Жамият
Шавкат Мирзиёев Германиянинг ташқи ишлар ва БААнинг ҳукумат ишлари бўйича вазирлари билан учрашади
Шавкат Мирзиёев 1 ноябрда Германия ташқи ишлар вазирини қабул қилади. Учрашувда 2 томонлама муносабатлар муҳокама қилинади. 3 ноябрь куни БАА ҳукумат ишлари бўйича вазири билан учрашув режалаштирилган. Шунингдек, иқтисодиёт ва одил судлов масалалари бўйича тақдимотлар ўтказилиши кўзда тутилган.
Қозоғистон билан чегарадош «Навоий-Қоплонбек» ўтказиш пункти вақтинчалик ёпилади
1 ноябрдан ўзбек-қозоқ чегарасидаги «Навоий — Қоплонбек» автойўл ўтказиш пункти 19 ойга ёпилади. Пунктда модернизация қилиш ва техник жиҳозлаш ишлари амалга оширилади.
Шаҳрисабз билан Самарқандни боғлайдиган «чарчаган йўл» таъмирланади
Президентдан «Саҳродан музликкача» туризм магистралини қуриш доирасида Шаҳрисабз ва Самарқанд шаҳарларини боғлайдиган, Чироқчи туманидан ўтувчи 30 кмлик йўлни таъмирлаш бўйича амалий ёрдам сўралди. Давлат раҳбари розилик билдириб, бусиз сайёҳлар Қашқадарёга кела олмаслигини таъкидлади.
Ўзбек адабиётшунос олимига Чингиз Айтматов номидаги мукофот берилди
Тошкент давлат ўзбек тили ва адабиёти университети ректори, адабиётшунос олим Шуҳрат Сирожиддинов Чингиз Айтматов номидаги мукофотни қўлга киритди. Мукофот Қирғизистон Жогорку Кенеши таклифи билан 2012 йил ноябрь ойида таъсис этилган.
Ҳафта давомида ёмғирли об-ҳаво кузатилади
Ноябрь ойи республика шимолига нам булутли массивлар кириб келиши ҳисобига ёғингарчиликлар билан бошланиши кутилмоқда. Ҳафта давомида республиканинг турли вилоятларида ёмғир ёғади. Ҳарорат ҳам ўзгариб туради. Кундузи ўртача +12…+17 даража атрофида бўлиши мумкин. Туман тушиши эҳтимоли бор.
Янги ўзбек алифбоси қандай бўлиши керак?
«Ўзбек тили ойлиги»нинг сўнгги мақоласи муаллифи Акмал Соҳибов шундай ёзади: «Аксар чет сўзларини рус тили ва кирилл алифбоси орқали олиб, янги ўзбек алифбосида ёзмоқдамиз. Бу амалиётдан воз кечиш пайти келди. Энди «воситачи» тилларни четга суриб, ўзбек тили имкониятларидан кенг фойдаланиш шарт».
Нобель мукофоти совриндори Тошкентни жамоат транспортига сармоя киритишга чақирди
Тошкентда ҳақиқатан ҳавонинг ифлослиги, нафас олиб бўлмаслигини сездим, деди Нобель мукофоти совриндори Рае Квон Чунг «Газета.uz» мухбири билан суҳбатда. Профессорнинг фикрича, жамоат транспортини кўпайтириш, автомобилда шаҳар ичига кирмаслик зарур. Акс ҳолда вазият бундан ҳам ёмонлашади.
Нодирбек Абдусатторов Фишер шахмати бўйича жаҳон чемпионатини тўртинчи ўрин билан якунлади
Ўзбекистонлик Нодирбек Абдусатторов шахмат бўйича Фишер номидаги жаҳон чемпионатининг бронза медали учун кечган баҳсда тўртинчи ўринни эгаллади. У Магнус Карлсенга имкониятни бой бериб қўйди.
Маҳкумлар интернетдан фойдаланиши мумкин бўлади
ИИВнинг жазони ижро этиш муассасаларининг ички тартиб қоидаларига қўшимчалар киритиш борасидаги қарор лойиҳаси муҳокамага қўйилди. Ҳужжат билан, маҳкумларниинг электрон давлат хизматларидан фойдаланиши учун интернетдан фойдаланиши мумкин бўлади.
Бўстонлиқдаги ижарага олинган дачада 26,2 млн сўмлик қалбаки пул тайёрлаган шахслар ушланди
Тошкент вилоятида қиймати 26 млн сўмдан ортиқ 100 ва 200 минг сўмлик қалбаки купюраларни муомалага чиқаришда гумонланган шахслар қўлга олинди. Уларнинг пулларни Бўстонлиқдаги ижарага олган дала ҳовлисида тайёрлагани айтилмоқда. Ҳолат юзасидан жиноят иши қўзғатилди.
«Бу қандайдир омон қолиш чораси». Юнусободликлар реконструкциядан кейинги Аҳмад Дониш кўчаси ҳақида
Тошкентдаги Аҳмад Дониш кўчаси реконструкциядан кейин пиёдалар учун ноқулай ва хавфли бўлиб қолди. Натижада аравачали ота-оналар ва қариялар қатнов қисмидан кесиб ўтишга мажбур бўляпти. Ваъда қилинган тирбандликлар ҳам йўқолмаган. «Газета.uz» фуқароларнинг ўзгаришлар ҳақидаги фикрлари билан қизиқди.
1 ноябрдан нималар ўзгаради?
Ўзини ўзи банд қилганлар рўйхати кенгаяди, энди «коробка» уйлар учун ҳам субсидия берилади, шифокорлар етишмаган ҳудудларда талабалар ишга олинади, кўп квартирали уйлардаги умумий майдонга қўшимча объект қуриш тақиқланади, ёшларга компьютер хариди учун кредит берилади — 1 ноябрдан нималар ўзгаради?
Икки тиллилик? Чала тиллилик!
Ёзувчи Хуршид Даврон 1989 йилда икки тиллиликка қарши шундай деганди: «Маърифатли сиёсатчи ўз халқини алдаш йўлидан бормайди. У алданган халқ қалбида фақат қаҳр-ғазаб тўпланишини, ишончи топталган халқда олдга ҳаракат қилиш завқи сўниб боришини, унинг ижодкорлик қуввати сусайишини билади».
Ўзбекистон Ҳуқуқ устуворлиги индексида 78-ўринни эгаллади
Ўзбекистон Ҳуқуқ устуворлиги индексида 140 та давлат орасида 78-ўринни эгаллади. Мамлакат умумий рўйхатда Хитой, Россия, Туркия ва бошқа давлатларни ортда қолдирди.
Ургутда катта тезликда кетаётган Lacetti 4 пиёдани уриб юборди, 2 нафари ҳалок бўлди
Ургутда катта тезликда ҳаракатланаётган Lacetti йўлнинг қатнов қисмида кетаётган 4 пиёдани уриб юборди. Оқибатда улардан 2 нафари шифохонада вафот этди. Ҳолат юзасидан жиноят иши қўзғатилди.
Сеулдаги тиқилинч оқибатида 151 киши ҳалок бўлди, улар орасида ўзбекистонлик ҳам бор
Жанубий Корея пойтахти Сеул марказида Хеллоуин байрамини нишонлаш вақтида юз берган тиқилинч оқибатида 151 киши ҳалок бўлди, 82 нафари жароҳатланди. Ҳалок бўлганлар орасида 19 нафар хорижлик, жумладан, камида бир нафар ўзбекистонлик ҳам борлиги аниқланди.
Янги таҳрирдаги меҳнат кодекси қабул қилинди
Янги таҳрирдаги Меҳнат кодекси қабул қилинди. 1995 йилдаги биринчи таҳриридан фарқли равишда, унда мажбурий меҳнатни тақиқлаш, ходимнинг ҳуқуқий ҳолати ёмонлашишига йўл қўйилмаслик кабилар асосий принцип этиб белгиланди. Давлат эҳтиёжманд аҳолини ишга жойлаш бўйича қўшимча кафолатларни таъминлайди.
Ўзбекистонда ковид статистикаси яна кўтарила бошлади
Ўзбекистонда октябрь ойининг ўрталарида кетма-кет 5 кун ҳеч кимда коронавирус аниқланмаганди. Бироқ ой охирларига келиб, расмий статистикада жонланиш қайд этилди. Жумладан, 26 октябрдан бери кунлик ковидга чалинганлар сони 20 нафардан ошиб кетди.
Бўстонлиқдаги 11,4 гектар боғни 550 000 долларга сотишга уринишди
Бўстонлиқ туманида икки шахс вақтинча фойдаланиш учун ажратилган боғнинг 11,4 гектар ерини бошқа бир фуқарога 550 000 долларга сотишга уринганликда гумонланмоқда. Улар келишилган пулдан 50 минг долларини Тошкент шаҳрида олишганда қўлга тушди.
Америкадан келиб ўзбек тилини ўрганишади. Биз эса…
«20−30 йилларда саводсизликни тугатиш ҳаракати бўлган эди. Ҳозир саводсизликка қарши кураш лозим бўлиб қолди». Тоҳир Маликнинг 33 йил аввалги ушбу сўзлари бугун ҳам долзарблигини асло йўқотмаган. У Америкадан келиб ўзбек тилини ўрганишаётгани, биз эса томошабин бўлиб турганимизни ҳам қайд этганди.
Энг кўп ўқилган хабарлар | Сўнгги янгиликлар
Қўшимча имкониятларга эга булиш учун сайтда рўйхатдан ўтинг