2021 йилда Ўзбекистонга олиб келинган, асал таъмли «Док-1 Макс» сиропи таркибида ҳам заҳарли моддалар бўлган. Бу ҳақда 18 октябрь куни камида 65 нафар боланинг ўлимига сабаб бўлган Marion Biotech препаратлари бўйича суд мажлисида айбланувчилар маълум қилди, деб ёзади «Дарё».
Суд жараёнида сўзга чиққанларга кўра, 2021 йил октябрь ойида ишлаб чиқарувчилар асал ва лимон таъмига эга «Док-1 Макс» сиропини қайта рўйхатдан ўтказиш учун ариза берган.
Лаборатория текшируви учун тақдим этилган 33 флакон сироп орасида 2020 йилда чиқарилган лимон таъмли препаратларда заҳарли моддалар йўқлиги, 2021 йилда чиқарилган «Док-1 Макс» асал таъмли партиясида эса этиленгликоль заҳарли моддаси аниқланган. У автомобиллар учун антифриз, ювиш воситалари, бўёқлар ва бошқа маҳсулотларда қўлланади.
Илгари эълон қилинган синов натижалари «Док-1 Макс» таркибидаги этиленгликоль даражаси меъёрдан 300 баравар юқори эканини кўрсатган. Бунинг ўрнига унинг таркибида пропиленгликоль (бактерицид таъсирга эга озиқ-овқат қўшимчаси) бўлиши керак эди.
Маълум қилинишича, Ўзбекистонга асал таъмли сироплар олиб келинган бўлса-да, «сотувга чиқишга улгурмаган».
Судья Муса Юсупов суд мажлисларининг бирида 2022 йилда Ўзбекистонга ҳиндистонлик ишлаб чиқарувчилар томонидан ишлаб чиқарилган 256 минг флакон «Док-1 Макс» сиропи келганини таъкидлади, деб ёзади «Дарё».
Илгари айбланувчилардан бири, Дори воситалари, тиббий буюмлар ва тиббий техника экспертизаси ва стандартлаштириш давлат маркази ДУКда рўйхатдан ўтказиш бўлими бошлиғи сифатида ишлаган масъул препарат қайта рўйхатдан ўтказилганда лаборатория текширувидан ўтмаганини маълум қилганди. Фармацевтика агентлигининг собиқ раҳбари С.К.нинг айтишича, сироп қонуний ҳужжатлар билан рўйхатдан ўтганда ҳам, ундаги заҳарли моддаларни аниқлаб бўлмасди.
Ўша йиғилишда судланувчилардан бири «Док-1 Макс»га асал асал таъми қўшилган пайтда унинг гувоҳномаси муддати тугаган бўлса, гувоҳнома муддатини узайтириш ўрнига дори таркиби ўзгаргани учун унга янги гувоҳнома қилиниши кераклиги ҳақида савол берган. Бунга жавобан, Фармацевтика агентлиги директорининг собиқ ўринбосари Н.М. «препаратнинг молекуласи ўзгармаганини» таъкидлаган. Айбланувчи «этиленгликоль қўшилганда дори молекуласи ўзгарган» дея таъкидлаган. Н.М. эса дори ишлаб чиқарувчилари этиленгликоль қўшилиши ҳақида ҳеч қандай маълумот берилмаганини билдирган.
