Бош прокуратура Тошкентда 16 ёшли қиз жанжал сабаб бинонинг 3-қаватидан ўзини ташлагани ҳақида тарқалган хабар юзасидан ўрганиш олиб борди.
Аниқланишича, 5 апрель куни Юнусобод туманида яшовчи 9-синф ўкувчиси Х.М. (16 ёшли қиз) яшаб келаётган уйнинг 3-қаватида балкон ойнасини артаётган вақтида эҳтиётсизлиги оқибатида йиқилиб, жароҳат олган.
Х.М.га тез тиббий ёрдам кўрсатилиб, шифохонага олиб кетилган. Ҳозирда унинг аҳволи яхши экани маълум қилинди.
Телеграмдан фойдаланасизми? Муҳим янгиликларни ўтказиб юбормаслик учун каналимизга аъзо бўлинг.
Ҳолат юзасидан суд-тиббий экспертизаси тайинланган. Юнусобод тумани прокуратураси томонидан терговга қадар текширув ҳаракатлари олиб борилмоқда.
