Жамият
Давлат органларининг ахборот тизимлари мажбурий тартибда киберхавфсизлик экспертизасидан ўтказилади
Президент «Киберхавфсизлик тўғрисида»ги қонунни имзолади. Унга кўра, давлат органларининг ахборот ресурслари ва тизимлари мажбурий тартибда киберхавфсизлик экспертизасидан ўтказилади. ДХХ киберхавфсизлик соҳасидаги ваколатли орган этиб белгиланди.
Тошкент вилоятида 40 гектар ерни $3 млнга сотишга уринган шахслар ушланди
Бўстонлиқ туманида тўрт нафар тадбиркор ва Мирзо Улуғбек туман ҳокими ёрдамчиси 40 гектар ерни 3 млн долларга сотишга уринганликда гумон қилинмоқда. Улар 180 минг долларни аванс тариқасида олганида ушланган. Гумондорларга нисбатан жиноят иши қўзғатилди.
Ғофур Раҳимов Ўзбекистон профессионал бокс федерациясида иш бошлади
AIBA собиқ раҳбари ва тадбиркор Ғофур Раҳимов Ўзбекистон профессионал бокс федерацияси биринчи вице-президенти лавозимига сайланди.
1 сентябргача 160 та ихтисослаштирилган мактаб ташкил этилади
1 сентябргача Президент таълим муассасалари агентлиги тизимида ихтисослаштирилган 19 та мактаб-интернат ва 141 та мактаб ташкил этилади. Болалар 2022/2023 ўқув йилида мактабларнинг аниқ фанлар йўналишига 5−11-синфларга, табиий фанлар йўналиши бўйича 7−11-синфларга қабул қилинади. Қолаверса, мактабларда сунъий интеллект, робототехника, нанотехнология, IELTS ва TOEFL бўйича қўшимча курслар ўтилади.
Қамчиқ довонида содир бўлган аварияда Қирғизистон фуқароси вафот этди
Қирғизистонлик ҳайдовчи бошқарувидаги суюлтирилган газ ортилган юк машинаси Қамчиқ довонида қатнов қисмини ажратиб турувчи тўсиққа урилиб, ағдарилиб кетди. Бунинг оқибатида ҳайдовчи воқеа жойида вафот этди.
Ўзбекистонда «Болалик Академияси» рақамли платформаси ишга туширилди
Ўзбекистонда мактабгача таълимни қўллаб-қувватлашга қаратилган Learning Passport «Болалик Академияси» рақамли платформаси ишга туширилди. Платформа 3−6 ёшли болаларнинг тарбиячилари ва ота-оналари ўз билим ва кўникмаларини оширишига имкон яратади. Унинг доирасида 20 мингга яқин педагогни қамраб олиш, 1,5 млнга яқин болаларнинг ўқиш ва ривожланиш натижаларини яхшилаш режалаштирилмоқда.
Президент таълим муассасалари агентлиги раҳбарига ўринбосарлар тайинланди
Президент таълим муассасалари агентлиги директорининг биринчи ўринбосари лавозимига Дилшод Кенжаев, ўринбосари лавозимига эса Алишер Уббиев тайинланди.
Тошкентда ходимларини мажбурий меҳнатга жалб қилган шифохона масъули жаримага тортилди
Тошкент шаҳар мажбурий даволаш наркология шифохонаси ҳодимларини ер ағдариш ишларига мажбурий жалб қилгани учун шифохона хўжалик ишлари мудири жаримага тортилди.
Тошкентда молиявий пирамида ташкил этган шахс қўлга олинди
ДХХ Тошкент шаҳрида молиявий пирамида ташкил қилганликда гумонланган «Realnaya investitsiya» жамияти раҳбарини ҳибсга олди. У фуқаролардан 15 мингдан 200 минг долларгача бўлган пулларни олиб, ҳар ойда камида 10% дан фойда беришига ишонтирган. Унинг сўзларига кўра, ҳозирда 100 га яқин фуқародан 2,5−3 млн доллар қарзи бор. Унга нисбатан 7 та модда билан жиноят иши қўзғатилди. Жабр кўрганлардан эса Тошкент шаҳар прокуратурасига мурожаат қилиш сўралмоқда.
Нима тайёрлаймиз: паста
«Арабята» пастаси, вегетарианча, фета пишлоғи ва черри помидорли, тунец балиғидан тайёрланган, қаймоқ ва қўзиқоринли қайлада пиширилган паста — Zira.uz паста рецептлари рўйхатини тақдим этади.
15 апрель куни Ўзбекистонда содир бўлган энг муҳим хабарлар дайжести
Май ойида Қирғизистонга ташриф буюрадиган президент, Сурхондарёда ноқонуний кесиб ташланган 43 туп дарахт, нотўғри реставрация сабабли тарихий қийматини йўқотган Ситораи Моҳи Хосса саройи, Навоийда депутатлик қилаётган ҳоким ўринбосари, Қирғизистон ва Ўзбекистон чегарадош ҳудудида савдо-логистика маркази қурилиши ва бошқалар — «Газета.uz» нинг 15 апрелдаги энг муҳим хабарлари дайжестида.
USAID Ўзбекистонда қишлоқ аёлларини ўқитиш ва ишга жойлаштириш дастурини ишга туширди
АҚШ Халқаро тараққиёт агентлиги Ўзбекистоннинг барча ҳудудларида қишлоқ аёлларининг билим ва кўникмаларини ошириш, уларни ишга жойлаштириш ёки ўз бизнесини очишда қўллаб-қувватлаш дастурини ишга туширди. Дастур қарийб 1000 кишини қамраб олади.
Сурхондарёда 43 туп дарахт ноқонуний кесиб ташланди
Ангор туманидаги 6-сонли болалар боғчаси ҳудудида 43 туп жумладан, можжевельник ва туя дарахтлари таг қисмидан ноқонуний тарзда кесиб ташланганлиги аниқланди. Давлат экологик назорат инспекторлари ҳолатни ўрганмоқда.
ЙҲҚга яна қандай ўзгартишлар киритилди?
Юк машиналари фақат четки ўнг қаторда ҳаракатланиши мумкин, пиёдалар ўтиш жойларига 10 метрдан кам масофада тўхташ тақиқланади, велосипедчилар тунги вақтда нур қайтарувчи жилет кийишлари керак — ЙҲҚга яна қандай ўзгартиришлар киритилган.
Сув танқислиги оқибатларини юмшатиш бўйича дастур қабул қилинади — президент
Бир ҳафта ичида Ўзбекистонда сув танқислиги оқибатларини юмшатиш бўйича алоҳида дастур қабул қилинади. 1 октябрга қадар 4,5 минг км суғориш тармоқларини тозалаш ва 231 кмни бетонлаш, 3 мингта гидротехник иншоот ва 490 км насос қувурларини таъмирлаш, 3,5 мингта насос ўрнатиш, 281 та қудуқ қазиш режа қилинган. Президент бунинг учун 300 млрд сўм маблағ ажратилишини маълум қилди.
Дилшод Кенжаев президент маслаҳатчиси ўринбосари лавозимидан озод этилди
2021 йилдан бери президент маслаҳатчисига ўринбосар бўлиб ишлаган Дилшод Кенжаев бошқа ишга ўтиши муносабати билан лавозимидан озод қилинди. Унинг ўрнини Ўзбекистон Ёзувчилар уюшмаси раисининг биринчи ўринбосари Нодиржон Халбутаев эгаллади.
Тошкентнинг қаерида майсазорда дам олиш мумкин? — қўлланма
Тошкентда чим устида юриш ва майсалар устида дам олишга ҳалигача советча руҳда жавоб берилади: «Мумкин эмас». Лекин барибир шаҳарда бунга рухсат берилган жойлар пайдо бўлмоқда. «Газета.uz» майса устида дам олиш мумкин бўлган жойларни қидириб, пойтахтни айланиб чиқди. Биз ўзимиз билан машҳур архитектор Кристофер Александрнинг «Шаблонлар тили» китобини ҳам олдик — ундаги ғоялар расмийлар одамларга майсазорда дам олишни нима учун тақиқламаслиги кераклигини тушунишга ёрдам беради.
1 млн нафарга яқин хотин-қизнинг муаммолари ҳал этилди — Танзила Нарбаева
Сенат раиси Танзила Нарбаева 2018−2021 йилларда «Аёллар дафтари»га киритилган 1 млн нафарга яқин хотин-қизларнинг муаммолари ҳал этилганини маълум қилди. Жумладан, хотин-қизларнинг 2730 нафари уй-жой, 590 мингга яқини эса доимий иш билан таъминланган. Сўнгги 3 йилда 208,5 минг аёлга 7,7 трлн сўмдан ортиқ кредит ҳам берилган.
5 йил ичида Қорақалпоғистонда ЯИМ 1,5 бараварга ўсиши керак
Ҳукумат Қорақалпоғистонни 2026 йилгача ижтимоий-иқтисодий ривожлантириш дастурини тасдиқланди. Ҳужжатда ҳудудни ривожлантиришнинг «ўсиш нуқта» лари ва драйвер соҳалари белгиланган бўлиб, унга кўра 5 йил ичида ялпи ички маҳсулот ва саноат ишлаб чиқаришини 1,5 бараварга ошириш вазифаси қўйилган.
18−20 апрель кунлари баъзи жойларда кучли ёмғир ва дўл ёғиши кутилмоқда
Ўзгидромет 18−20 апрель кунлари Ўзбекистон ҳудудига Туркманистон орқали Эрондан нам ҳаво, сўнгра Волга бўйи ҳудудларидан нисбатан салқин ҳаво массаси кириб келишини маълум қилди. Натижада баъзи ҳудудларда кучли ёмғир ва дўл ёғиши, момақалдироқ бўлиши кутилмоқда.
Энг кўп ўқилган хабарлар | Сўнгги янгиликлар
- Оқ қайиқда — мақсад сари: Париж-2024 Паралимпиадасига йўлланма олган Муҳайё Абдусатторова ҳикояси
- Ўзбекистонда яқин беш кун жуда иссиқ бўлади
- Қорақалпоғистонда Lacetti ва Cobalt иштирокидаги ЙТҲ оқибатида 8 киши вафот этди
- Исроил элчиси ҳақидаги изоҳи учун ИИБга чақирилганда жанжал кўтарган эркак 10 суткага қамалди
Қўшимча имкониятларга эга булиш учун сайтда рўйхатдан ўтинг