Жамият
Қонунчилик палатаси спикерига янги ўринбосар лавозими таъсис этилди
Қонунчилик палатасининг навбатдаги мажлисида спикерга рақамли ривожланиш ва ахборот сиёсати масалалари бўйича янги ўринбосар лавозими таъсис этилди. Депутатлар мазкур лавозимга Одилжон Тожиевни сайлашди. У парламент имиджи масалаларига масъул бўлади.
Тез ёрдам машинасининг битта чақириғига 150 минг сўм кетади — соғлиқни сақлаш вазири ўринбосари
Ўзбекистонда тез ёрдам машинасининг бир хонадонга бориб келиши учун 150 минг сўм миқдорида маблағ талаб этилади. Мурожаатларнинг 40 фоизи сурункали касалликлари бор беморлар томонидан амалга оширилиши, чақириқлар қанчалик нотўғри эканлигидан далолат беради, дея таъкидлади соғлиқни сақлаш вазири ўринбосари.
Хитой-ўзбек вакцинаси парламентга тақдим этилди
Хитойнинг Zhifei Longcom компанияси томонидан яратилган ва Ўзбекистонга ҳаммуаллифлик ҳуқуқи берилган вакцина Олий Мажлисга тақдим этилди. Маълум қилинишича, ушбу вакцинанинг хавфсизлик даражаси 99% ни, иммуногенлик эса 97% ни ташкил этади.
«Бу Финляндия эмас, ўзимизнинг Намангандаги ёшлар кутубхонаси» — Алишер Саъдуллаев. Фоторепортаж
Президент Наманган вилоятига ташрифининг иккинчи кунида вақт тиғизлиги сабаб Ёшлар кутубхонасига бора олмади. У ерда бўлганлар эса ўз фикр-мулоҳалари билан ўртоқлашди. «Бу Финляндия эмас, ўзимизнинг Намангандаги ёшлар кутубхонаси», дея фикр билдирди ёшлар ишлари агентлиги директори Алишер Саъдуллаев. Намангандаги кутубхонадан «Газета.uz» фоторепортажи.
«Лотин алифбосига ўтишга сиёсий мотивлар сабаб бўлган» — адлия вазири маслаҳатчиси
Адлия вазирининг давлат тили масалалари бўйича маслаҳатчиси, блогер Шаҳноза Соатова ўзбек тили ёзувининг лотин алифбосига ўтиш сиёсий мотивлар сабабли рўй берганини айтди. «Буни ҳеч ким рад эта олмайди. Бугун ҳам ўша мотивлар турибди», — деди у. Бундан ташқари, у лотин алифбосидаги 4 та ҳарфнинг ўзгариши техник муаммони ҳал қилишини ва саводга таъсир қилмаслигини таъкидлади.
Тошкентда вакциналарни ташиш учун мўлжалланган бир нечта Miniven-Labo автомобиллари тўқнашди
Тошкент шаҳрида ЮНИСЕФ томонидан вакциналарни ташиш учун ажратилган машиналар ЙТҲга учради. 2 та машинага техник шикаст етган ва уларда вакцина бўлмагани маълум қилинди.
Эмланишдан бош торганларга ҳеч қандай чора кўрилмайди — бош вазир ўринбосари
Коронавирусга қарши биринчи навбатда эмланадиганлар рўйхатида бўлган шахслар вакцинация жараёнидан воз кечса, уларга нисбатан ҳеч қандай чора кўрилмайди. «Фақатгина эмлашнинг афзаллиги тушунтирилади. Лекин эмланиш ниятида бўлмаган одамга иш фаолиятида ҳеч қандай таъсир чоралари кўрилмайди», — деди бош вазир ўринбосари Беҳзод Мусаев.
Коронавирусга қарши биринчи навбатда эмланадиган шахслар рўйхати қайта кўриб чиқилади
Ўзбекистонда коронавирусга қарши биринчи навбатда эмланадиган фуқаролар рўйхати қайта кўриб чиқилади. Бунга болгерлар, ОАВ, транспорт ходимлари, меҳнат мигрантлари ва хорижда таҳсил олаётган талабалар ҳам ушбу рўйхатга киритилганидан сўнг, ижтимоий тармоқлардаги муҳокамалар сабаб бўлди.
Spotify Ўзбекистонга кириб келаётганини маълум қилди
Spotify мусиқий стриминг хизмати 85 та янги мамлакатга, шу жумладан Ўзбекистонга кириб келишни режалаштираётганини маълум қилди.
Тошкент вилоятида ноқонуний қурилаётган объектлар аниқланди
Қурилиш вазирлиги Тошкент вилоятида турар-жой бинолари, савдо мажмуаси ва божхона терминалини ноқонуний қураётган компаниялар тўғрисида хабар берди. Барча ишлар бўйича материаллар судга юборилганига ва ишлаб чиқувчилар маъмурий жавобгарликка тортилганига қарамай, қурилиш-монтаж ишлари давом этмоқда.
Рулда ухлаб қолган ҳайдовчи ЙТҲ содир этди. 2 нафар фуқаро ҳалок бўлди
Фарғона вилоятида «MAN Trailer» автомашинаси ҳайдовчиси ухлаб қолиб, бир йўналишда ҳаракатланаётган «Nexia-2» билан тўқнашади. ЙТҲ оқибатида 2 нафар йўловчи воқеа жойида вафот этди. Яна бири тан жароҳатлари билан шифохонага ётқизилган.
ДСҚ қарийб 500 млрд сўмлик «сохта» операцияларни аниқлади
«Нақдлаштирувчи фирмалар» билан вазиятни ўрганиш доирасида солиқ органлари мамлакат бўйлаб 2534 та корхонада камерал текширувларини ўтказди. Натижада 2238 та корхонада 498,9 млрд сўм миқдоридаги «сохта» операциялар аниқланди.
Ўзбекистон 2022 йилги U-23 Осиё кубоги мезбонлигини қўлга киритди
2022 йилда Ўзбекистонда U-23 Осиё чемпионати бўлиб ўтади. Аввал бу мусобақани Хитой ўтказиши керак эди, аммо турли муаммоларга кўра бундан воз кечди.
Uzbekistan Airways ва Uzbekistan Airports`га янги раҳбарлар тайинланди
Uzbekistan Airways компаниясига транспорт вазири Илҳом Маҳкамов раҳбарлик қилади. Uzbekistan Airports компанияси бошқарув раислигига эса Раъно Жўраева тайинланди. У бунга қадар турли йилларда S7 Space ҳамда «Роскосмос»нинг Ер усти космик инфратузилмаси объектларини эксплуатация қилиш марказини бошқарган.
Боланинг ўқишга кириши мактабнинг бўйнида эмас — Расул Кушербаев
Депутат Расул Кушербаев ОТМга киролмаган ўқувчилар сабабли мактаб директорлари ишдан олиниши «демагогия эканлиги» ва ўқитувчиларнинг бунда айби йўқлигини таъкидлади. «Боланинг тадбиркорликка қизиқиши бўлса, ўқишга киришни хоҳламаса ҳам биз ўқитувчини айблаймизми?», — деди депутат. Унинг айтишича, бундай талаб қонунчилик ёки Меҳнат кодексида белгиланмаган.
«Сўз эркинлиги жамият ривожланишига халақит бермаслиги керак» — Алишер Қодиров
Олий Мажлис Қонунчилик палатаси спикерининг ўринбосари Алишер Қодиров «эркин сўз қанчалар эркин бўлмасин жамиятнинг хотиржам ривожланишига халақит бермаслиги керак», деган фикрда. У «халқ ишончи билан ваколатга эга бўлган ҳокимиятга қарши курашишга чақирадиган сўз ҳуқуқбузарлик сифатида баҳоланиши ва жазоланиши зарур» эканига ишора қилди.
Совуқ об-ҳаво мевали дарахтларнинг куртаклари ва гулларига зарар етказади — Ўзгидромет
Ўзгидромет 25−27 февралда кутилаётган совуқлар ойнинг иккинчи ўн кунлигида мевали дарахтларнинг ёзилган куртаклари ва гулларига зарар етказади дея огоҳлантирмоқда.
Uzbekistan Airways онлайн рўйхатдан ўтишни жорий қилади
Uzbekistan Airways 1 мартдан бошлаб ўз қатновларига онлайн рўйхатдан ўтиш хизматини жорий қилади.
Депутатлар транспорт вазири лавозимига Илҳом Маҳкамов номзодини маъқуллади
Қонунчилик палатаси депутатлари транспорт вазири лавозимига Илҳом Маҳкамов номзодини маъқуллади. У ўтган йилнинг октябридан буён вазир вазифасини бажарувчи сифатида ишлаб келаётган эди. Аввалроқ, Эльёр Ғаниев транспорт вазири лавозимидан озод этилган эди.
Хоразмда беш кишилик оила ис газидан заҳарланди, уч киши вафот этди
Хоразмда чойхона эгаси, турмуш ўртоғи ва бир фарзанди газ ўчоғидан сизиб чиққан ис газидан заҳарланиб вафот этди. Икки фарзанди кучли заҳарланган.
Энг кўп ўқилган хабарлар | Сўнгги янгиликлар
- Сурхондарёдаги маҳалла аҳолиси стадионнинг бир қисмида боғча қурилаётганидан норози. Ҳокимлик ҳаммаси қонуний эканини билдирди
- Тартибсизлик ва тирбандликлар фонида Тошкентдаги «текинга нарса тарқатиш» акциялари тўхтатилди
- Жаҳонгир Азимов: «Ўша кунги воқеалар ривожини тўлиқ ўрганиш керак» (1)
- Пойтахтни эгаллаган Олот кутубхонаси. Туркманистон билан чегара яқинида кутубхона очиш учун Туркиядан қайтган Шаҳноза Наврўзова ҳикояси
Қўшимча имкониятларга эга булиш учун сайтда рўйхатдан ўтинг