Мактабгача ва мактаб таълими вазирлиги президент фармони лойиҳасида келтирилган бандлар бўйича эътироз билдирди. Лойиҳада вазирликнинг ҳудудий бўлинмалари маҳаллий ҳокимликларга ўтказилиши қайд этилганди. «Хавотирга ўрин йўқ, Адлия вазирлиги билан музокаралар ўтказилган», дейилди баёнотда.
Жамоатчилик муҳокамасига қўйилган 2023 йилги давлат дастурига кўра, ҳозирда анъанавий шаклда тақдим этилаётган 200 та давлат хизмати ДХМлар ҳамда ЯИДХП орқали кўрсатила бошлайди. Электр, газ ва сув ҳисоблагичларини қиёслаш проактив тарзда амалга оширилиши кутилмоқда.
Ўзбекистонда давлат хизматчиларининг даромадлари ва мол-мулкини декларациялаш тизими 2022 йил 1 январдан ишга тушиши керак эди, бироқ қонун ҳалигача қабул қилинмади. Ноябрда қонун лойиҳаси Вазирлар Маҳкамасига кўриб чиқиш учун берилган, лекин ҳукумат ҳужжатни ҳалигача парламентга тақдим этмади.
Ўзбекистонда хотин-қизлар, болалар ва кекса ёшдаги ота-оналар ҳуқуқларини ҳимоя қилувчи қонун лойиҳаси ишлаб чиқилди. Унга кўра, 18 ёшга тўлмаганларнинг номусига тегиш, зўрлик ишлатиб, жинсий эҳтиёжни қондириш учун жавобгарлик кучайтирилмоқда. Хусусан, уларга нисбатан амнистия қўлланмайди.
Адлия вазирлиги «Газета.uz»нинг Нукус воқеаларига оид «Нукусдаги вазият: тинч, аммо хавотирли» репортажини ҳуқуқни тарғиб қилувчи материаллар ўртасида ўтказилган танловда биринчи ўринга лойиқ кўрди.
Давлат хизматига қабул қилинган тадбиркорлар фаолиятини тўхтатиб туришнинг ҳуқуқий асослари яратилмоқда. Бу бўйича Адлия вазирлиги томонидан Вазирлар Маҳкамаси қарори лойиҳаси ишлаб чиқилди ва жамоатчилик муҳокамасига қўйилди.
Адлия вазирлиги раҳбарияти ННТларни халқаро грант лойиҳаларни амалга оширишда давлат органлари билан ҳамкорлик қилишга чорловчи ҳукумат қарорини бекор қилишга чақирган ННТ ва фаоллар билан учрашди. Томонлар ҳужжат қайта ишланиши кераклиги борасида бир тўхтамга келди.
Адлия вазирлиги тақдим этган қонун лойиҳасига кўра, қимор ва таваккалчиликка асосланган бошқа ўйинларни реклама қилиш, намойиш этиш ҳамда тарқатиш учун жавобгарлик белгиланмоқда. Ушбу ҳаракатларни содир этганлар уч йилгача озодликдан маҳрум қилиш билан жазоланиши мумкин.
Адлия вазирлиги E-qaror порталида Тошкент ҳокимлигининг шаҳар бюджетига оид ҳужжатлари аввал «ўчирилгани», сўнгра қайта тиклангани юзасидан изоҳ берди. Вазирлик маълумотларига кўра, фақат ҳокимлар ҳужжатларни эълон қилиш ва улардан фойдаланишни чеклаш ҳуқуқига эга.
Учкўприк туман ҳокимлиги биносида бир вақтнинг ўзида 16 нафар фермер ўз ерларидан «ихтиёрий» воз кечиш учун ариза расмийлаштиргани маълум бўлди. Бунинг учун нотариус ҳам ҳокимликка чақирилган. Адлия вазирлиги буни президент фармонига зид деб топди ва аризаларни бекор қилиш бўйича чораларни бошлади.
Адлия вазирлигида ахборот технологиялари соҳасидаги хорижий инвесторлар ва мутахассисларга, шунингдек Дастурий маҳсулотлар ва ахборот технологиялари технологик парки резидентларининг таъсисчиларига тавсия бериш тартиби тўғрисидаги низом давлат рўйхатидан ўтказилди.
Адлия вазирлиги фармацевтика маҳсулотларини сертификатлаштириш қоидаларини давлат рўйхатидан ўтказди. Ҳужжатлар «Ягона дарча» портали орқали юборилади. Тегишли орган 2 кунда жойига чиққан ҳолда намуналарни идентификация қилади ва ҳужжатларни текширувда иштирок этмаган холис ходимга топширади.
Адлия вазирининг ўринбосари Музраф Икрамов Гулнора Каримованинг адвокатлари судда ғалаба қозонгани ва $303 млнлик маблағни қайтариб олиши мумкинлигига муносабат билдирди. Унинг сўзларига кўра, суд ҳали якунига етмади ва Ўзбекистон томони Швейцария органлари билан тегишли чораларни кўрмоқда.
Президент фармони билан эндиликда мулк ҳуқуқи фақатгина суд қарори билан бекор қилинади, юридик шахснинг тугатилиши ер участкасига бўлган ҳуқуқни бекор қилмайди, турар жой мулкдорлари қариндош бўлмаган шахсларнинг доимий пропискасини бекор қилиши мумкин. Адлия вазирлиги ҳужжат моҳиятини тушунтирди.
Очиқлик тўғрисидаги қонунчиликни бузганлиги учун мансабдор шахслар БҲМнинг 3−5 баравари (900 минг — 1,5 млн сўм) миқдорида жаримага тортилади. Ҳуқуқбузарга нисбатан маъмурий баённомани эса Коррупцияга қарши курашиш агентлиги тузади.
ХТВ Хоразмда 17 мингдан ортиқ халқ таълими ходимлари меҳнат таътили пулларини вақтида ололмагани ҳақидаги хабарларга муносабат билдирар экан, пуллар июль бошида тўланганини қайд этди. Ҳозиргача республика бўйича ходимларнинг жами 3,8 трлн сўм таътил пулларидан 3,65 трлн сўми тўлаб берилган.
Айрим ОТМларда президент фармонига зид равишда талабалардан «айланма варақа»ни қоғоз шаклда тўлдириб келиш талаб этилмоқда. Адлия вазирлиги ўтказган текширувларда бу ўз тасдиғини топди. Олий таълим вазирлиги ва тегишли ОТМларга президент фармони ижросини сўзсиз таъминлаш бўйича тақдимнома киритилди.
Ўзбекистонда барча фуқароларнинг жинси, ирқи, миллати, тили, дини, ижтимоий келиб чиқиши, эътиқоди, шахси ва ижтимоий мавқеидан қатъи назар, қонун олдида тенглигини таъминлаш соҳасидаги муносабатларни тартибга солувчи қонун лойиҳаси ишлаб чиқилди.
Бир йилда қабул қилинган ҳужжатларнинг 30 фоизига, жумладан тадбиркорлик билан боғлиқ ҳужжатларнинг 80 фоизига ўзгартиришлар киритилди. Бу қонунчиликнинг барқарорлигига салбий таъсир қилмоқда, «фуқаролар ва бизнес вакиллари далилларга асосланган қонунчиликни талаб этмоқда», деди адлия вазири.
Давлат органларининг 18 турдаги маълумотномаларни сўраши бекор қилиниши ҳар йили қарийб 15 млн долларни тежайди ва 12 млндан ортиқ фуқарони бюрократиядан халос қилади, деди адлия вазири Русланбек Давлетов Гаагадаги форумда. У Ўзбекистондаги ислоҳотларнинг «муваффақият учбурчаги» ҳақида гапирди.
Қўшимча имкониятларга эга булиш учун сайтда рўйхатдан ўтинг