Asialuxe Travel миллий туроператори мактаб таътили пайитида Дубайда унутилмас тарзда саёхат қилиш ва янги уфқларни кашф этишга ёрдам беради. Бундан ташқари у ерга Тошкент ва Фарғонадан тўғридан-тўғри рейслар орқали бориш мумкин.
Суриядаги жангарилар сафига бориб қўшилишни режалаштирган Олтинкўл туманида яшовчи 3 нафар фуқаро қўлга олинди. Уларга нисбатан жиноят иши қўзғатилди.
2021 йилда Ўзбекистонга олиб келинган асал таъмли «Док-1 Макс» сиропи таркибида ҳам заҳарли этиленгликоль моддаси бўлган. Бу Marion Biotech дориларини қабул қилган камида 65 боланинг ўлими бўйича суд мажлисида маълум қилинди.
Қозоғистон полицияси Чимкентдаги ғишт заводларида ноқонуний равишда ушлаб турилган 60 дан ортиқ Ўзбекистон фуқаросини меҳнат қуллигидан озод қилди. Заводлар эгалари қўлга олинди.
Экологик ҳуқуқбузарларни жаримага тортиш ваколатига эга бўлган Миллий гвардия ва ИИО, хусусан, чиқиндиларни нотўғри жойга ташлашнинг олдини олиш мақсадида рейдлар ўтказишни бошлади. Бундай ҳуқуқбузарликлар ҳақида 1354 рақамига қўнғироқ қилиб ёки Tozalik лойиҳаси боти орқали ҳам хабар бериш мумкин.
Нидерландиялик сайёҳ Том Гронд пора эвазига чипта синфини «кўтариб берган» поезд бошлиғи ишдан бўшатилганидан афсусдалигини айтди. «Компания ойнадаги аксига қараши керак», деб ёзган сайёҳ чипта тоифасини ошириш учун барча расмий уринишлари зое кетгани учун пора беришга мажбур бўлганини билдирди.
Мактабларнинг юқори синф ўқувчилари учун 4 та йўналишда танлов фанлари белгиланди. Улар қайси йўналишни танласа, ўша фанлар чуқурлаштириб ўқитилади. Кейинги ўқув йилидан танлов фанлари кўпаяди.
Сурхондарё вилоятида йўловчи поезди Spark билан тўқнашди. ЙТҲга енгил автомобиль ҳайдовчиси йўл ҳаракати қоидаларини бузгани сабаб бўлди. Автомобиль ҳайдовчиси вафот этган. Поезд йўловчилари жабрланмаган.
Қибрайда 2019 йилда 13 ёшли қиз 27 ёшли қўшниси томонидан зўрлангани ҳақида хабар берилган эди. Суд жиноятчига нисбатан 15 йил муддатга озодликдан маҳрум қилиш жазоси тайинлади.
Самарқандда ўтказилаётган UNWTO тадбирлари доирасида Ўзбекистон вилоятлари хорижий компаниялар билан қатор келишувларга эришди. Хивада Khiva city туризм маркази, Қашқадарёда 3 метрлик дор йўли, Наманганда сунъий кўл ва Самарқандда 3та акванариум ва бошқалар қурилиши режалаштирилмоқда.
Тошкентдаги Сингапур менежментни ривожлантириш институтининг 600 нафарга яқин талабаси курсдан қолдирилгани ҳақидаги хабарлардан сўнг ОТМ ректори изоҳ берди. Унинг ёзишича, 532 нафар талаба академик низом талабларини қўпол равишда бузган. Ректор уларнинг масаласи таҳлил этилишини қайд этди.
Балиқчи туманида пахта қабул қилиш масканидаги хирмонда ёнғин содир бўлди. Қишлоқ хўжалиги вазирлиги ёнғинда 12 кг пахта ёнганини айтмоқда. Лекин воқеа акс этган видеода бир хирмон тўлиқ ёниб, ёнғин иккинчи хирмонга ҳам ўтганини кўриш мумкин.
UzAuto Motors компанияси оммабоп автомобиллар бўлган Lacetti, Damas, Labo ва Cobalt нархларини оширгани маълум бўлди. Бироқ компания бу ҳақида расмий маълумот бермаган.
Тошкент шаҳридаги «Йўловчи поездларини таъмирлаш» ҳудудида 1 дона чўл бургутини тутқунликда сақлаган шахслар аниқланди. Уларга нисбатан 4 950 000 сўм жарима қўлланилди.
2024 йилда Ўзбекистонга 10 млн сайёҳ келиши кутилмоқда, деди экология вазири Азиз Абдуҳакимов Самарқанд Глобал инвестиция форумида. Тадбир доирасидаги кўргазмада Ўзбекистоннинг 14 та ҳудуди ва Марказий Осиё давлатларининг туристик-инвестицион стендлари намойиш этилди. «Газета.uz» фоторепортажи.
Япония элчихонаси томонидан Фарғона вилояти Қўштепа туманидаги 35-сонли мактабгача таълим ташкилотига болалар ва ошхона мебеллари ҳамда дарслар учун аудиовизуал жиҳозлар совға қилинди.
Тошкент шаҳрида 17 октябрь куни Миллий гвардия ходими ўзини ўзи отиб қўйди. Ҳолат юзасидан терговга қадар текширув бошланди.
Самарқандда 17 ёшли ҳайдовчи Nexia автомобилида ЙТҲ содир этди, оқибатда ўзи ва икки дўсти ҳалок бўлди. Машина бетон тўсиққа урилгач, қарама-қарши йўлга чиқиб кетган ва ёнғин юз берган.
Uzbekistan Airways туризм ойлиги муносабати билан 60 ёшдан ошган эркаклар ва 55 ёшдан катта аёлларга ички авиақатновлар учун 25 фоизли чегирма эълон қилди. Чегирма 1 ноябрдан 30 ноябрга қадар амал қилади.
Тошкент вилоятида Солиқ инспекцияси, Қорақалпоғистонда эса Давлат меҳнат назорати инспекцияси ходимларини пора олаётганда қўлга олингани айтилмоқда.
Қўшимча имкониятларга эга булиш учун сайтда рўйхатдан ўтинг