Республика ихтисослаштирилган гематология илмий-амалий тиббиёт марказига Миралишер Исломов директор этиб тайинланди.
Сенатнинг Хотин-қизлар ва гендер тенглик масалалари қўмитаси Андижон туманида ёш келинчакнинг олти эркак томонидан зўрлангани ҳолатини назоратга олди.
Россиялик овчига берилган иккинчи Тянь-Шань қўнғир айиғини отиш учун берилган рухсат бекор қилинди, деди Экология давлат қўмитаси вакили. Қарор жамоатчиликнинг норозилигини инобатга олган ҳолда қабул қилинди.
Диспансер кузатувида турган руҳий ҳолати бузилган шахсларнинг ягона электрон реестри юритилади. Унга фақат Соғлиқни сақлаш вазирлиги томонидан аниқланган шахсларга ва унда сақланган маълумотларнинг махфийлигини таъминлаган ҳолда кириш рухсат этилади.
Тошкент ахборот технологиялари университетида таҳсил ўқув йили сўнггига қадар масофавий тарзда давом эттирилади. Аввалроқ, университет 27 апрелдан 10 майга қадар 14 кунга масофавий таълим тизимига ўтган эди.
Самарқандда ИИБ бошлиғи Damas ҳайдовчисига сигнал чалгани учун эътироз билдиргани акс этган видео тарқалди. ЙҲХБ ходими ўзаро мулоқот вақтида муомала маданиятидан четга чиққан. Ҳайдовчининг ҳужжатлари текширилиб, тўлиқ бўлмаганлиги сабаб транспорт воситаси вақтинча сақлаш учун жарима майдонига жойлаштирилган.
Ҳафтанинг биринчи ярми ёзги кўрсаткичларга яқин ҳарорат билан жуда иссиқ бўлади. Қозоғистон ҳудудларидан салқин ҳаво кириб келиши билан ҳафта охирида ҳарорат пасайиши кутилмоқда.
«Хориждаги ўзбекистонликлар» лойиҳасининг навбатдаги меҳмони — Германияда фаолият юритаётган инвестицион банкир Дилшод Давронов. Биз ундан нега Ўзбекистондаги магистратурани ташлаб, хорижга ўқиш учун кетгани, етакчи олийгоҳларда таҳсил олишнинг афзалликлари, хориждаги қийинчиликлар ва Ўзбекистондаги ёшларга берадиган маслаҳатлари ҳақида сўрадик.
Фарғона вилоятида Malibu автомашинаси йўлнинг қатнов қисмига чиқиб кетган велосипедчини уриб юборди. Жабрланувчи тан жароҳати олиб, шифохонада вафот этди.
Сурхондарё вилояти Термиз шаҳридаги умумтаълим мактабида ёнғин юзага келди. Ҳодиса оқибатида бино 2-қаватининг тахминан 120 кв.м майдони ички ва том қисми ёниб зараланган. Тан жарохати олганлар йўқ.
Шухрат Назаров Автомобиль йўллари қўмитаси раисининг биринчи ўринбосари бўлди. Бундан ташқари, кўмита раисига яна икки ўринбосар ва бош муҳандис тайинланди.
Пенсия тайинлаш тартибига киритилган ўзгартиришларга кўра, расман ишсиз деб эътироф этилган ва зарур меҳнат стажига эга бўлган тақдирда эркакларга 58 ёшда, аёлларга 53 ёшда муддатидан илгари пенсия тайинланиши мумкин.
17 майдан Тошкентда совуқ сувни ўчириш ва сув таъминоти тармоқларида босимни пасайтириш режалаштирилмоқда (жадвал). Мирзо Улуғбек туманининг баъзи кўчаларида бир неча кун давомида иссиқ сув бўлмайди.
Ўзбекистон ИИВ халқаро экстремистик ташкилотлар фаолиятига қўшилганликда гумон қилиниб қидирувга берилган 10 кишининг исм-шариф ва фотосуратларини эълон қилди.
Андижон туманида 20 ёшли келинчак гуруҳ томонидан зўрланди. Ҳолат юзасидан жиноят иши қўзғатилди, гумондорлар — олти эркак.
Тошкентда Ботаника боғи орқа томонидаги очиқ майдонда ёнғин содир бўлди. Боғнинг ўрмон фонди зарар кўрмади.
Юнусобод тумани солиқ инспекциясининг катта инспектори 3500 долларни олган вақтида қўлга олинди. У камераль текширувлар якунида ижобий ҳулоса беришни ваъда қилгани айтилмоқда. Бундан ташқари, Булақбоши туман давлат солиқ инспекцияси бош инспектори, Жиззах шаҳри ҳамда Янгиқўрғон тумани ҳокимлари ўринбосарлари ҳам ушланган.
Ўзбекистон халқ артисти, таниқли режиссёр Баҳодир Йўлдошев 76 ёшида вафот этди. У нуфузли тадбирлар, шу жумладан, президент иштирок этган байрам шодиёналари, Мустақиллик куни ва Наврўз байрамига бағишлаб ўтказилган концертлар, «Шарқ тароналари», Мирзо Улуғбекнинг 600 йиллиги ва Амир Темурнинг 660 йиллиги муносабати билан ўтказилган тантаналарда бош режиссёр сифатида фаолият кўрсатган.
Ҳукумат қарори лойиҳаси билан Сергели туманида ёқимсиз ҳид тарқалишига сабабчи бўлган корхоналарнинг локал тозалаш иншоотларида реконструкция қилиш ҳамда бешта чарм саноат корхонасини Тошкентдан ташқарига кўчириш режалаштирилмоқда. Аввалроқ, туманнинг Бўзсув каналига турли корхона ва ташкилотлар томонидан оқова сувлар ва чиқиндилар оқизилаётгани хабар қилинган эди.
ИИВ матбуот котиби Шоҳрух Ғиёсов ички ишлар органлари «соқол» тадбирини ўтказаётгани ҳақидаги хабарларни рад этди. Интернетда ИИО ходимларига соқол қўйган фуқароларни аниқлаш ва уларни соқол олишдан олдин ва кейин суратга олиш бўйича кўрсатмалар айтилган аудиоёзув тарқалди.
Қўшимча имкониятларга эга булиш учун сайтда рўйхатдан ўтинг