Жамият
Метрони ТТЗ массивигача кенгайтириш режалаштирилган. Ер ости линиясини ётқизишнинг иккита варианти муҳокама қилинмоқда
Тошкентда Чилонзор метро линиясини «Буюк Ипак йўли» бекатидан ТТЗ массивигача узайтириш режалаштирилган. Ер ости линиясини ётқизишнинг иккита варианти — Мирзо Улуғбек кўчаси ёки Буюк ипак йўли кўчаси орқали олиб ўтиш устида ишланмоқда.
«Агрессив кадр сиёсатини юритиш керак» — Русланбек Давлетов коррупцияга қарши курашиш ҳақида
Адлия вазири Русланбек Давлетов коррупцияни кескин камайтиришда бирёқлама ёндашув, жумладан, фақат ўлим жазосини жорий қилиш ёки фақат диний таълимни кучайтириш билан иш битмаслигини таъкидлади. Вазирнинг фикрича, муаммони ҳал этиш учун комплекс ёндашиш, «агрессив кадр сиёсатини юритиш керак».
15 ноябрь куни Ўзбекистонда содир бўлган энг муҳим хабарлар дайжести
Ўзбекистон Мозори Шариф аэропортини реконструкция қилишни бошлаши, Андижонда 6 киши зўрлаганини айтган аёл туҳмат учун жавобгарликка тортилиши, Беҳзод Мусаев тунда Тошкент шифохоналаридаги вазиятни ўрганиши — «Газета.uz»нинг 15 ноябрдаги энг муҳим хабарлари дайжестида.
«Самарқанд» аэропорти ёпилиши декабр ўртасигача узайтирилди
«Самарқанд» халқаро аэропорти фаолиятининг тўхтатилиши 15 декабрга қадар узайтирилди.
1 январдан автотранспорт воситаларини сотиб олганлик учун йиғим бекор қилиниши мумкин
Қонунчилик палатасига киритилган Давлат бюджети лойиҳасига мувофиқ, 2022 йилдан эътиборан автотранспорт воситаларини сотиб олганлик учун йиғим бекор қилинади. Депутат Дониёр Ғаниевнинг ёзишича, автомобиль олди-сотди шартномасини нотариал расмийлаштириш учун ундириладиган давлат божи ҳам ягона миқдорда — БҲМнинг 3 баравари этиб белгиланиши кутилмоқда.
Андижонда 6 киши зўрлаганини айтган аёл туҳмат учун жавобгарликка тортилди
Андижон туманида 6 нафар эркак томонидан дала шийпонида зўрланганини айтган 20 ёшли келин туҳмат қилганликда айбдор деб топилди. Суд унга 2 йил-у 6 ой муддатга озодликни чеклаш жазосини тайинлади. Ноябрдаги жиноят иши аппеляцияда ҳам кўриб чиқилган ва ҳукм ўзгаришсиз қолдирилган.
Жиззахда президент мактаби очилди
Жиззах вилоятида президент мактаби очилди. Мактабга 10 000 нафар номзод орасидан 144 нафар ўқувчи қабул қилинди. Ушбу мактаб 70,7 млрд сўм эвазига давлат бюджети ҳисобидан қурилган.
Ўзбекистон ва Қозоғистон Сурхондарёда ҳарбий машғулотлар ўтказади
Ўзбекистон ва Қозоғистон қуролли кучларининг ҳамкорликдаги ўқув машқлари 17−24 ноябрь кунларида «Термиз» полигонида бўлиб ўтади. Унда Су-30СМ қирувчилари, ҳарбий самолётлар ва учувчисиз қурилмалардан фойдаланиш режалаштирилган.
Беҳзод Мусаев тунда Тошкент шифохоналаридаги вазиятни ўрганди
Соғлиқни сақлаш вазирлиги раҳбари Беҳзод Мусаев тунда пойтахт шифохоналарида бўлиб, болалар ўртасида ўткир респиратор инфекциялар билан касалланиш ҳолатини ўрганди. Кейин у эрталаб соат 4:30 да йиғилиш ўтказди, шундан сўнг 600 дан зиёд қўшимча ўрин-жойлар ташкил этилди.
Энергетика вазирлиги электр таъминотидаги узилишларга изоҳ берди
Энергетика вазирлиги энергоресурсларга бўлган мавсумий талаб билан бир вақтда уларни етказиб бериш ҳажмининг ўсиши электр таъминотидаги узилишларга сабаб бўлаётганини маълум қилди. Шунингдек, чанг бўрони, сув ресурслари танқислиги, энергоресурслардан оқилона фойдаланмаслик ва тармоққа ноқонуний уланишлар электр таъминотига сезиларли таъсир кўрсатган.
Тошкентда ёшлар фестивали бошланмоқда. Тадбирлар рўйхати
Тошкентда ноябрь-декабрь ойларида «Тошкент ёшларни севади» шиори остида Ёшлар ойлиги ўтказилади. Тадбир доирасида спорт фестиваллари, интеллектуал лойиҳалар, маданият ва санъат, мода ва дизайн кўргазмалари, Poytaxt party концерт дастурлари ва бошқалар бўлиб ўтади. Тошкент шаҳар ҳокими Жахонгир Ортиқхўжаев «кўплаб сюрпризлар» борлигини маълум қилди.
Ҳафта ўртасида ҳаво совиб, ёғингарчилик бўлиши кутилмоқда
Сешанба куни мамлакатга Волга бўйи орқали нам ва совуқ ҳаво массаси кириб келади. Ўзбекистоннинг барча ҳудудларида ёмғир кўринишидаги ёғингарчилик бўлади, қорга айланади. Ҳаво ҳарорати кундуз куни 0…-3 даража совуқгача пасаяди.
Қашқадарёда чигирткадан экспортбоп ун ишлаб чиқарилади
Нишон туманида чигирткадан парҳезбоп ун тайёрлаш лойиҳаси ишлаб чиқилди. Лойиҳа қиймати 4,1 млрд сўм бўлиб, йиллик қуввати 80 тонна чигиртка уни ишлаб чиқаришга мўлжалланган. Унинг ҳар килоси 3,7 доллардан сотиш кўзда тутилган. Чигирткаларни далалардан йиғиб олиш учун эса аҳоли вакиллари жалб қилинади.
Яна «саводсизликнинг ўттиз йили»ми?
Бир гуруҳ тилшунослар ёпиқ эшиклар ортида лотин ёзувига асосланган ўзбек алифбосига ўзгартишлар киритиш масаласида ҳал қилувчи қарорга келгани айтилмоқда. Таъкидланишича, алифбодаги sh, ch, oʻ ва gʻ ҳарфларини ş, ç, ō ва ğ шаклига ўзгартириш ҳамда ñ ҳарфини киритиш таклифлари маъқулланган. «Газета.uz» колумнисти Комил Жалилов ушбу қарорнинг илмий асосланмагани ва келажакда қандай ижтимоий ва иқтисодий оқибатларга олиб келиши ҳақида ёзди.
«Ўқитувчиларга юклаш ҳолатлари бор». Абдуқодир Тошқулов ОТМдаги муаммолар ҳақида
ОТМ вазири Абдуқодир Тошқулов таълим муассасаларида гуруҳ мураббийи ўрнига жорий этилган «тьютор» лавозими билан боғлиқ муаммоларга тўхталар экан, уни ўқитувчиларга юклаш ҳолатлари учраётганини айтди. «Мақсад профессор ўқитувчиларни ўзига асосий ишига хос бўлмаган ишлардан озод қилиш, у сифатли дарс ўтсин», — деди у. Вазир шунингдек, дарсга кечикиб ва хатто тайёрланмасдан келаётган ўқитувчилар виждонан дарс ўтмаётганини танқид қилди.
Электромобиллар учун янги намунадаги давлат рақами белгилари ишлаб чиқарилди
Ўзбекистонда электромобиллар учун алоҳида — янги намунадаги давлат рақами белгилари ишлаб чиқарилди. 1 ноябрга қадар электромобиллар учун расмийлаштирилган давлат рақами белгилари бепул алмаштириб берилади.
Ўзбекистонда умуммиллий Конституция имтиҳони ўтказилади
Фуқароларнинг Конституция ҳақидаги билимларини синовдан ўтказиш мақсадида Адлия вазирлиги ва Конституциявий суд умуммиллий имтиҳонни ўтказади. Имтиҳон икки босқичдан иборат бўлиб, 1 декабрь куни бошланади. Унда 15 ёшга тўлган ва ундан катта барча фуқаролар қатнашиши мумкин. Энг юқори натижани қайд этган иштирокчига 15 млн сўм берилади.
Жаҳон банки Ўзбекистонда ёшлар бандлиги муаммолари ва уларнинг ечимларини санаб ўтди
ОТМга киришнинг қийинлиги, бизнес бошлашда имтиёзли кредит олишнинг чеклангани ва бошланғич капиталнинг йўқлиги, мактабларда касбга йўналтириш амалиётининг деярли йўқлиги ва бошқа муаммолар — Жаҳон банки Ўзбекистонда ёшларни иш билан таъминлаш муаммолари ва уларнинг потенциал ечимларига бағишланган янги ҳисоботини эълон қилди.
Қорақалпоғистонда ИИВ ходими пора билан қўлга тушгани айтилмоқда
Қорақалпоғистонда ИИВ ходими тадбиркорнинг маҳсулотини ЙПХ масканлари орқали Хоразм вилояти ҳудудига ўтказиш эвазига пора олган вақтда ушлангани айтилмоқда. У шериклари билан ҳар бир юк ортилган транспорт воситасига 3,5 млн сўмдан сўраган. Уларга нисбатан Жиноят кодексининг фирибгарлик, жиноят содир этишга суиқасд қилиш ва пора бериш моддалари билан иш қўзғатилди.
Ҳафта бошида ҳарорат кескин пасайиши кутилмоқда
16 — 17 ноябр кунлари Ўзбекистон ҳудудларида ёғингарчилик (ёмғир қорга айланади) бўлади. Шу кунлари республика бўйича шамол тезлиги 17−22 м/с гача кучайиши кутилмоқда. Ҳаво ҳарорати ҳарорат кечалари 5−8° совуқгача, кундуз кунлари 0−3° илиқгача бўлади.
Энг кўп ўқилган хабарлар | Сўнгги янгиликлар
- Дубайда икки ўзбекистонлик йўловчи аёл самолётда жанжаллашди
- Jurabek Laboratories «Док-1 Макс»дан жабрланганларга 75,6 млрд сўм миқдорида маънавий зарарни қоплаб бериш таклифи билан чиқди
- 14 майда диний тадбир туфайли вақтинчалик автобус йўналишлари ташкил этилади
- Сурхондарёда турар жой ва мактаб ҳудудига кирган айиқ отиб ўлдирилди
Қўшимча имкониятларга эга булиш учун сайтда рўйхатдан ўтинг