилган хабарлар | Сўнгги янгиликлар
- Афғонистондаги сел оқибатида 150 дан ортиқ киши ҳалок бўлди
- Тошкентда Malibu уриб юборган пиёда вафот этди
- Наманганда 7 ёшли қизга қилинган жинсий зўравонлик иши қайта малакаланиб, эркак қамоққа олинди
- Сурхондарёда Tracker юк машинасига урилиши оқибатида 5 киши ҳалок бўлди (2)
- Ўзбекистон 2024 йилда Россиянинг 5 млрд долларлик сармоясини ўзлаштирмоқчи
Қўшимча имкониятларга эга булиш учун сайтда рўйхатдан ўтинг