«бош прокуратура» тегли мақолалар
Тошкентда фуқарони $25 минг эвазига АҚШга жўнатмоқчи бўлганлар ушлангани айтилмоқда
Тошкент шаҳрида компания раҳбари ва бошқа шахслар фуқарони $25 минг эвазига Туркия ва Мексика орқали АҚШга жўнатишга уринганликда айбланиб ушланди.
Бўкадаги сайёр қабулда аёл бош прокурор қабулига киритмагани учун Светлана Артикова билан жанжаллашди
Бош прокурор ўринбосари Светлана Артикова сайёр қабулда эри билан боғлиқ ишни ҳал қилиш учун келган аёл билан жанжаллашди. Аниқланишича, у аёлни бош прокурор билан учрашишга қўймаган. Якунда бош прокурор аёлни қабул қилиб, мурожаатни назоратга олди.
Наманганда реклама баннери 26 ёшли эркак устига қулади
Наманган шаҳрида фундаментидан ўпирилган реклама баннери машина ва бир эркак устига қулади. Бош прокуратура фуқаро шифохонага олиб кетилгани ва ҳолат бўйича текшириш олиб борилаётганини маълум қилди.
Тошкентда 16 ёшли қиз 3-қаватдан йиқилиб тушди
Юнусобод туманида яшовчи 16 ёшли қиз 3-қаватда балкон ойнасини артаётиб, эҳтиётсизлиги оқибатида йиқилган. Бош прокуратура жароҳат олган қизнинг аҳволи ҳозирда яхши экани, терговга қадар текширув ҳаракатлари олиб борилаётганини маълум қилди.
«Эрим ва ўғилларимни уруш-жанжалдан зўрға ушлаб турдим» — эркак ҳамкасби томонидан калтакланган ўқитувчи аёл
Сурхондарёдаги мактабда аёл ҳамкасбларини калтаклаган эркак ҳодисадан кейин ҳам озодликда эди. Воқеа видеоси тарқалгач, жиноят иши қўзғатилиб, эркак ушланган, мактаб директори ишдан олинган, жабрланувчининг ҳолидан эса ҳоким хабар олган. «Газета.uz» ҳодиса иштирокчилари билан суҳбатлашди (видео).
Сурхондарёда ўқитувчиларни дўппослаган эркакка нисбатан жиноят иши қўзғатилди
Узун туманидаги 31-мактабда ўқитувчиларни дўппослаган шахс ушланди. Унга нисбатан Жиноят кодексининг 277-моддаси (Безорилик) билан жиноят иши қўзғатилди. Вазир Ҳилола Умарова ҳолатга муносабат билдириб, видео эълон қилди.
Сурхондарёда ўқитувчилар бир эркак томонидан дўппослангани айтилмоқда
Узун туманидаги мактабда бир эркак ўқитувчиларни дўппослаётгани акс этган видео тарқалди. Вилоят мактабгача ва мактаб таълими бошқармаси ҳолат ишчи гуруҳ томонидан ўрганилаётгани, Бош прокуратура эса ўрганиш натижалари қонун доирасида кўриб чиқилишини билдирди.
Самарқандда ўрмон хўжалиги ерини $25 мингга сотишга уринган фуқаро ушланди
Оқдарё туманида фуқаро ўрмон хўжалигининг 3 гектар ерини 25 минг долларга сотишга уринганликда айбланмоқда. Гумонланувчи харидордан 10 минг доллар олган вақтида қўлга олинган.
Қашқадарёда айиқ ўлдирилиши ҳолати бўйича жиноят иши қўзғатилди
Қашқадарё вилояти прокуратураси Чироқчи туманида Тянь-Шан қўнғир айиғининг ўлдирилиши ҳолати бўйича жиноят иши қўзғатди. Аввалроқ жонивор ички ишлар бўлими бошлиғининг буйруғи билан «аҳоли хавфсизлиги учун» отилгани хабар қилинганди.
Раққоса Малика Аҳмедованинг уйидан 600 минг долларлик тақинчоқлар ўғирлангани айтилмоқда
Ўзбекистон халқ артисти Малика Аҳмедова яшаш уйидан 600 минг долларга тенг қимматбаҳо тақинчоқлар ўғирлаб кетилганини айтмоқда. Унинг фикрича, ўғрилар топилган, аммо қимматбаҳо бриллиант ва тиллалар қайтирилмаган. 11 апрель куни Мирзо Улуғбек тумани прокурори Алиакбар Пулатов раққоса билан учрашди.
Тошкентдаги мактабларнинг бирида 8-синф ўқувчиси вафот этди
Миробод туманидаги 110-мактабнинг 8-синф ўқувчиси вафот этди. Унинг ўлимига ошқозон ости безига кенг кўламли қон қуйилиши, ўткир юрак қон томир етишмовчилиги сабаб бўлгани айтилмоқда.
Ўзбекистонда балиқ овлашда браконьерликка қарши назорат кучайтирилиши мумкин
Ўзбекистонда балиқ овлашни тартибга солувчи қарор лойиҳаси муҳокамага қўйилди. Унда браконьерликка қарши курашиш, ноқонуний ов оқибатида етказилган зарарни ҳисоблаш, тақиқланган ов қуролларини йўқ қилиш тартиблари мавжуд. 2022 йилда ноқонуний балиқ овлаш бўйича 1119 та ҳуқуқбузарлик аниқланган.
Тошкентда ўзи ва 3 фарзандини тўққизинчи қаватдан ташлаган аёл бўйича қўшимча маълумот берилди
Сергелида ўзи ва 3 фарзандини тўққизинчи қаватдан ташлаган аёл иши бўйича жиноят иши қўзғатилди. Марҳума уйи ёниб кетгани туфайли болалари билан онасиникида яшаб келгани ва ушбу ҳолатлар руҳиятига салбий таъсир кўрсатгани ҳамда турмуш ўртоғи ҳозирда Умра зиёратида экани аниқланди.
Тошкентда аёл ўзи ва 3 нафар фарзандини тўққизинчи қаватдан ташлади. Уларнинг бари ҳалок бўлди
Сергели туманида 27 ёшли аёл 3 нафар фарзанди (1, 4 ва 5 ёш) билан ўзини тўққизинчи қаватдан ташлаб юборганди. Бош прокуратура уларнинг барчаси ҳалок бўлганини маълум қилди. Воқеа сабаблари ўрганилмоқда.
Рўзадор фермерларни сув ичишга мажбурлагани айтилган Косон ҳокими устидан Бош прокуратурага шикоят қилинди
Фермерлар кенгаши рўзадор фермерларни сув ичишга мажбурлагани айтилган Косон тумани ҳокими Асрол Бойқораевнинг хатти-ҳаракатлари юзасидан Бош прокуратурага мурожаат йўллади. БП матбуот хизмати ҳолат бўйича ўрганиш ишлари олиб борилаётганини маълум қилди.
Бош прокуратура меҳрибонлик уйи тарбияланувчиларини зўрлаш иши бўйича протест киритди
Бош прокуратура меҳрибонлик уйи тарбияланувчилари билан жинсий алоқада бўлгани учун 1,5 йилга озодликдан маҳрум қилинган Хоразм вилоятининг собиқ амалдорларига нисбатан ҳукмни «енгил» деб топиб, Олий судга протест киритди. У 29 март куни, воқеа ошкор этилишидан икки кун олдин чиқарилган.
Чорвоқ сув омбори қирғоқларидан одам суяклари топилди
Тармоқларда Чорвоқ сув омбори қирғоқларида одам суяклари топилгани акс этган видео тарқалди. Бош прокуратура бир неча йил аввал маҳалла қабристони сув остида қолиб кетгани ва ҳозир сув сатҳи пасайгани учун суяклар юзага чиқиб қолганини маълум қилди.
Тошкент маданият бош бошқармасининг собиқ раҳбарлари талон-торожликларда гумонланмоқда
Собиқ Тошкент маданият бош бошқармаси раҳбарлари ўтган йили 20 млрд сўмлик фестивалларни тендерсиз ўтказиш бўйича шартномалар имзолаган. Бундан ташқари, фестиваллар давомида 8 млрд сўмлик бюджет маблағлари талон-торож қилинган, дея хабар қилди Бош прокуратура хабарида.
Тошкент вилоятида эркак икки фуқарони пичоқлаб, ёқиб юборди
Янгийўл туманида эркак ижарага берилган ер майдонлари учун ҳақ талаб қилган икки нафар фирма ходимини пичоқлаб ўлдириб, ёқиб юборди. Ҳолат юзасидан жиноят иши қўзғатилиб, гумонланувчи шахс процессуал тартибда ушланди.
Ўзбекистонда энергия ресурслари ўғриликлари ҳақида хабар бериш учун Telegram-бот ишга туширилди
Бош прокуратура энергетика соҳасидаги қонунбузарликлар ҳақида хабар бериш мумкин бўлган Telegram-ботни ишга туширди.
Энг кўп ўқилган хабарлар | Сўнгги янгиликлар
- «Камолон ош» маркази асосчиси Саъдулло Саидов вафот этди
- «Аёллар кетиш учун куч топиши керак». Диёра Усмонова биринчи турмушида калтаклангани ҳақида гапирди
- Автомашинани қайта рўйхатдан ўтказиш йиғими аввалги миқдор — БҲМнинг 10 фоизига қайтарилди
- Аёлларни ҳимоя қилиши керак бўлган қонун уларни жазолаш учун ҳам хизмат қилмоқда
- UzAuto Motors Gentra, Damas ва Labo учун контрактацияни очади
Қўшимча имкониятларга эга булиш учун сайтда рўйхатдан ўтинг